Afiseku 4:11 - Mewar Alqawarang

¹¹ Chin shiki vu̱rti ye nduki. Wa shi vu̱rti nu̱ khar ma pude ɓu̱ Yesu ye ɓeeni nduki, ɓeenan ɗya annabiku, ɓeenan ɗya wopar Labar Mbarkandang, ɓeenan ɗya nu̱ khutlo nduki yang ɓeenan ɗya nu̱ shogar ku ɓara.

Afiseku 4:11 ပူးပေါင်းရင်းမြစ်များ

Matta 28:20

Tun a shoga ye wor ku̱ khutlo kap ɗyi nang zu̱ki ye nu. Zu̱n ma nga nje su̱yen ndu̱ tunu ma yir lauɗarsi qaandi virkiri.”

Tlu̱nar ɓu̱ Pudeku 13:1

Chele tabar ɓu̱ nu̱ mbu Yesu ku nu̱ke a Antakiya, annabiku ndu̱ maalu̱mku a nje. Nang ke Barnaba, ndu̱ Simiyon nu̱ka qaki nda za Chit, ndu̱ Lushiyos khuzi Sariyan, ndu̱ Manayen nu̱ gorki su̱yen ndu̱ kuji Khiridus, ndu̱ Shawulu.

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 21:8

Vi dumaaran chem ɗu̱ Kaisariya, chem vi nu̱ kaa ɓu̱ Filibus nu̱ waazu. Nu̱ke ɗya da chele nduki mutndi nu̱ datki wor ma tlu̱nar shakhti ɗyezu̱mndi ye tabar ɓu̱ nu̱ mbu Yesu ku nu̱ke a Urshalimang, chem zhur nu̱ she nda.

Romeku 12:7

Njif nu̱ke vu̱rti ɓaran ɗya tlu̱na, ku̱ shi tlu̱narang. Mbu̱ ɗya shoga, ku̱ shi shogari.

1 Korintiyeku 12:4

Nang ɗo, vu̱rtiku a nje zum zum, yang chin Jiimbyang ɗyenda kya vu̱rtan.

Afiseku 2:20

Wa du̱ngndonu nu̱ ɗyine su̱ du̱ndi nu̱ pudeku ndu̱ annabikwang du̱nki, yang Masiya Yesu ke ndogdi ngginggeetli nu̱ dukki ndu̱ boota mbu̱ du̱ndang.

Afiseku 3:5

Nu̱ zu̱ nang ye nduki nu̱ zhu ɓa, yang leendang Magham wa wut ye pudeku ndu̱ annabiku ɓaran datkandi nu̱ ku̱nshe Jiimbi ɓaran.

Afiseku 4:8

Ba wa nu̱ Ɓalar ɓu̱ Magham zu̱ki za, “Sarchi nu̱ dlaki nu̱ mbu̱ viɗi tu̱ da wor nyin ku̱ski su̱yen ndu̱ chin, tu̱ yang shi vu̱rti ye nduki ɓaran.”

2 Timoti 4:5

Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

Yibraniyeku 5:12

Leendang shipa tu̱ga tun ka shogaki ɓar ye nduki, yang ma ɓar meeni tun a shim ku̱ njif nggur maata shogarku ndolndolndi nu̱ ɓalar ɓu̱ Magham ye nu. Nun khu̱l ma zu̱m ɗye zu̱mndi kaaku̱ɗakhndi ɓa, tun a zakya ɓiɓi ɗyenda!

Yakhuda 1:17

Yang raptaku nu̱ke nga ndolaran, kor ma ndu̱ ɗyi nu̱ pudeku ɓu̱ Zhinerem gwaanji Yesu Masiya zu̱ki za ka ɓa shi.

Ɗyin mbu̱ tukari 18:20

Shi kashari ɗyine nda, to mbu̱ viɗi! Shi ma kashari ɗyine nda, tun nduki ɓu̱ Magham ndu̱ pudeku ndu̱ annabiku! Jiwa Magham wa kuma nda ku̱me ɗyi nu̱ shiki ye nu.’ ”

Ɗyin mbu̱ tukari 21:14

Sar saari garuk ghayang shakhtan san gwaanggu̱m rap, tu̱ bu̱la dlu̱m pudeku gwaanggu̱m rapndi ɓu̱ Ye gamndang nu̱ ɗyinan.