Afiseku 4:25 - Mewar Alqawarang

²⁵ Ku̱me nang tun shakh ɗyinonu ndu̱ kotama! Tu̱ aaki ki zu̱ zhire ye nu̱ bing ɓaran, ku̱me chem me bar ɓu̱ yen ɗo.

Afiseku 4:25 ပူးပေါင်းရင်းမြစ်များ

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Romeku 12:5

Wanang tu̱k, aa nu̱ke chem khan, chem a khar man var da mbe Masiya, aa nyi nduk da ɗya me bar ɓu̱ yen.

1 Korintiyeku 10:17

Nu̱ke chin ɓurti tolirang ba da, alapa chem khangndi nang chem a khar ɗyi da, nu̱ke chem zu̱mkya ɓurti tolir da.

2 Korintiyeku 7:14

Nga ze nda nga za nga makhta nu maɗyi, ku̱me nun wut kawa ya ɓa. Ba wa nu̱ke ɗyi nang zu̱ki ye nu kap ɗya zhire, wanang tu̱k, makhtar nu nu̱ke chem a shiran ɗya zhire she Titus.

Afiseku 4:15

Me ɓu̱ nang, ki mi zu̱ zhire ye yen mbe ndola, chem gor mbe aa nyi tunu, tu̱ ɗye shir ɓaarem kha wa ɓu̱ Masiya nu̱ke a khar wa chin ke ɗyin.

Afiseku 4:22

Ai, ɗyi nu̱ shogaki viɗ ɗyine khar viti ɓaanu nu̱ zhu chin ke, ku̱ shakh nu ndu̱ ɗye shir malkandi nu̱ke tun shiki gana fara. Pooni ɗye shir nu̱ khaki su̱bu̱rtan ku̱me ɗye lambarku nu̱ke a shimndan;

Afiseku 4:31

Shakh ma ɗyinonu ndu̱ ɗyooti mbu, ndu̱ chiti memu̱na, ndu̱ shokhna, ndu̱ gangndi dakhlari, ndu̱ pu̱ziku bam bam, ndu̱ aa nyi pooni mu̱na.

Afiseku 5:30

Jiwa chem me barku ɓaran.

Kolosiyeku 3:8

Yang leendang wa ku̱s ku̱ shakh nu ndu̱ ɗye shir malkandiku nang kap. Njig ma shokhna ndu̱ khang shimndi ɗyiku bam bam ndu̱ maatli memu̱na. Ku̱ pu̱zi bam bam ndu̱ maatli ɓalar a vi mbu̱ me nu ɓa.

Kolosiyeku 3:9

Ku̱ shi nu wollo ye yen ɓa, nu̱ke tun wa njig ɗye shir ɓaanu nun ka shiki mbu̱r fara ndu̱ tlu̱narku ɓaran,

1 Timoti 1:10

Kom ndu̱ nu̱ qaandi ndu̱ yen waare ɓu̱rti, ndu̱ nduki nu̱ke mekhtan, ndu̱ nu̱ masar maava ɓara, ndu̱ nu̱ wollo ku, ndu̱ nu̱ saidu wollo, ndu̱ kap ɗyi nu̱ nggaki yen ndu̱ shogar zhirekandi.

1 Timoti 4:2

Pooni shogarku nang kaɗa vi she nu̱ lambarku nu̱ mu̱nar bamndi nu̱ke konyi mbarkandi ɓaanda mu̱tan, wa no za va nu̱ gha ndu̱ vi nu̱ke ɓai a si.

Titus 1:12

Aa, da chele nduki nu̱ Ku̱ret nu̱ke a chele nduki nu̱ daki ku za ɗya annabi ɓaandang zu̱ki za, “Ku̱reteku ɗya nu̱ kotame ku aakochi, nduki malkandi, nu̱ khaati var nu̱ akum ku.”

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

Yibraniyeku 12:1

Ku̱me nang, nu̱ke tabar ɓu̱ nu̱ saiduku khang maɗyi a nje kararan ndu̱ chem, bu ku̱ mbuk mi kap ɗyi nu̱ke ka nggu̱tlki rem ɗar gha, ndu̱ aa nyi solar nu̱ takhshaki rem nu̱ gha. Chem shi ɗar nu̱ke a gume rem nang ndu̱ shokhku̱rokh me bu̱n.

Yaqub 1:21

Ku̱me nang, wos ma kap ɗye shir malkandi nu̱ solari ndu̱ pooni mu̱narku gha, tun dlu̱ ɓalar nu̱ kaɓki nu̱ mbu̱ memu̱na nu nu̱ka vu̱rki ɗanar ye nu ndu̱ ɓu̱tokh memu̱na.

1 Biturus 2:1

Ku̱me nang shakh ma ɗyinonu ndu̱ aa nyi maatli khali, ndu̱ wollo, ndu̱ mu̱na ndu̱ zhiri, ndu̱ aa nyi pu̱ziku bam bam.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”

Ɗyin mbu̱ tukari 22:15

Yang nduki nu̱ke a dam ɗya nduki nu̱ke zopan, ndu̱ nu̱ ɓu̱tli ghai ku, ndu̱ nu̱ zawar ku, ndu̱ nu̱ tlaghar mu̱ti ku, ndu̱ nu̱ ghaari ghai ye mu̱lu̱m ku, ndu̱ nu̱ shimndi wollo ndu̱ shir wollo.