Afiseku 4:18 - Mewar Alqawarang

¹⁸ Memu̱na wor zhum maɗyi mbu̱ zu̱ndi ɓaanda. Wa mbu̱ɗ nyifi nu̱ke Magham ka vu̱rki, ku̱me song zu̱ndi ndu̱ kaaku̱ɗakh ɗyin ɓaanda.

Afiseku 4:18 ပူးပေါင်းရင်းမြစ်များ

Matta 13:15

Ku̱me memu̱na nduki nang wa shi kaaku̱ɗakh! Dlu̱mndi wor nu̱ka tu̱k maa ɓa, wa za yiti wor nu̱gha, ma ku̱ na ku ndu̱ yiti wor ɓa, ku̱ tu̱k ku ndu̱ dlu̱mndi wor ɓa. Ma ku̱ memu̱na wor da mban tu̱ ɗa mbu̱m ku nu̱ sha ma shaana nga wor ɓa.’

Markus 3:5

Tu̱ Yesu nggu̱t wor mbe shokhna, memu̱naran su̱bu̱rtan ku̱me kaaku̱ɗakh ɗyin ɓaanda. Tu̱ ze nu̱ zurɗar khara za, “Shorɗo khaara gha.” Nu̱ shorɗaki, tu̱ kharanang shaana fan ndu̱ fan.

Yokhana 12:40

“Wa gaɓ ndu̱ wor ma pugumku, tu̱ sa memu̱na wor tu̱ shi kaaku̱ɗakh. Ma ku̱ na ndu̱ yiti wor ɓa, ku̱ da mban ndu̱ memu̱na wor, ma ku̱ ɗa gaɓ ku nu̱ sha tang shaana wor nu̱gha ɓa.”

Tlu̱nar ɓu̱ Pudeku 17:30

Zhu tang Magham nu̱ kuma nduki ku̱rku̱r ndu̱ zop ɓaanda ɓa, ku̱me song zu̱ndi ɓaanda. Yang leendang wa qa nduki aa fu̱n ku̱ nggoɗ ku.

Tlu̱nar ɓu̱ Pudeku 3:17

“Yang nyeeza, nga zu̱n tun shi ɗyinang mbu̱ song zu̱ni, ba wa nu̱ dlegumeku ɓaanu shiki.

Romeku 1:28

Nu̱ke wa zhang zu̱n Magham ku gha, tu̱ Magham njig wora tu̱ ku̱s kor ɗyi bamndiku tu̱ ka shi ɗyi nu̱ke nu̱ shipa ku ɓa.

Romeku 11:25

Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

Romeku 11:7

Yang kim ɗo? Israila wa ku̱na gwa ɗyi nu̱ke a laɓtan ku maɗyang, yang nduki koɗomma nu̱ datki chele ɓaanda gwaki ku. Tu̱ ɓeena ndukyang kha ma nu̱ kaaku̱ɗakh ɗyin ku.

Romeku 2:19

Ta maita nu̱ ɗyine ta khar wa nu̱ balar pugumku, ta khar wa yarang ye nduki nu̱ke a mbu̱ zhumi,

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

1 Korintiyeku 2:8

Nduk a nje chele ɓu̱ nu̱ kwaaɗarku nu̱ larji kap nu̱ daki mbu̱ kaɗari nang ɓa, mbu̱ wa gwa mban ku, tu̱ga nu̱ katl Zhinkir gwaanji nu̱ zhaaji nu̱gha ɓa.

2 Korintiyeku 3:14

Yang memu̱na wor kaaku̱ɗakh, ku̱me ma ɓar ye meeni ɗyi nggur a nje nu̱ka nggu̱tlki wor nar zhire nu̱ke a nje mbu̱ bu̱lar geema alqawarang sarchi nu̱ke a nggu̱tan ku. Nang wa wut nu̱ ɗyine ma ɓar ye meeni nu̱ ghar ɗyi nu̱ lu̱paki mbu̱ yitanang ɓar ɓa, ku̱me Masiya ɗyenda ka gharki lu̱parang ɓara.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

Galatiyeku 4:8

Mbu̱r fara nun zu̱n Magham ɓa, tun a ghar ghai ye mu̱lu̱mku nu̱ke ɗya aa nu̱m ku ɓa.

Afiseku 2:1

Ɗau fara tun wa shi khar wa nduki nu̱ mu̱tki, ku̱me zop ɓaanu ndu̱ khar nu̱ke tun a shiran mbu̱ solarku.

Afiseku 2:12

Kor ma ɓa, ye sarchi naandang tun nu̱ gonta nu ndu̱ Masiya ɓa, maa ching kha nu mbu̱ Israila ɓa, tun a mbu̱ alqawar nu̱ Magham shiki ndu̱ zhikaneremku nang ɓa. Ɗye sar memu̱na kha nu mbu̱ larji nang ɓa, Magham a su̱yen ndu̱ tun ɓa.

Kolosiyeku 1:21

Zhu tang tun ɓakh ndu̱ Magham, tun a kare ndu̱ chin mbu̱ memu̱na nu ku̱me ɗye shir malkandi nu̱ke tun a san ndu̱ kwariku ɓaanu.

1 Tasalonikeku 4:5

yang ku̱ kha nu ndu̱ shimndi zawa wa nu̱ke ku̱rjiku ka shiki ɓa, ku̱me nu̱ zu̱n Magham ku ɓa.

Yibraniyeku 5:2

Ka ɗu̱ma taata nduki nu̱ song zu̱ndi ndu̱ nduki nu̱ nggaki njiva gha, ma nu̱ke chin ndu̱ ɗyinan tu̱ɓtan.

Yibraniyeku 9:7

Yang gorkir ɓu̱ kuruku ɗyenda ka viki nu̱ mbu̱ kib nu̱ mbwang, yang ka vi sar kaada mbu̱ sonyi. Yang nu̱ka vi ɓa kope ndu̱ tom nu̱ke a ma vu̱rtan ku̱me solarku ɓaran, kom ndu̱ solarku ɓu̱ nduki nu̱ shiki ku waare zu̱ndi ɓaanda.

Yaqub 4:4

Tun nu̱ song shir zhire! Alapa nun zu̱n nu̱ ɗyine bar raptikir ndu̱ larji ɗya kare ndu̱ Magham ɓa goma? Ku̱me aaki ndolaki larji, a gaɓkya ndu̱ ɗyinan ma nu̱ kare ndu̱ Magham.

1 Biturus 1:14

Ye leendang nu̱ke tun wa kha ma qusonggi mbarkandi, ku̱ njig nu ɗyi nun ka kashaki shiran ɗau fara tu̱ da khangkal ɓaanu ɓar ɓa. Sarchi nun ka shiki ɗyiku nang ɗau fara ai tun a shiranang ku̱me song zu̱ni.

1 Yokhana 2:11

Njif nu̱ke a zhang mu̱dlen kharan mbu̱ zhumi, yang a yir mbu̱ zhum tu̱k, nu̱ zu̱n ye maa nu̱ke chin a yir su̱ ɓa, ku̱me zhum maarang wa sa nda tu̱ kha puguman.