Afiseku 4:4 - Mewar Alqawarang

⁴ Jiwa man vara nje da, ndu̱ Jiimbi da. Wa nu̱ke Magham qaki nu nu̱ ku̱nshe sar memu̱nar da.

Afiseku 4:4 ပူးပေါင်းရင်းမြစ်များ

Matta 28:19

Ku̱me nang mbu̱ tun wa ɗi tun a ze nduki nu̱ larji kap ku̱ mburi nga, tun a shi baptisme ye wora mbu̱ dlu̱m Zhinkiri, ndu̱ ɓu̱ Woyang ndu̱ ɓu̱ Jiimbi Shakhshakhndi.

Tlu̱nar ɓu̱ Pudeku 15:11

Chem wa maita nu̱ ɗyine chem gwa ɗanar nu̱ ku̱nshe mu̱nkir ɓu̱ Yesu, ba wa nu̱ gwaki ku.”

Romeku 11:29

Jiwa Magham nu̱ka gaɓ men nu̱ gana mbe vu̱rti ɓaran ndu̱ qar ɓaran ɓa.

1 Korintiyeku 10:17

Nu̱ke chin ɓurti tolirang ba da, alapa chem khangndi nang chem a khar ɗyi da, nu̱ke chem zu̱mkya ɓurti tolir da.

1 Korintiyeku 12:20

Me bar khang khaki ma man var nduku.

2 Korintiyeku 11:4

Jiwa tun wa ka maita nduki nu̱ ka ɓa ki she nu ɗau ɗau. Tun wa maita shogar nu̱ shiki ye nu ɗyine Yesu, aa nu̱ke wa ngga yen ndu̱ chin nyem shiki waazu ɓaran ye nwang. Tun wa maita Jiimbi nu̱ shiki alqawaran ye nu, aa nu̱ke ɗya Jiimbi shakhshakhndi nun dlu̱kyang ɓa. Tun wa dlu̱ labar mbarkandi nu̱ ɗa ɓa ki si ye nu, aa nu̱ke wa ngga yen ndu̱ Labar mbarkandi nyem zu̱ki ye nwang.

Afiseku 1:18

Nga barar tu̱k ku̱ Magham vu̱r dar mbu̱ tun ye nu ma ku̱ zu̱n nu nu̱m ke sar memu̱nar nu̱ qaki nu̱ kandi, tun zu̱n zhaaji ɓu̱ gu̱nar shakhti ɗye mbu̱ ge ɓu̱ nduki ɓu̱ Magham.

Afiseku 2:16

Wa tlaɗ chele ɓu̱ pooni nduki rapndi nang ndu̱ Magham, ma ku̱ kha ma man var da. Shi nang nu̱ ku̱nshe mu̱ti ɓaran ɗyin qu̱far kaatlang, nu̱ke wa fet zhangndi nu̱ shakki chele ɓaanda zhu tang ndang ɓara.

Afiseku 2:18

Ai, mbu̱r ɓaarem chem gwa zalale ɓar she Zhinkirang ve njiv da, nang ke Jiimbi shakhshakhndi.

Afiseku 2:22

Du̱ngndonu nu̱ mbe nda, su̱yen ndu̱ ɓeenanku ma ku̱ kha nu ma rafti nu̱ke Magham ka khaki nu̱ mban nu̱ ku̱nshe Jiimbi ɓaran.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Afiseku 5:30

Jiwa chem me barku ɓaran.

Kolosiyeku 1:5

Maito ndu̱ ndolar nun wutki nang tun shi ku̱me tun a sa memu̱na nu nu̱ ɗyine ɗyi mbarkandi ku nu̱ke a nje du̱ngdan gha mbu̱ viɗi ku̱me tunu. Nang ke Labar mbarkandi nu̱ zu̱ki ye nu gumapaali, chin ɓalar zhire nun tu̱kkyang.

Kolosiyeku 3:15

Qaandi memu̱nar nu̱ Masiya ka vu̱rki ma ku̱ mbu ndu̱ tun mbe ɗyi nu̱ke tun a ma shiran kap, jiwa Magham qa nun mbu̱ man var da ku̱me qaandi memu̱nar nang, tun kha ma nu̱ kunar Magham aakochi.

2 Tasalonikeku 2:16

Bu ku̱ Zhinerem gwaanji Yesu Masiya ndu̱ ɗyinan, ndu̱ Magham Zhinkir ɓaarem, nu̱ke a ndolarem, vu̱r shokhku̱rokh me bu̱n yerem nu̱ke nu̱ka shi woɗa ɓa, ndu̱ sar memu̱nar mbarkandi nu̱ ku̱nshe mu̱nkir ɓaran.

1 Timoti 1:1

Lagarkati nang a vi she Bulus pude ɓu̱ Masiya Yesu ba wa nu̱ Magham nu̱ ɗana rem ndu̱ Masiya Yesu ɗye sar memu̱narem kumaki,

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Titus 3:7

Shi wanangang ma ku̱ gwa mi khar waare zop gume Magham nu̱ ku̱nshe mu̱nkir ɓaran, chem zu̱m ɗye mbu̱ ge nyifiri nu̱ke nu̱ka shi woɗa ɓa nu̱ke memu̱na rem saran ɗyinan.

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.

1 Yokhana 3:3

Kap njif nu̱ saki memu̱naran nu̱ ɗyine Masiya wa ka shi khar shakhshakhndi wa nu̱ke chin shakhshakh.