Afiseku 5:26 - Mewar Alqawarang

²⁶ Ma ku̱ vu̱r nji nda shakhshakh ye Magham nu̱ ku̱nshe ɓalar ɓaran qu̱rse wa gaɓ ndu̱ chin tu̱ kha shakhshakh nu̱ ku̱nshe shiɓti nda nu̱ gha nu̱ shiki ndu̱ ɗyimi.

Afiseku 5:26 ပူးပေါင်းရင်းမြစ်များ

Yokhana 13:10

Tu̱ Yesu zu̱ za, “Qu̱rse nduk wa shi wurti, varan wa kha Shakhshakh. Ɓu̱ gang wur tu̱k ɓa kope ku̱ shiɓ kya saaran nu̱gha ɗyenda. Ku̱me tun Shakhshakh, yang kap ɓaanu ɓa.”

Yokhana 15:3

Aa leendang tun shakhshakh ku̱me ɓalar nang zu̱ki ye nu.

Yokhana 15:8

Shi ma ɗyi nu̱ke Magham a shimndan, ma wut nu za tun nu̱ mburi nga, ku̱me nang ke ɗyi nu̱ke kaɗa ɓa ki ndu̱ zhaaji ye Zhinkir ɓanga.”

Yokhana 17:7

Yang leendang wa zu̱n ku za kap ɗyi no vu̱rki ya a vi sho ro.

Yokhana 3:5

Tu̱ Yesu tlogha yenda za, “Zhire zhire nga zu̱ran yoro, mbu̱ nu̱ kha nduk nu̱ ku̱nshe ɗyim ndu̱ Jiimba ɓa, ɓu̱ vi nu̱ mbu̱ kwaaɗar ɓu̱ Magham ɓa.

Tlu̱nar ɓu̱ Pudeku 22:16

Yang ta bu kya nu̱ma? Ju tu̱ shi baptisme yoro tu̱ shiɓ solar ɓa yor nu̱ gha nu̱ ku̱nshe qar dlu̱m Zhinerem gwaanji.’

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

Romeku 10:8

Ɗyi nu̱ke bu̱lar Ɓalar ɓu̱ Magham a zu̱ranang chin ke, “Ɓalar ɓu̱ Magham a nje bing ndu̱ to, a nje mbu̱ me ro, kom ndu̱ mbu̱ memu̱na ro.” Ɓalar nang chin ke ɓalar maito nu̱ke chem a waazu ni. Za,

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

2 Korintiyeku 11:2

Nga zhiri ɓaanu ndu̱ pooni zhiri ndolar nu̱ke Magham a shiran ye nu. Ku̱me nang nga da alqawar ɓu̱rtonu ɓar ye Masiya, yang nga shim ku̱ kha nu shibtan, ma ku̱ vu̱r nga nu yenda ba wa njif nu̱ke a vu̱r wonkhar nu̱ke ɗyinan ku̱san ye zhimen.

Afiseku 6:17

Sa ma jere vi, chin ke ɗanari, ndu̱ kaskar nu̱ Jiimba, chin ke Ɓalar ɓu̱ Magham.

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Yibraniyeku 10:10

Mbe shimndi ɓu̱ Magham wa gaɓ ndu̱ chem ma nduki ɓaran shakhshakhndi nu̱ ku̱nshe sadke nu̱ Yesu Masiya vu̱rki man varan sar kaada ye kharki.

Yibraniyeku 10:14

Ku̱me sadke dandi nang, wa gaɓ ndu̱ nduki nu̱ wakaki wor nu̱gha tu̱ kha nyeedlan ku koɗokhsi ɓa.

Yibraniyeku 10:22

Ku̱me nang a song mi nu̱ bing ndu̱ Magham ndu̱ memu̱nar zhirekandi, ndu̱ maito nu̱ke memu̱na rem rap rap ɓa. A song mi ndu̱ memu̱nar nu̱ shiɓki nu̱ gha mbe sola tu̱ kha shakhshakh, kom ndu̱ man var nu̱ shiɓki nu̱ gha ndu̱ ɗyim shakhshakhndi nggarnggar.

Yibraniyeku 10:29

Yang njif nu̱ ndu̱mki Yi ɓu̱ Magham ɗa, wa gaɓ ndu̱ tom alqawar nu̱ wakaki nda nu̱ gha nang tu̱ kha bam, tu̱ pu̱z Jiimbi shakhshakhndi nu̱ mu̱nki! Tun a taman za ka shikya nyi pooni kumar gu̱rgu̱rndi nu̱ shipaki njif nang na?

Yibraniyeku 13:12

Wanang tu̱k Yesu wa za bonye qu̱rse ghayi ma ku̱ gaɓ nu̱ nduki shakhshakh nu̱ ku̱nshe tom ɓaran.

Yibraniyeku 4:12

Ɓalar ɓu̱ Magham nyifi si yang a tlu̱na shwat, me nang nyamnyam wa duk aa nyi kaskar nu̱ke men rap. Wa ka vi nu̱ mbe nduku, tu̱ mber chele ɓu̱ jiimbi nduku ndu̱ nyifiri ɓaran, tu̱ vi chele ɓu̱ mebarku ndu̱ ɓolgo. Wa ka kuma kwaari ɓu̱ nduku ndu̱ ɗyi nu̱ ku̱rki mbu̱ memu̱naran.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

Yaqub 1:18

Magham shimki ku̱ kha rem ku̱nshe ɓalar ɓaran zhirekandi ma ku̱ duk mi ɗyiku nyin du̱ngki ndu̱ zhaaji.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

1 Biturus 3:21

Yang ɗyim nang a khar wa baptisme nu̱ka ɗanaki nu. Tun yang tun wa gwa ɗanar nu̱ ku̱nshe ɗyim baptismyang. Yang ɗanar nyem gwaki nang chem gwa ku̱me shiɓti ru̱gnar ɓar ve vaarem ɓa. Chem gwa ɗanarang ku̱me alqawar chele ɓaarem nu̱ Magham ndu̱ memu̱nar mbarkandi, kom ndu̱ jiiri ɓu̱ Yesu Masiya ɓar mbe mu̱ti.

2 Bitu̱rus 1:9

Yang njif nu̱ mbu̱ɗki ɗyiku nang, nu̱ka na maa mbar ɓa ba wa no za puguman. Wa mona ndu̱ shiɓti nda nu̱ shiki nu̱ gha mbe solar ɓaran ɗau fara.

1 Yokhana 5:6

Nang ke njif na ɓa ki nu̱ ku̱nshe ɗyim ndu̱ tom chin ke Yesu Masiya. Nu̱ ɗa ɓa nu̱ ku̱nshe ɗyim ɗyenda ɓa, a ɓa nu̱ ku̱nshe ɗyim ndu̱ tom tu̱k. Yang ɗya Jiimbyang saidaki ku̱me Jiimbyang ke zhire.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.