Afiseku 5:2 - Mewar Alqawarang

² Tun shi khar viti ɓaanu mbe ndola ba wa nu Masiya ndolaki rem, tu̱ vu̱r ɗyinan ku̱me chem, vu̱rti nu̱ke zhiran mu̱ni, yang ɗya sadke nu̱ dlaki ye Magham.

Afiseku 5:2 ပူးပေါင်းရင်းမြစ်များ

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Yokhana 13:34

“Nga zu̱kya mewar Wopar ye nu, ba wa nang ndolaki nu, tun ndola yen tu̱k wanang.

Yokhana 6:51

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Romeku 15:16

Ma ku̱ kha nga ma nu̱ tlu̱nar ɓu̱ Masiya Yesu ye nduki nu̱ke ɗya Yakhudeku ɓa, su̱yen nu̱ tlu̱nar kuru ɓu̱ Magham nu̱ wopar Labar Mbarkandi ɓu̱ Magham. Ma ku̱ nduki nu̱ke ɗya Yakhudeku ɓa kha ma sadke dlu̱kandi she Magham, nduki nu̱ wakaki wor gha nu̱ ku̱nshe Jiimbi shakhshakhndi.

Romeku 4:25

Vu̱r Yesu ɓar tu̱ mu̱t ku̱me solarku ɓaarem, yang ji ndu̱ chin ɓar mbe mu̱ti tu̱ kha ndu̱ nyifiri ma ku̱ kha mi waare zop gume Magham.

Romeku 8:3

Jiwa Magham wa shi ɗyi nu̱ke Bibitang nu̱ ɗu̱ma shiran ɓa ku̱me tu̱ɓti ɓu̱ nduku mbe ɗye shir ɓaran. Magham a ru̱kkya Yi ɓaran mbu̱ shipar ɓu̱ man vaarem nu̱ka shiki solar nang, ma ku̱ kha ma sadke ku̱me solar ɓaarem, tu̱ gu̱ɗa zalale ɓu̱ sola nu̱ gha mbu̱ man va.

Romeku 8:37

Yang mbu̱ ɗyiku nang kap, chem wa duk du̱mbu̱r ku̱ nduk qa rem za chem rakya wuta ɗyenda, ɗyiku nang yang shi nu̱ ku̱nshe chin nu̱ ndolaremang.

1 Korintiyeku 16:14

Mbu̱ ɗyi nu̱ke tun a shiran kap, tun shir nda mbe ndola.

1 Korintiyeku 5:7

Fet ma yis gu̱makandi nu̱ solar ɓaanu ɓara ma ku̱ kha nu ma mewar ɓurti toli, ku̱me tun ba wanang ɗo. Jiwa wa dla qur ye gamndi sadke Tabar peetar ɗyinang, chin ke Masiya.

2 Korintiyeku 2:14

Nga kuna Magham, chin nu̱ka khaki nu̱ gume rem aakochi chem a ra wute mbe Masiya. A boote ndu̱ chem ma ɗyem chem a wopa Labar mbarkandi ɓu̱ Masiya aa fu̱n wa ɗye zhi mu̱nkandi nu̱ zhiran dlu̱ki aa fu̱n.

2 Korintiyeku 2:15

Jiwa chem a khar wa ɗye zhi mu̱nkandi nu̱ Masiya zoɓaki ye Magham, tu̱ zhiranang dlu̱ maari tu̱ ɗu̱ chele nduki nu̱ke a ɗana wor ndu̱ nduki nu̱ke a ɗyin njiv yir ma mu̱ti.

2 Korintiyeku 8:9

Tun wa zu̱n mu̱nkir ɓu̱ Zhinerem gwaanji Yesu Masiya. Aa nu̱ke gu̱naran, tu̱ gaɓ ndu̱ ɗyinan ma nu̱ nugun ku̱me tunu. Ma ku̱ kha nu gu̱naran gume Magham nu̱ ku̱nshe nungndi ɓaran.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

Afiseku 1:4

Wa daaterem nu̱ ku̱nshe khar ɓaarem da ndu̱ Masiya me ku̱ du̱ng larji, ma ku̱ kha mi shakhshakh, waare sola gume nda ku̱me ndolar ɓaran.

Afiseku 3:17

Tu̱ Masiya khan mbu̱ memu̱nanu nu̱ ku̱nshe maito. Nga barar ye nu̱, ma nu̱ke tun wa shi dlu̱dlarsi tun ku̱s maa vu̱ghai ɗyiɗying mbe ndola.

Afiseku 3:19

Nga barar tu̱k ku̱ zu̱n nu ndolar ɓu̱ Masiya nu̱ dukki du̱mbu̱r ku̱ nduk zu̱ni, ma ku̱ nyedli nu ndu̱ kap pooni nyedli ɓu̱ Magham.

Afiseku 4:15

Me ɓu̱ nang, ki mi zu̱ zhire ye yen mbe ndola, chem gor mbe aa nyi tunu, tu̱ ɗye shir ɓaarem kha wa ɓu̱ Masiya nu̱ke a khar wa chin ke ɗyin.

Afiseku 4:2

Tun kha ndu̱ katar ɗyin tu̱ memu̱na nu kha ɓu̱tokh ndu̱ kanaɗyi, ndu̱ dlu̱r yen mbe ndolari.

Afiseku 5:15

Ku̱me nang tun ku̱r vaanu maɗyi mbe khar viti nu̱ke tun a mban. Ku̱ shi nu khar ɓaanu wa nggu̱bu̱ng ku ɓa, shi ma wa nu̱ kaɗari ku.

Afiseku 5:25

Khuzuku, ndola ma nusuku ɓaanu ba wa nu̱ Masiya ndolaki tabar ɓu̱ nu̱ mbu Yesu tu̱ vu̱r ɗyinan ku̱me chin.

Filipiyeku 4:18

Tun wa shi aa nu̱m ya, ɗyi nun shiki wa duk ɗyi nu̱ke nga gangndan. Mba zhiran, nu̱ke nga gwa ɗyiku nun ru̱kki su̱ ya mbu̱ khar Apafaroditus. Nang ɗya sadke nu̱ke zhiran mu̱n maɗyi, ɗya vu̱rti mbarkandi nu̱ke Magham ka dlu̱ki san tu̱ tu̱k mu̱ndan.

Kolosiyeku 3:14

Dukti ɗyiku nang, tun ndola yen, ku̱me ndola ka gu̱nki aa nu̱m kap nu̱ ve yen ma ku̱ kha wa nu̱ Magham shimki.

1 Tasalonikeku 4:9

Ɗyine ɓalar ndolar yen wa khachinkirku, nu̱ ku̱s ku̱ bu̱lami ɗyen ye nu ɓa, ku̱me tun ndu̱ ɗyinonu Magham wa shoga ye nu za ku̱ ndola nu yen.

1 Timoti 2:6

Chin vu̱rki nyifi ɓaran ma dli ɗyin nduki kap. Nang ke saidu nu̱ Magham vu̱rki ye larji mbu̱ sarchi ni.

1 Timoti 4:12

Njig na tu̱ njif nggur ndu̱mndor ku̱me to woi ɓa, yang to kha ma ɗye shoga chele ɓu̱ nu̱ mbu Yesu ku, mbe ɓala, ndu̱ khar viti ɓaaro, ndu̱ wuti ndola, ndu̱ maito, ndu̱ khar viti shakhshakhndi.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Yibraniyeku 8:3

Ka dat gorkir kuru ma vu̱r vu̱rtiku ndu̱ sadkeku. Wanang tu̱k wa shipa ku̱ gorkir ɓu̱ kuruku ɓaarem nang kha ndu̱ ɗyi nu̱ke chin ka vu̱rki.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

Yibraniyeku 9:23

Wa ku̱s ku̱ me ghayan kha wanang ma ku̱ ɗyiku nu̱ larji nang nu̱ke a wut jiimbi ɗyin viɗi kha shakhshakh. Yang ɗyiku nu̱ viɗi nu̱ vaanda a shimkya sadke nu̱ dukki nu̱ gumang mbaari.

Yibraniyeku 9:26

Mbu̱ tu̱ga ka shi wanang, ai, tu̱ga Yesu ka ki za bonye aakochi, ma nu̱ du̱ngki larji. Yang wonji a ɓa ba sar kaada mbu̱ lauɗar su̱ qaandiku nang ma ku̱ da nji solarku ɓara nu̱ vu̱rki ɗyinan ku̱men.

1 Biturus 4:8

Guma ndu̱ aa nu̱m, ndola ma yen ndu̱ memu̱na nu da. Ku̱me ndola wa ka lu̱pa ɗyin zop khangndi.

1 Yokhana 3:16

Wonji ɗyi nu̱ saki chem zu̱n nu̱m ke ndola, Yesu Masiya wa vu̱r nyifi ɓaran ku̱me chem. Wa shipa chem tu̱k vu̱r mi nyifi ɓaarem ku̱me nyeezerem.

1 Yokhana 3:23

Nang ke ɗyi nu̱ Magham zu̱ki za shem chin ke ku̱ maita mi dlu̱m Yi ɓaran Yesu Masiya, chem ndola yen tu̱k wa nu̱ Masiya zu̱ki yerem.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 5:9

Tu̱ qa mewar taazi ku, a zu̱ran ku za, “Ta khu̱l ma ku̱ dlu̱ na lagarkati ɗyikhlakandang to qu̱n yitu̱m ɓaran kwang nu̱gha. Jiwa wa tlagha nu̱gha zhu, yang nu̱ ku̱nshe tom ɓaaro ta dli ɗyin nduki ye Magham mbe aa nyi me sham, ndu̱ me ghin, ndu̱ me ghai, ndu̱ aa nyi nduki.