Afiseku 3:4 - Mewar Alqawarang

⁴ Mbu̱ tun wa nggu̱t mban, tun ka da mbu̱ ɗyi nang zu̱nki ɗyine ɗyi tukakandi ɓu̱ Masiya.

Afiseku 3:4 ပူးပေါင်းရင်းမြစ်များ

Matta 13:11

Tu̱ Yesu tlogha ye wor za, “Wa vu̱r ye nu ku̱ zu̱n nu ɗyi tukakandi nu̱ke a mbu̱ kwaaɗar ɓu̱ Magham, yang ɓaanda nu̱ vu̱r na ye wor ɓa.

Luka 8:10

Tu̱ ze wor za, “Tun nang wa vu̱r zalale ye nu ma zu̱n nu ɗyiku nu̱ke tukakandi mbu̱ kwaaɗar ɓu̱ Magham. Yang ɓu̱ ɓeena nduki, buka ku̱ wuɗ ye wor mbe ku̱rti ɓala ku̱me, ‘Aa wa nggu̱t ku ɓu̱ na ɗyen ɓa, yang aa wa tu̱k ɗyen ku tu̱k am ɓu̱ da mban ku ɓa.’

Romeku 11:25

Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

1 Korintiyeku 13:2

Aa nga ka zu̱ ɓalar ɓu̱ Magham, tang zu̱n ɗyi tukakandi kap, tang shi zu̱ndi ɗyine tun kap, aa maito ɓang maɗyi wa nu̱m gom, nu̱ke ngga ɗu̱ma ɓu̱t dlengku, yang za nga nu̱ ndola ɓa, nga aa nu̱m ɓa.

1 Korintiyeku 4:1

Wa shipa ku̱ kwaari ɓaanu khan ɗyine chem ɗya nu̱ tlu̱narku ɓu̱ Masiya, yang Magham wa vu̱r du̱ngdi ɗyiku tukakandi ɓaran yerem.

2 Korintiyeku 11:6

Bai nang magha ɓala wa wor ɓa, yang nga shi zu̱ndi. Chem wa wut nang ye nu ve aa nyi njiva.

Afiseku 1:9

Tu̱ Magham sa chem zu̱n shimndi ɓaran tukakandi ɗyine ɗyi nyin ku̱rki, tu̱ yang nyel nda nu̱ ku̱nshe Masiya.

Afiseku 3:3

Nang ke ɗyin mbu̱ tukar nu̱ Magham wutki ya ɗyine shimndi ɓaran tukakandi, ba wa nang bu̱laki ye nu koɗom ɗyinan.

Afiseku 3:9

Magham, nu̱ du̱ngki aa nu̱m, wa shim ku̱ shaata nga aaki tu̱ zu̱n ɗyi tukakandi nyin daasaki nu̱ shoɓki a nje tukaran mbu̱ memu̱naran.

Afiseku 5:32

Ɗyi nang ɗya ɗyi gwaanji tukakandi. Yang nga shikya ɓalar ɓu̱ Masiya ndu̱ tabar ɓu̱ nu̱ mburi nda ku.

Afiseku 6:19

Shi ma barar ya tu̱k ku̱me mbu̱ nga qu̱n mya ma ɓala aakochi gwa nga ɗyi nu̱ke ngga zu̱ki ye nu tang zu̱r nda tu̱k waare sawa. Ma wut nga ɗyi tukakandi nu̱ mbu̱ Labar Mbarkandang ye nduki.

Kolosiyeku 1:26

Ɗyi nu̱ke nga zu̱ran ye nu nang ɗya ɗyi nu̱ke a nje tukaran zhu tang mbu̱ zamanku khang nu̱ peetaki, yang wa wut ɗyi tukakandi nang ye nduki ɓaran leendang.

Kolosiyeku 2:2

Yang nga shi nang ma ku̱ gwa du̱mbu̱r ku tu̱ gonta ɗyin wor mbe ndola. Gwar ɗyiku nang ka sa tu̱ gwa gu̱nar gwaanji nu̱ maito nu̱ke memu̱nar rap rap si ɓa nu̱ dar mbu̱ ɗyi tukakandi ɓu̱ Magham nang ke Masiya ndu̱ varan.

Kolosiyeku 4:3

Shi ma barar yerem tu̱k, ma ku̱ Magham qu̱n njiv nu̱ke chem ka wopaki ɓalar ɓaran, chem wut ɗyi tukakandi ɓu̱ Magham nang ye nduki, chin ke, labar ɓu̱ Masiya. Ɗyi tukakandi nang saki nga nje khiiran zhaaru̱m.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

1 Timoti 3:9

Wa ku̱s ku̱ khuɓ zhire du̱mbu̱rkandi na viki ye dalang mbu̱ maito nang ndu̱ konyi mbarkandi.