Afiseku 4:6 - Mewar Alqawarang

⁶ Magham kaada, chin ke Zhin nduki kap. Chin kya ɗyin nduki kap, a tlu̱nar ɓaran nu̱ ku̱nshe nduki kap, yang a mbe aaki.

Afiseku 4:6 ပူးပေါင်းရင်းမြစ်များ

Matta 6:13

Njig na rem chem nggu̱t nu̱ mbu̱ sola ɓa, yang to shakh chele ɓaarem ndu̱ Nu̱ mu̱narang.’

Matta 6:9

“Ku̱ barar ɓaanu kha wanang: ‘Zhinerem nu̱ke a mbu̱ viɗi ku̱ nduk sawa dlu̱moro,

Yokhana 14:23

Tu̱ Yesu tlogha yenda, “Kap njif nu̱ke a ndola nga, ka khutlo ɓalar ɓanga, Zhinkir ɓang ka ndola nda tu̱k, chem ka ɗa ɓa she nda chem kha gha su̱yen ndu̱ chin.

Yokhana 17:26

Nga wutor ye wora, yang ngga zu̱m guma ndu̱ shiran, ma ku̱ ndolar no shiki yang khan mbe wora, tang khan mbe wor tu̱k.”

Yokhana 20:17

Tu̱ Yesu ze nda za, “Khuɓ na nga ɓa, ku̱me nang dlan she Zhinkirang ɓa dong. Yang ɗu̱ she nyeezaku to ɗa ze wor no za, nga gaɓti nu̱ she Zhinkir ɓanga ndu̱ Zhinkir ɓaanu, Maghamndi ɓanga ndu̱ Maghamndi ɓaanu tu̱k.”

Romeku 11:36

Jiwa aa nu̱m a vi she nda, nu̱ ku̱nshe nda, kom ma yir she nda tu̱k. Bu ku̱ zhaaji kha Magham koɗokhsi ɓa. Amin.

1 Korintiyeku 12:6

Tlu̱narku a nje tu̱k zum zum, yang Zhinkir gwaanji ɗyenda ke nu̱ vu̱r maghar shiran ye aaki.

1 Korintiyeku 8:6

yang kap ndu̱ nang, ɓaarem she rem, Magham kaada. Chin ke Zhinkir nu̱ke aa nu̱m a ɓa she nda, chem kha ndu̱ nyifiri ku̱me chin, Zhinerem gwaanji kaada tu̱k, chin Yesu Masiya, chin nu̱ke aa nu̱m a vi nu̱ ku̱nshe nda, chem a shikya khar ɓaran.

2 Korintiyeku 6:16

Rafti ɓu̱ Magham ka kha da ndu̱ maa konom mu? Chem ke rafti ɓu̱ Magham nu̱ nyifiri. Ba wa nu̱ Magham zu̱ki, “Ngga kha su̱yen ndu̱ wora, tang baara chele ɓaanda, Ngga kha ma Maghamndi ɓaanda, wor ka kha ma nduki ɓanga.”

Afiseku 1:21

Maa khar nu̱ke Masiya khaki nu̱ nje nang a viɗ ɗyine aa nyi pooni kwaaɗa. Kom ndu̱ me pooni kwaaɗa, ndu̱ zalaleku, ndu̱ me du̱mbu̱rku ndu̱ aa nyi kwaaɗar nu̱ke nduk ka zu̱mki. Aa mbu̱ qaandi virkir ku nang aa fu̱ɗar wuri.

Afiseku 2:22

Du̱ngndonu nu̱ mbe nda, su̱yen ndu̱ ɓeenanku ma ku̱ kha nu ma rafti nu̱ke Magham ka khaki nu̱ mban nu̱ ku̱nshe Jiimbi ɓaran.

Afiseku 3:17

Tu̱ Masiya khan mbu̱ memu̱nanu nu̱ ku̱nshe maito. Nga barar ye nu̱, ma nu̱ke tun wa shi dlu̱dlarsi tun ku̱s maa vu̱ghai ɗyiɗying mbe ndola.

Afiseku 6:23

Nyeezaku, ku̱ qaandi memu̱na ndu̱ ndola ndu̱ maito nu̱ ɗa viki she Magham Zhinki ndu̱ Zhinerem gwaanji Yesu Masiya kha gha su̱yen ndu̱ tunu.

1 Yokhana 3:24

Kap nu̱ mbu zu̱r ɓaranku kharan mbe nda, chin kharan mbe wor tu̱k. Wonji ɗyi nu̱ saki chem zu̱n za shwat a nje kharan mbe rem, chem zu̱n nu̱ ku̱nshe Jiimbi nu̱ vu̱rki yerem.