Afiseku 3:20 - Mewar Alqawarang

²⁰ Leendang ku̱ zhaaji kha Magham nu̱ke ka ɗu̱ma shi ɗyi nu̱ke chem ɓu̱ ɗu̱ma shigaran ɓa, ka ɗu̱ma shi dukti ɗyi nyem khuɗki ndu̱ nyem korki, ba wa nu̱ke zalale ɓaran a tlu̱nar mberem.

Afiseku 3:20 ပူးပေါင်းရင်းမြစ်များ

Matta 3:9

Taman nu mbu memu̱na nu za, ‘Yibram ke zhunonu ɓa,’ ku̱me nga zu̱ran ye nu Magham ka ɗu̱ma shi qusonggi ye Yibram ndu̱ ndogdiku nang.

Yokhana 10:10

Nu̱ Muuru ka ɗa ɓakya ba ma muuru, ndu̱ tlaghar mu̱ti, ndu̱ su̱bu̱rti. Yang nga ɓakya ma ku̱ gwa nyifi ku, ku̱ yang gwa ndu̱ yele.”

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

Romeku 4:21

Wa maita za Magham ka ɗu̱ma nyel alqawar ɓaran shwat.

1 Korintiyeku 2:9

Yang a nje bu̱laran ba wanang nu̱ zu̱ki za, “Ɗyi nu̱ Magham daasaki ye nduki nu̱ke a ndola nda nang, ɗya ɗyi nu̱ke nduk a nje nu̱ naki sar da ɓa, yang nduk a nje nu̱ tu̱kki ɓa. Yang nduk a nje nu̱ korki ka shi tun wanang ɓa.”

2 Korintiyeku 9:8

Magham ka ɗu̱ma vu̱r barke ye nu dukti ɗyi nu̱ke tun a gangndan, ma ku̱ gwa nu ɗyi nu̱ke tun a gangndan aakochi, tun gwa tu̱ duk wanang tu̱k, ma ku̱ shi nu mbarkir ye nduki.

Afiseku 1:19

Nga barar tu̱k rong ma kaani ma ku̱ chem nyem maitaki nda zu̱n nu̱ du̱mbu̱r ɓu̱ zalale ɓaran nu̱ dukki ku̱ nduk buu. Zalale nang ɗya tlu̱nar ɓu̱ zalale ɓaran du̱mbu̱rkandi,

Afiseku 3:7

Wa gaɓ ndu̱ nga tu̱k ma nu̱ tlu̱nar Labar mbarkandi nang. Yang tlu̱nar nang ɗya vu̱rti ɓu̱ Magham ya, nu̱ vu̱rki ya nu̱ ku̱nshe mu̱nkir ɓaran, nang ke zalale nu̱ke a tlu̱nar mbya.

Kolosiyeku 1:29

Ma ku̱ ɗu̱ma nga tang shi ɗyinang, nga shi bonye tang shi wute, nga tlu̱nar nu̱ du̱mbu̱r maɗyikandi nu̱ Masiya vu̱r ki ya yang a tlu̱nar mbya.

1 Timoti 1:14

Mu̱nkir ɓu̱ Zhinerem gwaanji wa nyedli nga maɗyi su̱yen ndu̱ maito ndu̱ ndolar na viki she Masiya Yesu ya.

Yibraniyeku 11:19

Yibram wa shi kwaari nu̱ ɗyine Magham ka ɗu̱ma ji ndu̱ mu̱ti. Chem ka ɗu̱ma zu̱ ye mbu ɓalar nang, nyem za dlu̱ Yishaku ɓar mbe mu̱ti.

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.

Yaqub 4:12

Magham ɗyenda ke nu̱ vu̱rti bibiti. I! Chin ke nu kumar tu̱k. Chin ɗyenda ke nu̱ vu̱r ɗanari, chin ke nu̱ zalale tlaghar nduku. Ku̱me nang, to kiya nu̱ke to ka du̱ngki zop ye njif nggurang na?

2 Bitu̱rus 1:11

Shir wanang ka sa tun gwa gaɗar mbarkandi ma viri nu̱ mbu̱ kwaaɗar ɓu̱ Zhinerem gwaanji nu̱ke nu̱ka shi woɗa ɓa ndu̱ nu̱ Nu̱ Ɗanar rem Yesu Masiya.

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.