Afiseku 3:9 - Mewar Alqawarang

⁹ Magham, nu̱ du̱ngki aa nu̱m, wa shim ku̱ shaata nga aaki tu̱ zu̱n ɗyi tukakandi nyin daasaki nu̱ shoɓki a nje tukaran mbu̱ memu̱naran.

Afiseku 3:9 ပူးပေါင်းရင်းမြစ်များ

Matta 10:27

Ɗyi nang zu̱ki ye nu mbu̱ tukari, tun zu̱r nda ye dalangi. Yang tu̱k, ɗyi nang su̱paki ye nu su̱pa, tun wopa nda mu̱na patle.

Matta 13:35

Shi wanang ma ku̱ nyel ɗyi nu̱ annabi Yishaya zu̱ki za, “Ngga shi ɓalar mbu̱ ku̱rti ɓalarku. Ngga zu̱ ɗyiku tukakandi ma nu̱ shiki larji.”

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Matta 28:19

Ku̱me nang mbu̱ tun wa ɗi tun a ze nduki nu̱ larji kap ku̱ mburi nga, tun a shi baptisme ye wora mbu̱ dlu̱m Zhinkiri, ndu̱ ɓu̱ Woyang ndu̱ ɓu̱ Jiimbi Shakhshakhndi.

Luka 24:47

Yang ka shi wopar njigti solar ndu̱ yaapar solar mbu̱ dlu̱man ye nduki nu̱ larji kap, yang ka nggaasan Urshalima.

Yokhana 10:30

Nga ndu̱ Zhinkirang chem da.”

Yokhana 5:17

Tu̱ yang Yesu ze wor za, “Zhinkir ɓang nu̱ njig shir tlu̱nar ɓa, yang ngam njig zum ɓa.”

Yokhana 5:19

Tu̱ Yesu tlogha ye wor za, “Zhire nga zu̱ran ye nu, Woyang nu̱ka shi aa nyi tun me ɗyinan ɓa, kope ɗyi nu̱ naki Zhin a shiran. Ku̱me nang, ɗyi nu̱ke Zhin a shiran, nang ke ɗyi nu̱ke Woyang a shiran.

Tlu̱nar ɓu̱ Pudeku 15:18

Nang ke zu̱r ɓu̱ Zhinkir gwaanji, chin nu̱ wutki ɗyiku nang zhu tang.

Romeku 11:25

Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

1 Korintiyeku 2:7

Nga zu̱kya kaɗari ɓu̱ Magham tukakandi, ɗyen tukaran zhu ɗau, nang ke kaɗari ɓu̱ Magham nu̱ daasaki ma vu̱r zhaaji yerem me ku̱ du̱ng larji.

Afiseku 1:4

Wa daaterem nu̱ ku̱nshe khar ɓaarem da ndu̱ Masiya me ku̱ du̱ng larji, ma ku̱ kha mi shakhshakh, waare sola gume nda ku̱me ndolar ɓaran.

Afiseku 3:2

Nga maita nu̱ ɗyine tun wa tu̱k labar vu̱rti nu̱ Magham shiki ya mbe mu̱nkir ɓaran ma ku̱ shi nga tlu̱nar chele ɓaanu ma shaata nu.

Afiseku 6:19

Shi ma barar ya tu̱k ku̱me mbu̱ nga qu̱n mya ma ɓala aakochi gwa nga ɗyi nu̱ke ngga zu̱ki ye nu tang zu̱r nda tu̱k waare sawa. Ma wut nga ɗyi tukakandi nu̱ mbu̱ Labar Mbarkandang ye nduki.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

Kolosiyeku 1:26

Ɗyi nu̱ke nga zu̱ran ye nu nang ɗya ɗyi nu̱ke a nje tukaran zhu tang mbu̱ zamanku khang nu̱ peetaki, yang wa wut ɗyi tukakandi nang ye nduki ɓaran leendang.

Kolosiyeku 3:3

Jiwa tun mu̱tan, yang nyifi ɓaanu a nje tukaran su̱yen ndu̱ Masiya mbe Magham.

Kolosiyeku 4:3

Shi ma barar yerem tu̱k, ma ku̱ Magham qu̱n njiv nu̱ke chem ka wopaki ɓalar ɓaran, chem wut ɗyi tukakandi ɓu̱ Magham nang ye nduki, chin ke, labar ɓu̱ Masiya. Ɗyi tukakandi nang saki nga nje khiiran zhaaru̱m.

2 Tasalonikeku 2:13

Yang wa ku̱s ku̱ kuna mi Magham aakochi ku̱me tunu, nyeezaku nu̱ke Magham a ndolaran. Ku̱me vu̱ nggarsan Magham wa daato nu tun gwa ɗanar nu̱ ku̱nshe zalale ɓu̱ Jiimbi nu̱ shiɓki nun gha kom ndu̱ nu̱ ku̱nshe maitar zhire.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

2 Timoti 4:17

Yang Zhinkir gwaanji a nje su̱yen ndu̱ nga tu̱ pa du̱mbu̱r ya, ku̱me ɓalar ɓu̱ Magham nang ku̱ gwa wopar maɗyi ma ku̱ nduki nu̱ke ɗya Yakhudeku ɓa tu̱kki. Wa lawa nga ɓar mbu̱ me mu̱zamndi.

Titus 1:2

Maito nu̱ zu̱ndi nu̱ke dlaran ve sar memu̱na ye nyifi nu̱ke nu̱ka shi woɗa ɓa. Magham nu̱ke nu̱ka shi wollo ɓa shiki alqawar nang kaabu nggarsi sarchi.

1 Biturus 1:20

Magham datkya chin me ku̱ du̱ng larji, yang wuti nda ye dalangi ye lauɗar su̱ qaandi virkirku nang ku̱me tunu.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.

Ɗyin mbu̱ tukari 14:6

Tang na nu̱ ru̱kti ɓu̱ Magham nggur a jiiri mbu̱ khu̱kheeti, khubtan ndu̱ ru̱kti nu̱ Labar mbarkandi nu̱ke koɗokhsi ɓaandang. Ma woparan ye nduki nu̱ larji, wor ke, dlar maa ɓu̱ nduki kap, ndu̱ pooni nduki, ndu̱ me ghai, ndu̱ nduki.

Ɗyin mbu̱ tukari 17:8

Chin dlu gaari no naki nang, wa kha zhu, yang leendang a nje ɓa, ka ɗa dlan dam mbu̱ ge gargha mboɓongndi nu̱ke me tu̱ɓ si ɓandi nang ma yir ye maa nu̱ke a ma tlagha nda nu̱ gha. Nduki nu̱ke kharan mbu̱ larji, wor nu̱ke nu̱ bu̱la dlu̱m wor nu̱ mbu̱ Lagarkati Nu̱ Nyifiri ɓa, ka shi lazham nar dlu gaarang, ku̱me wa kha zhu, yang leendang a nje ɓa, yang ka ɗa gaɓ gana fan tu̱k.

Ɗyin mbu̱ tukari 4:11

“Zhinkir gwaanji ndu̱ Maghamndi ɓaarem, ta khu̱dli, ku̱ dlu̱ na zhaaji, ndu̱ gorkiri, ndu̱ zalale. Jiwa to du̱ngki aa nu̱m ndu̱ aa nu̱m, yang nu̱ ku̱nshe shimndi ɓaaro du̱ngki wora tu̱ kha ma nu̱ nyifiri ku.”