Afiseku 5:19 - Mewar Alqawarang

¹⁹ tun shi ɓalar ye yen ndu̱ ɓalarku nu̱ke a mbu̱ Zabura, ndu̱ taazi khamndi ku, ndu̱ taaziku nu̱ mbu̱ Jiimba. Tun ki qa taazi khamndi ku ndu̱ Zabure ye Zhinkir gwaanji ndu̱ memu̱na nu kap.

Afiseku 5:19 ပူးပေါင်းရင်းမြစ်များ

Matta 15:8

‘Nduki nang a vu̱r gorkir ya ndu̱ me wor, ɗyenda, yang memu̱na wor ɓakh ndu̱ nga.

Matta 26:30

Nu̱ Yesu ndu̱ nu̱ mburi nda kwang qaki taazi, tu̱ vi ku tu̱ ɗu̱ ku mbu̱ Dleng qu̱far Zaitun.

Tlu̱nar ɓu̱ Pudeku 16:25

Chele virkiri, Bulus ndu̱ Sila a bararku ndu̱ taazi gwaari dlu̱m Magham. Ɓeeni nduki nu̱ke a nje khiiran mbu̱ zhaaru̱mang a ngga dlu̱mndi wor ye wora.

1 Korintiyeku 14:15

Yang shi nga kya nu̱ma? Ngga shi barar ndu̱ jiimba, yang ngga shi tu̱k ndu̱ kwaari ɓanga. Ngga shi taazi gwaari dlu̱m Magham ndu̱ jiimba, yang ngga shi ndu̱ kwaari ɓang tu̱k.

1 Korintiyeku 14:26

Yang tun ka shi kim ɗo nyeezaku? Mbu̱ tun wa taba kap, yang njif nggur a qa taazi gwaari dlu̱m Magham, njif nggur a shikya shogar ɓara, njif nggur a ɓalar ndu̱ mewar me ghin, njif nggur a zu̱kya ɗyi nu̱ Magham wutki yenda. Yang ɓu̱ njif nggur a zu̱kya mbu̱ ɗyi nu̱ke nu̱ mewar me ghayang a zu̱ran, shi ma aa nu̱m ma ku̱ nduki gwa shaata tu̱ gor ku.

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

Yaqub 5:13

Nduk a nje chele ɓaanu nu̱ke a mbu̱ bonye mu? Mbu̱ a nje ku̱ shi barari. Nduk a nje nu̱ke a kashar mu? Mbu̱ a nje ku̱ qa nji taazi makhtari.

Ɗyin mbu̱ tukari 5:9

Tu̱ qa mewar taazi ku, a zu̱ran ku za, “Ta khu̱l ma ku̱ dlu̱ na lagarkati ɗyikhlakandang to qu̱n yitu̱m ɓaran kwang nu̱gha. Jiwa wa tlagha nu̱gha zhu, yang nu̱ ku̱nshe tom ɓaaro ta dli ɗyin nduki ye Magham mbe aa nyi me sham, ndu̱ me ghin, ndu̱ me ghai, ndu̱ aa nyi nduki.