Afiseku 4:24 - Mewar Alqawarang

²⁴ Da ma pooni mewar ɗye shir mbarkandi nu̱ Magham du̱ngki mbu̱ shipar ɓaran. Ɗye shir nu̱ka wutki varan mbe shir dambi zhirekandi, ndu̱ khar wakakandi.

Afiseku 4:24 ပူးပေါင်းရင်းမြစ်များ

Luka 1:75

Ku̱me khami shakhshakh ndu̱ jeembu mbu̱ khar viti ɓaarem kap.

Yokhana 17:17

Ku̱ kha wakaran ku Shakhshakh mbe zhire; ɓalar ɓa ke zhire.

Romeku 12:2

Ku̱ mbu nu su̱ ɗyi nu̱ke nduki nu̱ larji nang a san ɓa, nggoɗ ma nu̱ ku̱nshe nggooti memu̱nanu, kom tun ka ɗu̱ma buuran tun zu̱n yel mbu̱ ɗya shimndi ɓu̱ Magham. Tun ka ɗu̱ma zu̱ndan nu̱ ɗyine shimndi ɓu̱ Magham mbari, dlu̱ran kom nyeedlan.

Romeku 13:12

Virkirang wa shi bing woɗari, wa njig koɗom ku̱ maarang ɗatli. Ku̱me nang bu ku̱ wos mi tlu̱nar nu̱ zhum maari gha, chem sa lukti nu̱ vi nu̱ dakhlar ɓaarem nu̱ yarangi.

Romeku 13:14

Me ɓu̱ nang tun da ɗye shir mbarkandi ɓu̱ Zhinerem gwaanji Yesu Masiya, ku̱ mbu nu su̱ ɗye shir ɓu̱ manva ma ku̱ sa nu ma mbu shimndi ɓaran ɓa.

Romeku 6:4

Nang a wutan za wa pa rem gha su̱yen ndu̱ chin mbe baptisma sarchi nu̱ paki nda. Chem kha da mbe mu̱ti ɓaran, ku̱me ba wa nu̱ jiiki ndu̱ Masiya nu̱ ku̱nshe zalale nu̱ zhaaji ɓu̱ Zhinkirang, wanang tu̱k ku̱ kha mi ndu̱ mewar khar viti.

Romeku 7:6

Yang leendang ɗyinerem wa vi, chem wa lawa mbe Bibitang nu̱ke chem wa mu̱t mbe ɗyi nu̱ gu̱nki rem nu̱gha. Leendang chem a shikya tlu̱nar ɓu̱ Magham ndu̱ mewar khar viti nu̱ ku̱nshe Jiimbi ɓaran. Tlu̱nar nyem shiki ye Bibitikwang wa peeta.

Romeku 8:29

Jiwa Magham wa zu̱n nduki nyin datki nu̱ ɗawi, wor ke nduki nu̱ Magham bu̱laki nu̱ ve wor ku̱ da shipar ɓu̱ Yi ɓaran, ma ku̱ Yi ɓaranang kha ma nu̱ gumapaali chele nyeezanku khangndi.

1 Korintiyeku 15:53

Jiwa wa ku̱s ku̱ manvar nu̱ka mu̱tlki mbu̱m tu̱ kha ma nu̱ka shi mu̱tl ɓa, manvar nu̱ka mu̱tki nang ka kha nu̱ka mu̱t ɓa.

2 Korintiyeku 3:18

Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

2 Korintiyeku 4:16

Nang ke ɗyi nu̱ saki nyem fet memu̱narem ɓar ɓa. Aa nu̱ke man vaarem nang a su̱bu̱rti, jiimberem a khar mewa aa nyi sarchi.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

Galatiyeku 3:27

Wa shi baptisme ye nu kap ɓaanu mbe Masiya, ku̱me nang tun wa da ɗye shir ɓu̱ Masiya, tu̱ kha ma ɗye shir ɓaanu.

Galatiyeku 6:15

Dlarsi ndu̱ song dlarsi ɗya aa nu̱m ɓa, ɗyi nu̱ khaki nu̱ boota chin ke ku̱ nduk kha ma mewar du̱ngdi.

Afiseku 2:10

Ai, chem ndu̱ ɗyinerem chem tlu̱nar ɓu̱ Magham, du̱ngnderem mbe Masiya Yesu, ma ku̱ shi mi tlu̱narku mbarkandi nu̱ Magham woɗaki daasaran yerem ma ku̱ shi mi gumapaali.

Afiseku 2:15

Wa da Bibiti nu̱ke wuriku ndu̱ woparkwang a mbanang ɓara nu̱ ku̱nshe mbu̱ti tom ɓaran. Shi wanang ma ku̱ du̱ng mewar pooni na viki mbe pooni rapndi nang. Shir wanangang a ɓa ndu̱ khar mu̱nkandi chele ɓaanda.

Afiseku 6:11

Da ma aa nyi ɗye dakhlar ɓu̱ Magham nu̱ kha nu ma ku̱ gwa nu tun ching gha shaanggu̱ɗang tun shi kare ndu̱ ghu̱rtiku ɓu̱ Sheɗan.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Yibraniyeku 1:8

Yang ɗyine Yi ɓaranang, tu̱ zu̱ za, “Zhakhɗye kwaaɗar ɓaaro, ai Magham, a nje aakochi me tu̱ɓ su̱ ɓa, zaaɓir kwaaɗar ɓaaro ɗya nu̱ dambi.

Yibraniyeku 12:14

Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.

1 Biturus 2:2

Me ɓu̱ nang tun kha wa ɓeelar qusonggi nu̱ke a kasha zar ɓiɓi me ɗyinan, tun kasha ɓalar ɓu̱ Magham wanang ma ku̱ gor nu tun khu̱l ye gwar ɗanari,

2 Bitu̱rus 1:4

Nu̱ Ku̱nshe ɗyiku nang wa vu̱r alqawarku ɓaran gwaanji ku nu̱ zhaaji, ma ku̱ gwa nu me Maghamndi ɓaran nu̱ ku̱nshe ɗyiku nang, tun lawa mbe mu̱narku nu̱ke a larji nu̱ke shimndi ɗyiku malkandi ka ɓa ki si.