Afiseku 3:8 - Mewar Alqawarang

⁸ Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Afiseku 3:8 ပူးပေါင်းရင်းမြစ်များ

Luka 14:22

“Nu̱ maavyang a gaɓki tu̱ ze nu̱ rafti ɓaranang za, ‘Maasi, nga shi ba wa no zu̱ki ya, yang kap ndu̱ nang, ɓeena maarang nje nu̱ nyel ɓa.’

Yokhana 1:16

Khang mu̱nkir ɓaran saki chem gwa barkeku khang mbu̱ yen.

Tlu̱nar ɓu̱ Pudeku 5:41

Tu̱ Pudekwang njig maa tabar dle gume ɓu̱ Yakhudekwang a kashar ku ku̱me nduki wa na wor wa khu̱l ku̱ za nda bonye ku̱me dlu̱m Yesu.

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 11:33

Ai, khang gu̱nar ndu̱ kirti kaɗari ɓu̱ Magham ndu̱ zu̱ndi ɓaran koɗokhsi shwat ɓa! Ɗyiku nu̱ka kumaki wa duk ku̱ nduk laɓ mban, njiv ɓaran wa duk du̱mbu̱r ku̱ nduk na!

Romeku 12:10

Tun tu̱k khaati ɓu̱ yen ndu̱ pooni ndolar ɓu̱ nu̱ mbu Yesu ku. Tun vu̱r zhaaji ye njif nggur tu̱ duk nu̱ke tun ka vu̱rki ye vaanu.

Romeku 2:4

Yang ɓa, ta ndu̱mkya khang mu̱nkir ɓu̱ Magham, ndu̱ kanaɗyi ɓaran, ndu̱ song wuti shokhnar ɓaran ɗau ɗau nu̱ke a shiran yorang mu? Alapa no zu̱n za mu̱nkir nu̱ke Magham a shiran yorang a shiran ma ku̱ nggoɗ na ɓa goma?

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

1 Korintiyeku 15:9

Nga ke kataran kap chele pudeku ɓu̱ Yesu, nang khu̱l ku̱ qa nga pude ɓu̱ Yesu ɓa, ku̱me nga vu̱r bonye ye tabar ɓu̱ nu̱ mbu Magham.

1 Korintiyeku 2:9

Yang a nje bu̱laran ba wanang nu̱ zu̱ki za, “Ɗyi nu̱ Magham daasaki ye nduki nu̱ke a ndola nda nang, ɗya ɗyi nu̱ke nduk a nje nu̱ naki sar da ɓa, yang nduk a nje nu̱ tu̱kki ɓa. Yang nduk a nje nu̱ korki ka shi tun wanang ɓa.”

Galatiyeku 1:16

ku̱ qu̱n nji yita ma zu̱n nga Yi ɓaran Yesu, ma ku̱ shi nga waazu Labar Mbarkandang ye nduki nu̱ke ɗya Yakhudeku ɓa. Yang nu̱ shiki ɗyiku nang ya, nang laɓ sawari she aaki ɓa,

Galatiyeku 2:8

Magham nu̱ ru̱kki Biturus nu̱ she Yakhudekwang, chin ru̱kki nga tu̱k nu̱ she nduki nu̱ke ɗya Yakhudeku ɓa ndang.

Afiseku 2:7

Yang Magham shi nang ma ku̱ wut mu̱nkir ɓaran nu̱ke koɗokhsi ɓa ye aa nyi sarchi nu̱ke a ɓari. Wut mu̱nkir ɓaran nang, mbe Masiya Yesu.

Afiseku 3:1

Ku̱me nang, nga Bulus, nu̱ khiiki nga gha zhaaru̱m ku̱me Masiya Yesu ma ku̱ kha ndu̱ boota ye nu tun nu̱ke tun Yakhudeku ɓa.

Afiseku 3:16

Nga khuti nda ku̱ vu̱r vu̱rti nggur ye nu mbu̱ gu̱nar zhaaji ɓaran. Tu̱ pa du̱mbu̱r ye nu ndu̱ zalale ɓaran, ma ku̱ kha nu shokhku̱rokh mbu̱ memu̱nanu nu̱ ku̱nshe Jiimbi ɓaran.

Afiseku 3:19

Nga barar tu̱k ku̱ zu̱n nu ndolar ɓu̱ Masiya nu̱ dukki du̱mbu̱r ku̱ nduk zu̱ni, ma ku̱ nyedli nu ndu̱ kap pooni nyedli ɓu̱ Magham.

Afiseku 3:2

Nga maita nu̱ ɗyine tun wa tu̱k labar vu̱rti nu̱ Magham shiki ya mbe mu̱nkir ɓaran ma ku̱ shi nga tlu̱nar chele ɓaanu ma shaata nu.

Filipiyeku 2:3

Ku̱ shi nu aa nu̱m ndu̱ ndolar ɗyin ndu̱ gwaari ɗyin ɓa, tun kata ɗyinonu nu̱gha. Bu ku̱ aaki gaɓ ndu̱ mu̱dlen wa dukti nda.

Filipiyeku 4:19

Maghamndi ɓang ka vu̱r ɗyi nu̱ke tun a gangndan kap ye nu ku̱rti khang gu̱nar ɓaran mbe Masiya Yesu.

Kolosiyeku 1:27

Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.

1 Timoti 1:13

Aa nu̱ke ɗau fara nga nu̱ ndu̱mndi Magham, ndu̱ wuti bonye ndu̱ vu̱rti takashi ye nu̱ mburi nda ku. Yang kap ndu̱ nang tu̱ na zhiyaye ɓanga ku̱me nga shi ɗyiku nang mbu̱ song zu̱ni ndu̱ song maito.

1 Timoti 1:15

Ɓalar nang ɗya ndooga: nu̱ke wa ku̱s ku̱ aaki maita, Masiya Yesu a ɓa larji ma ɗana nu̱ solar ku, yang chele ɓaanda kap nga ke kuji.

1 Timoti 2:7

Nang ke ɗyi nu̱ saki tu̱ daati nga tang kha ma pude ndu̱ nu̱ wopar ɓalarang. Nga ke maalu̱m nu̱ shogar ye kap nduki nu̱ke ɗya Yakhudeku ɓa mbu̱ maito zhirekandi. Ɗyi nu̱ke nga zu̱ran nang ke zhire ni, kotama nje mban ɓa.

2 Timoti 1:11

Magham wa sa tang kha ma nu̱ waazu, ndu̱ pude ɓu̱ Yesu, ndu̱ maalu̱m ku̱me Labar mbarkandi dandi nang.

Ɗyin mbu̱ tukari 3:18

Nga vu̱r sawari yoro, ku̱ masa na ginarwe sha, ginarwe nu̱ shiɓki nu̱ gha ndu̱ ɓai, ma ku̱ gwa na gu̱nari, ndu̱ luktiku ɓongndi to san ve vaaro ma ku̱ za na kawar ɓu̱ so nu̱ke a nje nggaran nang. Moso kuzhi khaati yiti sha to san ve yitoro, ma ku̱ yitor na maari.