Afiseku 3:5 - Mewar Alqawarang

⁵ Nu̱ zu̱ nang ye nduki nu̱ zhu ɓa, yang leendang Magham wa wut ye pudeku ndu̱ annabiku ɓaran datkandi nu̱ ku̱nshe Jiimbi ɓaran.

Afiseku 3:5 ပူးပေါင်းရင်းမြစ်များ

Matta 13:17

Zhire Nga zu̱ran ye nu, annabiku ndu̱ nu̱ dambi ku khang wa shim na ɗyi nun nakyang yang nu̱ na ku ɓa, tu̱ shim tu̱k ɗyi nun tu̱kkyang, yang nu̱ tu̱k ku ɓa.

Matta 20:7

“Tu̱ zu̱ ku za, ‘Nduka nje nu̱ vu̱rki tlu̱na yerem ɓa.’ “Tu̱ ze wor tu̱k za, ‘Ɗu̱ma tun a shi tlu̱nar mbu̱ dam ɓanga.’

Matta 23:34

Ku̱me nang ngaa ru̱kti ndu̱ annabiku, ndu̱ nu̱ kaɗariku ndu̱ Maalu̱mku. Tun ka tlagha ɓeenan, tun katl ɓeenan gha me qu̱fari, tun shi dlabti ye ɓeenan mbu̱ kib tabarku ɓaanu, tun a mbu wor ghai ghai tun a vu̱r bonye ye wora.

Luka 10:24

Jiwa nga zu̱ran ye nu, annabiku ndu̱ kujiku khang wa shim tu̱ga na nda ɗyiku nu̱ke tun a naran nang, yang nu̱ gwa naran ku ɓa. Wa shim ku̱ tu̱k nda ɗyiku nu̱ke tun a tu̱ktanang, yang nu̱ tu̱k ku ɓa.”

Luka 11:49

Nang ke ba ɗyi nu̱ Magham zu̱ki mbu̱ kaɗari ɓaran za, ‘Ngga ru̱k annabiku ndu̱ pudeku ye wora, yang kaa tlagha ɓeenan tu̱ vu̱r bonye ye ɓeenanku.’

Yokhana 14:26

Yang Nu̱ shaatarang, chin Jiimbi shakhshakhndi nu̱ke Zhinkirang ka ɓa ru̱kki mbu̱ dlu̱ma, chin ka shogaki aa nu̱m ye nu, tu̱ kor ɗyi nang zu̱ki ye nu kap.”

Yokhana 16:13

Yang sarchi nu̱ Jiimbi nu̱ zhire a ɓa ki, ka mbu ndu̱ tun mbe aa nyi zhire, ku̱me ɓu̱ shi ɓala ku̱me ɗyinan ɓa, yang ka zu̱kya ɗyi nyin tu̱kki ɗyenda, ka zu̱ ɗyi nu̱ke a ma ɗatli ye nu.

Tlu̱nar ɓu̱ Pudeku 10:28

Tu̱ ze wor za, “Tun ndu̱ ɗyinonu tun wa zu̱n za nu̱ shipa ku̱ Yakhude nduku kha ndu̱ nduki nu̱ke ɗya Yakhuda ɓa, yang ɓu̱ ɗu̱ kaa ɓaran ɓa. Yang Magham wa wut ya za qa nga aaki maatlin ɓa, yang zopan ɓa.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

1 Korintiyeku 2:10

Yang Magham wa wut ɗyiku nang yerem nu̱ ku̱nshe Jiimba. Ku̱me chin Jiimbyang ke nu̱ laɓ mbu̱ aa nu̱m, kap ndu̱ ɗyiku ɓu̱ Magham tukakandi nu̱ke dar mban shar.

Afiseku 2:20

Wa du̱ngndonu nu̱ ɗyine su̱ du̱ndi nu̱ pudeku ndu̱ annabikwang du̱nki, yang Masiya Yesu ke ndogdi ngginggeetli nu̱ dukki ndu̱ boota mbu̱ du̱ndang.

Afiseku 3:9

Magham, nu̱ du̱ngki aa nu̱m, wa shim ku̱ shaata nga aaki tu̱ zu̱n ɗyi tukakandi nyin daasaki nu̱ shoɓki a nje tukaran mbu̱ memu̱naran.

2 Bitu̱rus 3:2

Nga shim ku̱ kor nu ɗyiku nu̱ke annabiku shakhshakhndi nu̱ zhu zu̱ki, kom ndu̱ ɓalar nu̱ Zhinerem gwaanji ndu̱ nu̱ ɗana rem zu̱ki mbu̱ me pudeku nu̱ ɗa ru̱kki nu̱ she nu.

Yakhuda 1:17

Yang raptaku nu̱ke nga ndolaran, kor ma ndu̱ ɗyi nu̱ pudeku ɓu̱ Zhinerem gwaanji Yesu Masiya zu̱ki za ka ɓa shi.