Afiseku 4:21 - Mewar Alqawarang

²¹ Nga maita nu̱ ɗyine tun wa tu̱k labar ɓaran. Nu̱ke tun nduki ɓaran, wa shoga zhire nu̱ke a mbe Yesu ye nu.

Afiseku 4:21 ပူးပေါင်းရင်းမြစ်များ

Matta 17:5

A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”

Luka 10:16

“Kap njif nu̱ tu̱kki nu, a tu̱k kya nga. Kap njif nu̱ zhangki nu gha yang, zhang kya nga. Aaki nu̱ zhangki nga yang, zhang kya Magham nu̱ ɗa ru̱kki ngang.”

Yokhana 1:17

Magham vu̱r woparang nu̱ mbu̱ khar Musa, yang mu̱nkir ndu̱ zhire a ɓa mbu̱ khar Yesu Masiya daati ɓu̱ Magham.

Yokhana 10:27

Ndu̱ɓangku ɓang wa ka mbu zu̱r ɓanga, nga zu̱n wora, wa ka mburi nga ku tu̱k.

Yokhana 14:17

Chin ke Jiimbi nu̱ zhire, nu̱ke larji ɓu̱ ɗu̱ma dlu̱ran ɓa ku̱me ɓu̱ ɗu̱ma na nda ɓa yang nu̱ zu̱n nda ɓa. Ɓaanu yang tun wa zu̱n nda, ku̱me a nje kharan ndu̱ tunu, yang ka ɓaa khan mbu̱ memu̱na nu.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Romeku 10:14

Yang wor ka qa njif nu̱ke nu̱ wor maita nda ku ɓa ma ku̱ shaata wor ɗa kikimndana? Ka shi kikimndi tu̱ wor maita njif nu̱ke nu̱ wor tu̱k labar ɓaran ɓa nda na? Yang ka tu̱k ku kikimndana, mbu̱ nduk a nje nu̱ke ka shiki waazu ye wor ɓa?

2 Korintiyeku 1:20

Jiwa Magham nyel alqawar nu̱ shiki nu̱ ku̱nshe nda. Nang ke ɗyi nu̱ saki nu̱ ku̱nshe Masiya Yesu chem a zu̱ran za “Amin” ma gor dlu̱m Magham.

2 Korintiyeku 11:10

Zhire ɓu̱ Masiya nu̱ke a mbya saki tang zu̱ nga za nduk a nje mbu̱ dlar ghai Akaya nu̱ke ka nggu̱tlki nga yakhdar nang ɓa.

Afiseku 1:13

Tun wa kha ma nduki ɓu̱ Magham tu̱k nu̱ ku̱nshe Masiya, sarchi nun tu̱kki ɓalar zhire, nang ke Labar mbarkandi nu̱ ɗa ɓa ki ndu̱ ɗanar ye nu. Ye sarchi nun maitaki Masiya, Magham wa sa yitu̱m ɓaran nu̱ ɗyine nu nu̱ shiki alqawar vu̱rti Jiimbi shakhshakhndi ɓaran ye nu.

Afiseku 2:17

Aa ɓa tu̱ wopa labar qaandi memu̱nar ye nu, tun nu̱ke a ɓakh ndu̱ wor nu̱ke a bing.

Kolosiyeku 1:5

Maito ndu̱ ndolar nun wutki nang tun shi ku̱me tun a sa memu̱na nu nu̱ ɗyine ɗyi mbarkandi ku nu̱ke a nje du̱ngdan gha mbu̱ viɗi ku̱me tunu. Nang ke Labar mbarkandi nu̱ zu̱ki ye nu gumapaali, chin ɓalar zhire nun tu̱kkyang.

Kolosiyeku 1:6

Labar mbarkandi nang a ɓar ndu̱ barke, a gwa dlu̱r aa fu̱n mbu̱ larji tu̱k, ba wa nu̱ shiki chele ɓaanu sarchi nun nggaki su̱ tu̱k labar mu̱nkir ɓu̱ Magham, tun da mbu̱ zhire nu̱ke a mban.

Kolosiyeku 2:7

Shi ma dlu̱dlarsi mbe nda tun ku̱s tun du̱ng khar viti ɓaanu nu̱ ɗyine nda, tun shi du̱mbu̱r nu̱ si mbu̱ maito ɓaanu, ba wa nyem shogaki ye nu, tun a kuna nda aa nyi sarchi.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.