Afiseku 4:22 - Mewar Alqawarang

²² Ai, ɗyi nu̱ shogaki viɗ ɗyine khar viti ɓaanu nu̱ zhu chin ke, ku̱ shakh nu ndu̱ ɗye shir malkandi nu̱ke tun shiki gana fara. Pooni ɗye shir nu̱ khaki su̱bu̱rtan ku̱me ɗye lambarku nu̱ke a shimndan;

Afiseku 4:22 ပူးပေါင်းရင်းမြစ်များ

Romeku 6:6

Chem wa zu̱n nu̱ ɗyine wa woɗa katl ɗye shir malkandi ɓaarem gha su̱yen ndu̱ chin ɗyin qu̱far kaatlang, ma ku̱ da zalale ɓu̱ solar nu̱ke a mbu̱ vaarem nang ɓara. Shi wanang ma ku̱ kha mi ma maavi ɓu̱ sola tu̱k ɓa.

Romeku 7:11

Tu̱ sola gwa maari, tu̱ lamba nga nu̱ ku̱nshe bibitikwang, tu̱ tlagha nga nu̱ gha.

2 Korintiyeku 11:3

Yang nga sawa ku̱ su̱tang shi ghu̱rti ye nu tu̱ lamba nu wa nu̱ lambaki Khawa, tu̱ kwaari ɓaanu su̱bu̱r tun ku̱na vu̱r ɗyinonu guma da ye Masiya ma ku̱ kha nu ma nu̱ song zhire mbe nda ɓa.

Galatiyeku 1:13

Tun wa tu̱k labar khar viti ɓang zhu mbu̱ pooni ghaari ghai ɓu̱ Yakhudekwang, nang chingki gha shanggu̱ɗang. Tang ki vu̱r bonye maɗyikandi ye tabar ɓu̱ nu̱ mbu Magham ku, tang shim ku̱ su̱ya nga wor nu̱gha guma da.

Afiseku 2:3

Chem kap wa wora ɗau fara, chem a mbu shimndiku ɓu̱ man vaarem, chem a shikya ɗyi nu̱ man vaarem ndu̱ memu̱narem zu̱ki yerem ɗyenda. Ku̱me ɗye shir ɓaarem ɗya ɓu̱ man va, tu̱ga shokhnar ɓu̱ Magham a ɓa ɗyinerem ba wa nu̱ke a nje ɗyine wora.

Afiseku 4:17

Nga ɓalar nang ye nu, yang nga shikya maataran ye nu mbu̱ dlu̱m Zhinerem gwaanji nu̱ ɗyine, ku̱ kha nu wa nduki nu̱ke ɗya Yakhudeku ɓa nda ɓa, nu̱ kwaari bamndiku.

Afiseku 4:25

Ku̱me nang tun shakh ɗyinonu ndu̱ kotama! Tu̱ aaki ki zu̱ zhire ye nu̱ bing ɓaran, ku̱me chem me bar ɓu̱ yen ɗo.

Afiseku 4:31

Shakh ma ɗyinonu ndu̱ ɗyooti mbu, ndu̱ chiti memu̱na, ndu̱ shokhna, ndu̱ gangndi dakhlari, ndu̱ pu̱ziku bam bam, ndu̱ aa nyi pooni mu̱na.

Kolosiyeku 2:11

Tun wa gwa mewar dlarsi mbe nda, yang ɗya pooni dlarsi nu̱ke nduk ka shiki ndu̱ kharan ɓa, ɗya pooni dlarsi nu̱ke Masiya shiki ye nu, nu̱ fetki ɗye shir malkandi ɓaanu nu̱ manva ɓara.

Titus 3:3

Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.

Yibraniyeku 12:1

Ku̱me nang, nu̱ke tabar ɓu̱ nu̱ saiduku khang maɗyi a nje kararan ndu̱ chem, bu ku̱ mbuk mi kap ɗyi nu̱ke ka nggu̱tlki rem ɗar gha, ndu̱ aa nyi solar nu̱ takhshaki rem nu̱ gha. Chem shi ɗar nu̱ke a gume rem nang ndu̱ shokhku̱rokh me bu̱n.

Yibraniyeku 3:13

Tun ki pa du̱mbu̱r ye yen aa nyi fu̱ɗa. Shi ma boote ndu̱ aa nyi sarchi nu̱ka qaki za “Meeni”, ma ku̱ aa da chele ɓaanu kha ndu̱ kaaku̱ɗakh memu̱na nu̱ ku̱nshe lambar ɓu̱ sola ɓa.

Yaqub 1:21

Ku̱me nang, wos ma kap ɗye shir malkandi nu̱ solari ndu̱ pooni mu̱narku gha, tun dlu̱ ɓalar nu̱ kaɓki nu̱ mbu̱ memu̱na nu nu̱ka vu̱rki ɗanar ye nu ndu̱ ɓu̱tokh memu̱na.

Yaqub 1:26

Mbu̱ nduka tamandan za chin nu̱ ghaari ghai maɗyi, yang nu̱ka ku̱s men ɓa, a lambakya ɗyinan, ghaari ghai ɓaran wa kha bam.

1 Biturus 1:18

Jiwa tun wa zu̱n nu̱ ɗyine wa dli ɗyinonu mbe me ghaiku bamndi nu̱ zhikannu njigki ye nu. Nu̱ dli ɗyinonu ndu̱ ɗyiku nu̱ka su̱bu̱rki wa ghuri ndu̱ ginarwe ɓa.

1 Biturus 4:3

Jiwa tun wa woɗa su̱bu̱r sarchi mbe khar ɓaanu ɗau fara, nang ke pooni khar nu̱ke nduki nu̱ke nu̱ zu̱n Magham ɓa a tu̱k mu̱ndan. Tu̱ na aa nyi ɗye shir malkandi, ndu̱ melakh ɓu̱ man var ku zum zum, ndu̱ me kuyari, ndu̱ nggar zu̱mndi bamndi, ndu̱ zar ɗyiku bam bam, ndu̱ ghaari ghai ye mu̱lu̱mku, nu̱ khaki ma ɗye zhaana.

2 Bitu̱rus 2:13

Yang ba wa nu̱ vu̱rki bonye ye ɓeeni nduki, ka vu̱r bonye ye wor ba wanang tu̱k. Wa da ku za zar ɗyiku ndu̱ tlu̱nar malkandi nu̱ke a shiran ku fu̱ɗar gangtlu̱rang ndang ɗya tu̱kti mu̱ndi. Khar ɓaanda nu̱ke a shiran chele ɓaanu ɗya ɗye kawa, ndu̱ ɗyi malkandi tu̱k. A zu̱mndi a zar su̱yen ndu̱ tunu, yang qu̱rsan tu̱ ka tlu̱na ɗyi nu̱ke a shimndan ku.

2 Bitu̱rus 2:7

Mbu̱ yang wa ɗana Lot tu̱k, chin nu̱ke ɗya nu̱ dambi, nu̱ke wa damta maɗyi ɗyine pooni ɗye shir malkandi ɓu̱ nduki nu̱ Sodom nu̱ke nu̱ka mbu wopa ku ɓa.