Afiseku 4:10 - Mewar Alqawarang

¹⁰ Chin nu̱ zhurkyang, chin dlaki tu̱k nu̱ mbu̱ viɗi, ma ku̱ nyel maa viɗi ndu̱ maa vu̱ghai tu̱k.

Afiseku 4:10 ပူးပေါင်းရင်းမြစ်များ

Matta 24:34

Zhire nga zu̱ran ye nu, nduki nu̱ qaandi virkir nang ɓu̱ mu̱tku ɓa, kope ɗyikunang wa shi kap.

Luka 24:44

Tu̱ ze wor za, “Nang ke ɓalar nang zu̱ki ye nu sarchi nu̱ke nga su̱yen ndu̱ tunwang, nga za ɗyi nu̱ Taurete ɓu̱ Musa ndu̱ Lagarkati ɓu̱ annabiku ndu̱ Zaburya zu̱ki ɗyina kap ka nyedli.”

Yokhana 1:16

Khang mu̱nkir ɓaran saki chem gwa barkeku khang mbu̱ yen.

Yokhana 19:24

“Tu̱ ze yen ku za, ɓyakh mi lukti nang nu̱gha ɓa, ngga mi daati nu̱ ɗyinan chem na njif nu̱ke ka zu̱mki tu̱ kha ma ɓaran.” Ɗyinang shi wanang ma nyel ɗyi nu̱ lagarkati ɓu̱ Magham zu̱ki za, “Wa shakh ɗye sar ɓang ku nu̱ chele ɓaanda. Tu̱ ngga daatiku nu̱ ɗyine lukti ɓanga.” Nang ke ɗyi nu̱ sojekwang shiki.

Yokhana 19:28

Yesu wa zu̱n za sarchi nang chin wa woɗa aa nu̱m, yang ku̱me ku̱ aa nu̱m kha nyeedlan wa nu̱ lagarkati ɓu̱ Magham zu̱ki, tu̱ zu̱ za, “Nga tu̱k khuzhumndi.”

Yokhana 19:36

Ɗyinang shi ma nyel ɗyi nu̱ bu̱laki nu̱ mbu̱ lagarkati ɓu̱ Magham za, “Ɓu̱ zha aa qu̱tli ɓaran da nu̱gha ɓa.”

Tlu̱nar ɓu̱ Pudeku 1:11

Tu̱ nduki rapndang zu̱ za, “Nduki nu̱ Galili, nu̱m saki tun ching gha fan tun a nggu̱t maa viɗang na? Ba chin Yesu nu̱ daki nda ɓar she nu ma yir viɗ nang kaɗa gaɓ ba wa nun naki yir ɓaran.”

Tlu̱nar ɓu̱ Pudeku 1:9

Nu̱ zu̱ki wanang, a nggu̱tan ku tu̱ da nda ma yir mbu̱ viɗi. Tu̱ ku̱zapti nggur lu̱pa nda nu̱ gha me yiti wora nu̱ na nda ku tu̱k ɓa.

Tlu̱nar ɓu̱ Pudeku 2:33

Wa vu̱r zhaaji yenda a bu̱n zu̱ma ɓu̱ Magham, tu̱ ɗa dlu̱ Jiimbi shakhshakhndi nu̱ Zhin shiki alqawaranang ta zu̱n ɗyinerem, nang ke ɗyi nu̱ke tun a naran ndu̱ tu̱ktan.

Tlu̱nar ɓu̱ Pudeku 3:18

Yang tu̱k nu̱ ku̱nshe shir ɓu̱ ɗyiku nang Magham wa nyel ɗyi nu̱ zu̱ki nu̱ ku̱nshe annabikwang kap, ku̱me wa zu̱ za Masiya ɓaran ka za bonye.

2 Korintiyeku 12:2

Nga zu̱n njif nggurnu̱ daki nda ma yir mbu̱ viɗi nu̱ kunung nu̱ ku̱nshe zalale ɓu̱ Masiya, sonyi gwaanggu̱m vat meeni, da nda mbu̱ manva gom, mbu̱ manva ɓa gom, nang zu̱n ɓa, Magham ɗyenda zu̱nki.

Afiseku 3:19

Nga barar tu̱k ku̱ zu̱n nu ndolar ɓu̱ Masiya nu̱ dukki du̱mbu̱r ku̱ nduk zu̱ni, ma ku̱ nyedli nu ndu̱ kap pooni nyedli ɓu̱ Magham.

Kolosiyeku 1:19

Jiwa Magham shimki, ma ku̱ woyang da me Maghamndi ɓu̱ Maghamang ye varan.

Kolosiyeku 2:9

Ku̱me kap me Maghamndi ɓu̱ Magham a nje kharan mbe Masiya sarchi nu̱ gaɓki ma nduku.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Yibraniyeku 4:14

Yang ɗo, nu̱ke gorkir kuru gwaanji a nje khaarem, chin ke Yesu Yi ɓu̱ Magham chin nu̱ ɗu̱ki mbu̱ viɗi gume Magham, khuɓ mi maito ɓaarem nu̱ gha ɓang ɓang.

Yibraniyeku 7:26

Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

Yibraniyeku 8:1

Kap ɗyi nu̱ke chem a zu̱ran nang chin ke gorkir kuru a nje khaarem nu̱ke a nje kharan bu̱n zu̱ma ɓu̱ zhakhɗye kwaaɗar ɓu̱ Nu̱ Gorkirang far viɗi.