Afiseku 4:9 - Mewar Alqawarang

⁹ Nu̱m ke mbu̱ “Dlaki nu̱ mbu̱ viɗa na?” Mban za wa zhur nu̱ gargha mbu̱ maa vu̱ghai!

Afiseku 4:9 ပူးပေါင်းရင်းမြစ်များ

Matta 12:40

Ku̱me ba wa nu̱ Yunana shiki qaandi kunung, virkir ndu̱ fu̱ɗar mbe yurvi gwaanji, wanang tu̱k Yi ɓu̱ nduk ka shi qaandi kunung, virkir ndu̱ fu̱ɗari paran vu̱ghai.

Yokhana 20:17

Tu̱ Yesu ze nda za, “Khuɓ na nga ɓa, ku̱me nang dlan she Zhinkirang ɓa dong. Yang ɗu̱ she nyeezaku to ɗa ze wor no za, nga gaɓti nu̱ she Zhinkir ɓanga ndu̱ Zhinkir ɓaanu, Maghamndi ɓanga ndu̱ Maghamndi ɓaanu tu̱k.”

Yokhana 3:13

Sar da nduk a nje nu̱ dlaki nu̱ viɗ ɓa, kope Yi ɓu̱ Nduk na shurki viɗ ɗyenda.

Yokhana 6:33

Ɗye zu̱mndi ɓu̱ Maghamang ɗya nu̱ shurti viɗi, a vu̱r nyifi ye larji.”

Yokhana 6:38

Jiwa na nga shur viɗi ma shi shimndi ɓang ɓa, nga ɓakya ma shi shimndi ɓu̱ njif nu̱ ɗa ru̱kki nga.

Yokhana 6:41

Tu̱ Yakhudekwang nggaasi ruru ku̱me wa zu̱ za, “Nga ke ɗye zu̱mndi nu̱ ɗa shurki viɗi.”

Yokhana 6:51

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Yokhana 6:58

Nga ke ɗye zu̱mndi nu̱ ɗa shurki viɗi. Zhikannu nu̱ zhu tang wa nji manneku, yang kap ndu̱ nang tu̱ mu̱t ku, yang njif nu̱ zu̱mki ɗye zu̱mndi nang ka kha ndu̱ nyifiri koɗokhsi ɓa.”

Yokhana 6:62

Yang tun ka shi kikimndi mbu̱ tun wa na Yi ɓu̱ Nduku a dlar ma yir mbu̱ viɗi ye maa nu̱ ɗa viki si?

Yokhana 8:14

Tu̱ Yesu tlogha ye wor za, “Aa nga saida ɗyina, ai, saidu ɓang ɗya zhire, ku̱me nga zu̱n ye maa na nga viki si, ndu̱ maa nu̱ke nga yir si. Yang nun zu̱n maa na nga viki si ɓa, yang nun zu̱n maa nu̱ke nga yir su̱ ɓa.

Yibraniyeku 2:7

Ta shir nda tu̱ kata nu̱ ru̱ktiku ɓaaro, to shi zhar yenda ndu̱ zhaaji maɗyikandi no vu̱rki yenda ndu̱ gorkiri,

Yibraniyeku 2:9

Chem nakya Yesu nu̱ saki tu̱ kata nu̱ ru̱ktiku ɓu̱ Magham me sarchi koɗomma. Yang leendang wa vu̱r zhaaji ndu̱ gorkir yenda ku̱me wa shi bonye nu̱ ku̱nshe mu̱nkir ɓu̱ Magham ka dar mu̱ɗi me ɓu̱ nduk kap.