Afiseku 4:14 - Mewar Alqawarang

¹⁴ Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

Afiseku 4:14 ပူးပေါင်းရင်းမြစ်များ

Matta 11:7

Ni nu̱ mbu Yokhana ɗu̱ki vaanda ku, tu̱ Yesu nggaasi ɓalar ɓu̱ Yokhana ye tabar ndukyang za, “Tun a nggu̱t kya nu̱m mbu̱ gaarang na? Tun ɗu̱kya ma na wuzu̱ndi kirkandi ku nu̱ke khu̱kheetang a yakhtara na mu?

Matta 24:11

Annabi kotameku khang ka ɗa ɓa ku tu̱ lamba nduki khang.

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Tlu̱nar ɓu̱ Pudeku 23:21

Yang tlogha na ye wor ɓa, ku̱me nduki nu̱ dukki ɗyin vat chele ɓaanda a nje luɓaran ku me njivi, a shim ku̱ tlagha nda Bulus. Wa ku̱mnda ku za wor ɓu̱ zu̱m ɓa yang wor ɓu̱ za ɓa, kope wor wa tlagha nda. Yang wa woɗa daasa var wor ku a bu kya tloghar ɓa ɗyenda.”

1 Korintiyeku 12:2

Tun wa zu̱n nu̱ ɗyine sarchi nu̱ke nun kha ma nu̱ mbu Yesu dong ɓa, wa lamba nu tun ki ghar ghai ye mu̱lu̱mku nu̱ke nyifi ve wor ɓa.

1 Korintiyeku 14:20

Nyeezaku, ku̱ kwaari ɓaanu kha wa qusongga ɓa, ye maa ɗye mu̱na, tun kha wa ɓeelar woi, yang ku̱ kwaari ɓaanu kha wa nduk gori.

1 Korintiyeku 3:19

Me ghu̱rti ɓu̱ larji nang ɗya me nggu̱bu̱ng she Magham, ku̱me a nje bu̱laran za, “Wa ka ku̱s nu̱ ghu̱rti ku mbe shaandi ɓaanda.”

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

2 Korintiyeku 4:2

Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.

Galatiyeku 3:1

Tun nggu̱bu̱ng Galatiyeku, ki zu̱mki ɗyinonwa? Nga nang, nga wutki Yesu Masiya nu̱ katlki nda gha ɗyin qu̱far kaatli ye nu ye dalangi.

Afiseku 6:11

Da ma aa nyi ɗye dakhlar ɓu̱ Magham nu̱ kha nu ma ku̱ gwa nu tun ching gha shaanggu̱ɗang tun shi kare ndu̱ ghu̱rtiku ɓu̱ Sheɗan.

1 Timoti 3:6

Ku̱ kha ma njif nu̱ dlu̱ki Yesu mewa ɓa, mbu̱ wanang ɓa bai gwaari ɗyin ka sa nda tu̱ gwa kumar nu̱ shiki ye Sheɗan.

2 Timoti 1:15

Ta zu̱n nu̱ ɗyine aaki mbu̱ dlar ghai Asiya wa yaɓti nga gha, kap ndu̱ Faijelus ndu̱ Khamojenis.

2 Timoti 3:13

Yang nduki malkandi ndu̱ nu̱ lambar ku nu̱ tlu̱nar malkandi ku ka shaata maatli, a lamba nduki, nduki a lamba wora.

2 Timoti 4:3

Jiwa sarchi a nje a ɓari nu̱ke nduki ɓu̱ shim shogar zhirekandi ɓa. Me ɓu̱ nang ɗyi nu̱ke memu̱na wora shimndan ndu̱ dlu̱mdi wor nu̱ke a khum wora. Ka sa tu̱ ɗu̱ ku she maalu̱mku nu̱ke ka zu̱ki ɗyi nu̱ke a shim tu̱ktan ku ye wora.

Yibraniyeku 13:9

Ku̱ njig nu tu̱ mewar shogarku sa tun gal gha ɓa. Wa shipa ku̱ memu̱narem kha shokhku̱rokh nu̱ ku̱nshe mu̱nkir ɓu̱ Magham, yang nu̱ ku̱nshe mbu me ghai zu̱mndi ɗye zu̱mndi tu̱khu̱l ku ɓa. Pooni nang boota su̱ ye nduki nu̱ zu̱mki ɓa.

Yaqub 1:6

Yang ku̱ khuɗ ndu̱ maito, ku̱ kha memu̱naran rap rap ɓa, ku̱me njif nu̱ke memu̱naran rap rap wa shipa pu̱rsi ɗyim nu̱ke khu̱kheeti a piiran a yakhta nda nu̱ aa fu̱n.

Yaqub 3:4

Nggu̱t ma du̱mbu̱l ɗyim ku tun na ɓa. Aa nu̱ke ɗya ɗyi gwaanji ku, khu̱kheeti du̱mbu̱rkandi ke nu̱ tu̱pa wora, yang kap ndu̱ nang nu̱ chi du̱mbu̱lang ka shikya boote ndu̱ ɗye chi du̱mbu̱l koɗommandi. Tu̱ mbu̱m du̱mbu̱lang ma yir ye maa nyin shimki.

2 Bitu̱rus 2:18

Nduki nang wa ka shi ɓalar bamndiku nu̱ gwaari ɗyin a boote nu̱ shimndi ɓu̱ man va, tu̱ ka dut nduki nu̱ke nu̱ shoɓ ndu̱ lawar chele nduki galkandi nang ɓa.

1 Yokhana 2:19

Vi ɓar chele ɓaarem ku ku̱me zhireni ɗya ɓaarem ku ɓa. Meeni mbu̱ za ɗya ɓaarem ku tu̱ga wa kha gha ku su̱yen ndu̱ chemi, Yang yir vaandang wa wut nu̱ ɗyine ɗya ɓaarem ku ɓa.

1 Yokhana 2:26

Nga bu̱la ɗyikunang ye nu nu̱ ɗyine nduki nu̱ke a shim lamba nu ma gal nu gha.

1 Yokhana 4:1

Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.

Yakhuda 1:12

Ndukiku nang ɗya nu̱ su̱bu̱rtiku, khar nu̱ke a shiran ku mbu̱ tabar bar zu̱mndi nu̱ ndolar ɓaanu, a zu̱mndi ku kawa su̱ ɓa. Wa kha ku ba wa nu̱ khutlo ku nu̱ka zu̱mki ndu̱ ɗyin wor ɗyenda tu̱ njig ndu̱ɓangku ɓaanda, wa kha ku wa sar maari nu̱ke nu̱ka shi roma ɓa, khu̱kheeti wa ka komba ɓara. A khar wa qu̱farku nu̱ke nu̱ka kha woi ye zhur maari ɓa, ɗya qu̱farku nu̱ ɓu̱ɗki nu̱ gha, wa mu̱t ku guma da.

Ɗyin mbu̱ tukari 19:20

Tu̱ yang ku̱s dlu gaarang su̱yen ndu̱ annabi kotame nu̱ shiki ɗye lazhamku me ɓaranang, tu̱ lamba nduki nu̱ke bakhti ɓu̱ dlu gaarang a nje ve worang. Ndu̱ nduki nu̱ gharki ghai ye shipar ɓaranang nu̱ ku̱nshe ɗye lazhamku nu̱ shikyang. Tu̱ ku̱s dlu gaari nang su̱yen ndu̱ annabi nu̱ wollo nang tu̱ mbuk mbu̱r ɓaanda nu̱ nyifi mbu̱ giɗim ɓai nu̱ solfa.