Afiseku 4:12 - Mewar Alqawarang

¹² Shi nang ma daasa nduki ɓu̱ Magham ku̱ da kuɗar tlu̱nar ma du̱ndi man var Masiya.

Afiseku 4:12 ပူးပေါင်းရင်းမြစ်များ

Luka 22:32

Yang nga shi barar yoro ma ku̱ maito ɓa kata ɓa. Mbu̱ ta nggoɗ ta gaɓ nu̱ sha yang, to ɓa vu̱r shokhku̱rokh me bu̱n ye nyeezoro.”

Tlu̱nar ɓu̱ Pudeku 1:17

Ku̱me ɗya da chele ɓaarem zhu, wa shi me ɓaran mbu̱ tlu̱nar nang.”

Tlu̱nar ɓu̱ Pudeku 1:25

ma ku̱ dlu̱ me tlu̱nar pude nu̱ Yakhuda njigki tu̱ ɗu̱ varan ye maa nu̱ shipaki nda.”

Tlu̱nar ɓu̱ Pudeku 11:23

Nu̱ ɗu̱ki, tu̱ na mu̱nkir nu̱ Magham shiki ye wora, tu̱ kasha, tu̱ pa du̱mbu̱r ye wor ku̱ ching nu̱ ɗyine maito ɓaanda mbe Zhinerem gwaanji ndu̱ memu̱nar da.

Tlu̱nar ɓu̱ Pudeku 20:24

Yang nang da nyifi ɓang ma aa nu̱m ɓa, mbu̱ ngga ɗu̱ma woɗa tlu̱nar nu̱ Zhinerem gwaanji Yesu vu̱rki ya nang, nang ke, saida nga Labar Mbarkandi nu̱ mu̱nkir ɓu̱ Magham.

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 9:31

Kom tu̱ nu̱ mbu Yesu ku nu̱ Yakhudiya ndu̱ Galili ndu̱ Samariya gwa qaandi memu̱na. Tu̱ me bu̱n wor shi shokhku̱rokh tu̱ gwa du̱mbu̱r ku ku̱nshe shaatar ɓu̱ Jiimbi shakhshakhndi. Tu̱ shaata ku maɗyi, a khar ɓaanda ndu̱ sawar Zhinkirang.

Romeku 12:5

Wanang tu̱k, aa nu̱ke chem khan, chem a khar man var da mbe Masiya, aa nyi nduk da ɗya me bar ɓu̱ yen.

Romeku 12:7

Njif nu̱ke vu̱rti ɓaran ɗya tlu̱na, ku̱ shi tlu̱narang. Mbu̱ ɗya shoga, ku̱ shi shogari.

Romeku 14:19

Ku̱me nang ku̱ shi mi ɗyi nu̱ke chem ka ɗu̱maki shiran ma a ɓa mi ndu̱ khar mu̱nkandi ndu̱ par du̱mbu̱r ye yen.

Romeku 15:14

Nyeezaku, nga ndu̱ ɗyina nga saida nu̱ ɗyine tun nu̱ mbarkir maɗyikandi, wonji tun nyeedlan ndu̱ zu̱ndi maɗyikandi tu̱k, tun wa khu̱l ma ku̱ shoga nu ye yen.

Romeku 15:2

Bu ku̱ aaki mu̱n mbu̱ mu̱dlen ma ku̱ zu̱m boote ni tu̱ shaata nda mbe maito ɓaran.

Romeku 15:29

Nga maita nu̱ ɗyine mbu̱ nga ɓa she nu ngga ɗa ɓa nyeedlan ndu̱ barke ɓu̱ Masiya.

1 Korintiyeku 12:27

Yang zu̱n ma, tun nang kap tun ke man var Masiya, yang aa nyi da chele ɓaanu ɗya me bar ɓaran.

1 Korintiyeku 12:7

Magham wa shi vu̱rti nu̱ wutki khar ɓu̱ Jiimbi shakhshakhndi mbe aa nyi nduku, ma ku̱ aaki gwa boote ni.

1 Korintiyeku 14:12

Wanang tu̱k ye nu. Nu̱ke tun a kasha gwar vu̱rtiku ɓu̱ Jiimba, tun vu̱r du̱mbu̱r ɓaanu ye boote ndu̱ vu̱rtiku nu̱ke ka du̱nki tabar ɓu̱ nu̱ mbu Yesu.

1 Korintiyeku 14:14

Mbu̱ nga shi barar mbu̱ mewar ghin, jiimba kya barari, yang nu̱ boota kwaari ɓang ndu̱ aa nu̱m ɓa.

1 Korintiyeku 14:26

Yang tun ka shi kim ɗo nyeezaku? Mbu̱ tun wa taba kap, yang njif nggur a qa taazi gwaari dlu̱m Magham, njif nggur a shikya shogar ɓara, njif nggur a ɓalar ndu̱ mewar me ghin, njif nggur a zu̱kya ɗyi nu̱ Magham wutki yenda. Yang ɓu̱ njif nggur a zu̱kya mbu̱ ɗyi nu̱ke nu̱ mewar me ghayang a zu̱ran, shi ma aa nu̱m ma ku̱ nduki gwa shaata tu̱ gor ku.

2 Korintiyeku 12:19

Bai tun ka taman za chem a shibkya ɗyinerem gume nu. Wanang ɓa, chem a ɓalar wa nu̱ Masiya shimki zu̱ mi gume Magham. Nyeezaku, zu̱n ma nu̱ ɗyine aa chem shikya nu̱m, chem a shiran ma shaata nu.

2 Korintiyeku 13:11

Ye lauɗar san, nyeezaku, kope fu̱ɗa ngguri. Shi ma tun kha nyeedlan, tu̱k ma khuti ɓanga, kha ma ma tun da tun shi khar mu̱nkandi ndu̱ yen. Nang ka saki tu̱ Maghamndi nu̱ ndola kha gha su̱yen ndu̱ tunu.

2 Korintiyeku 13:9

Chem wa ka kasha mbu̱ du̱mbu̱r ɓaarem kata, yang ɓaanu tun du̱mbu̱ran. Chem a barar ku̱ kha nu nyeedlan tu̱k.

2 Korintiyeku 3:8

Yang ɓu̱ zhaaji nu̱ ɗa viki nu̱ ku̱nshe tlu̱nar ɓu̱ Jiimba ɗa, khang ɓu̱ zhaaji ni ka kha kikimndana?

2 Korintiyeku 4:1

Nu̱ke ɗaanar ɓu̱ Magham saki tu̱ vu̱r tlu̱nar nang yerem, me bu̱nerem ɓu̱ datl ɓa.

2 Korintiyeku 5:18

Ɗyiku nang kap Magham shiki, chin somtaki chele ɓaarem ndu̱ chin nu̱ ku̱nshe Masiya, tu̱ vu̱r dulbu tlu̱nar somtar yerem.

2 Korintiyeku 6:3

Nyem shim ku̱ nduk gwa rem ndu̱ zop mbu̱ tlu̱nar ɓaarem ɓa, nang ke ɗyi nu̱ saki nyem kha ma ɗye ji sar ye aaki ɓa.

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

Afiseku 1:23

Tabar ɓu̱ nu̱ mbu Yesu ke man var Masiya. Masiya wa kha nyeedlan mbe tabar ɓu̱ nu̱ mburi nda, ba nu̱ke chin ke nyedli ɓu̱ aa nu̱m kap ndu̱ aa fu̱n tu̱k.

Afiseku 4:16

Nu̱ ku̱n she nda me bar ɓu̱ nduk kap a ku̱s yen ku ku̱me tlu̱nar nu̱ shaatar ɓu̱ gu̱rauku. Mbu̱ aa nyi me ba a tlu̱nar ɓaran torop, man var nduk ka ki shaata gwaari a mbu̱ndi mbe ndola.

Afiseku 4:29

Ku̱ ɓalar malkandi a vi mbu̱ me nu ɓa, zu̱ ma kya ɗyi nu̱ke ka khaki ndu̱ boota ma ku̱ pa nu du̱mbu̱r ye yen wa nu̱ke a gangndan ku. Shir wanangang ka sa tu̱ ɓalar ɓaanu kha ndu̱ boota ye nduki nu̱ke a tu̱ktan.

Afiseku 4:4

Jiwa man vara nje da, ndu̱ Jiimbi da. Wa nu̱ke Magham qaki nu nu̱ ku̱nshe sar memu̱nar da.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

Kolosiyeku 1:28

Nang ke ɗyi nu̱ saki chem ki wopa Masiya Yesu ye aaki, chem a dut dlu̱mdi aaki, chem a shoga ɗyiku nang ɓar ndu̱ kaɗari nu̱ke a khaarem kap ma ku̱ vu̱r mi aaki nyeedlan mbe Masiya.

Kolosiyeku 4:17

Tun ze Arkipus tu̱k nun za, “Shi to lauɗa su̱ tlu̱nar nu̱ Zhinkir gwaanji vu̱rki yorang.”

1 Timoti 1:12

Nu̱ke Masiya Yesu Zhinerem gwaanji wa vu̱r du̱mbu̱r ya, nga kuna nda ku̱me nu̱ naki nga ma nu̱ zhire tu̱ daati nga ma shi nga tlu̱nar yenda.

2 Timoti 4:11

Luka ɗyenda kya su̱yen ndu̱ nga. A lob Markus tun a ɓa su̱yen ndu̱ chin, ku̱me ka kha ndu̱ boota ya mbu̱ tlu̱nar nu̱ke nga shiran.

2 Timoti 4:5

Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

Yibraniyeku 13:17

Tun mbu su̱qur dlegumeku ɓaanu, tun shi ɗyi nu̱ zu̱ki ye nu ku tu̱k, ku̱me wor kya nggu̱t khar viti ɓaanu wa nduki nu̱ke a ma shiga su̱ ɗyi nu̱ wor tlu̱naki. Tun mbu wor tu̱ tlu̱nar ɓaanda kha ndu̱ kasha, waare taɗar memu̱na, ku̱me taɗar memu̱narang ɓu̱ ɗa ɓa ndu̱ boote nggur ye nu ɓa.

Yibraniyeku 6:1

Ku̱me nang, gang mi gha ɗyin shogar pichichindi nyem dlu̱ki nu̱ gumapaali ɗyine Masiya ɓa, yang zu̱m mi guma chem gori. Ku̱ kha mi chem a shogakya shogar maitar Magham, ndu̱ nu̱ nggooti njigti tlu̱narku nu̱ke ka ɗu̱ki ndu̱ chem mbe mu̱ti ɓa.