Afiseku 5:20 - Mewar Alqawarang

²⁰ Tun ki kuna Magham Zhinki mbu̱ dlu̱m Zhinerem gwaanji Yesu Masiya aakochi mbu̱ anyi tunu.

Afiseku 5:20 ပူးပေါင်းရင်းမြစ်များ

Yokhana 15:16

Tun datki nga ɓa, nga datki nu, tang sa nga za ɗu̱ nu tun a tlu̱na ɗyiku mbarkandi, qusonggi nu̱ke ka khaki koɗokhsi ɓa. Kom Zhinkirang ka vu̱r ɗyi nun khuɗki mbu̱ dlu̱ma ye nu kap.

Tlu̱nar ɓu̱ Pudeku 5:41

Tu̱ Pudekwang njig maa tabar dle gume ɓu̱ Yakhudekwang a kashar ku ku̱me nduki wa na wor wa khu̱l ku̱ za nda bonye ku̱me dlu̱m Yesu.

Romeku 1:8

Gumapaali nga kuna Maghamndi ɓanga nu̱ ku̱nshe Yesu Masiya ku̱me tun kap, nu̱ke labar maito ɓaanu wa ɗu̱ aa fu̱n mbu̱ larji.

1 Korintiyeku 1:4

Nga kuna Magham aakochi ku̱me mu̱nkir nu̱ vu̱rki ye nu nu̱ ku̱nshe Masiya Yesu.

1 Korintiyeku 15:24

Kom lauɗar san ka ɗa ɓa, sarchi nu̱ke ka gaɓki ndu̱ kwaaɗar ye Magham qu̱rse wa su̱ya khu̱kheeti malkandiku nu̱ke a kwaaɗarku kap, ndu̱ nu̱ kwaaɗar ku, ndu̱ zalale ku.

Afiseku 5:4

Wanang tu̱k ku̱ shi nu me ku̱rji ndu̱ ɓalar bamndi ndu̱ ɗye mu̱si galkandi ɓa, ku̱me nu̱ shipa ɓa. Me ɓu̱ nang tun ki kuna Magham.

Filipiyeku 1:3

Nga ka kuna Magham mbu̱ nga kwaaronu aakochi.

Filipiyeku 4:6

Ku̱ damta nu ndu̱ aa nu̱m ɓa, mbu̱ aa nu̱m kap gho ma ye Magham mbe barar ndu̱ khuti, su̱yen ndu̱ kunari.

Kolosiyeku 3:17

Mbu̱ ɗyi nu̱ke tun a shiran kap, aa mbe ɓala aa tlu̱na, tun shir nda mbu̱ dlu̱m Zhinerem gwaanji Yesu, tun a kuna Magham Zhinki nu̱ ku̱nshe nda.

1 Tasalonikeku 3:9

Chem ka shikya nyi pooni kuna ye Magham ku̱me pooni kashar nyem shiki gume Maghamndi ɓaarem ku̱me tuna?

1 Tasalonikeku 5:18

Tun kuna Magham mbe aa nyi tunu, ku̱me nang ke shimndi ɓu̱ Magham ye nu mbe Masiya Yesu.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

2 Tasalonikeku 2:13

Yang wa ku̱s ku̱ kuna mi Magham aakochi ku̱me tunu, nyeezaku nu̱ke Magham a ndolaran. Ku̱me vu̱ nggarsan Magham wa daato nu tun gwa ɗanar nu̱ ku̱nshe zalale ɓu̱ Jiimbi nu̱ shiɓki nun gha kom ndu̱ nu̱ ku̱nshe maitar zhire.

Yibraniyeku 13:15

Yang ki mi zoɓa sadke khamndi ye Magham nu̱ ku̱nshe Yesu. Tu̱ khamndi ɓaarem kha ma ye ɓalarku na viki ve me, nu̱ saidaki dlu̱manang.

1 Biturus 2:5

Tun yang, gaɓ wa ndogdiku nu̱ nyifiri nu̱ka shiki boote ndu̱ wor ma du̱n rafti nu̱ jiimba. Ma ku̱ kha ma tabar ɓu̱ kuruku shakhshakhndi ɓu̱ rafti nang, tun a zoɓa sadke nu̱ jiimba nu̱ ku̱nshe Yesu Masiya, nang ke pooni sadke nu̱ke Magham a shimndan.

1 Biturus 4:11

Njif nu̱ke vu̱rti ɓaran ɗya nu̱ waazu, ku̱ shi waazwang wa Magham ndu̱ ɗyinan kya ɓalarang nu̱ ku̱nshe nda. Mbu̱ yang vu̱rti ɓaran ɗya nu̱ tlu̱nar ye nduku, ku̱ ki tlu̱nar nang ndu̱ du̱mbu̱r nu̱ Magham vu̱rki yenda kap. Shi ma wanang ma ku̱ vu̱r nu gorkir ye Magham nu̱ ku̱nshe Yesu Masiya. Zhaaji ndu̱ kwaaɗar ɗya ɓaran koɗokhsi ɓa. Amin.