Afiseku 3:17 - Mewar Alqawarang

¹⁷ Tu̱ Masiya khan mbu̱ memu̱nanu nu̱ ku̱nshe maito. Nga barar ye nu̱, ma nu̱ke tun wa shi dlu̱dlarsi tun ku̱s maa vu̱ghai ɗyiɗying mbe ndola.

Afiseku 3:17 ပူးပေါင်းရင်းမြစ်များ

Matta 13:6

Nu̱ fu̱ɗar a viki ɓwa, tu̱ su vaanda tu̱ ghwari, ma nu̱ke dlu̱dlarsi ve wor maɗyi ɓa.

Luka 6:48

Njif nang wa shipa njif nu̱ du̱nki kib ɓaran tu̱ sa saari du̱ndang nu̱ ɗyin tandal du̱mbu̱rkandi. Nu̱ romndi shiki, tu̱ zoɗar a ɓa, tu̱ ɗyimang nyel nu̱ sa kibang a tu̱paran, yang kibang nu̱ gu̱ɗa ɓa ku̱me du̱ndan ɗyin tandal.

Yokhana 14:17

Chin ke Jiimbi nu̱ zhire, nu̱ke larji ɓu̱ ɗu̱ma dlu̱ran ɓa ku̱me ɓu̱ ɗu̱ma na nda ɓa yang nu̱ zu̱n nda ɓa. Ɓaanu yang tun wa zu̱n nda, ku̱me a nje kharan ndu̱ tunu, yang ka ɓaa khan mbu̱ memu̱na nu.

Yokhana 14:23

Tu̱ Yesu tlogha yenda, “Kap njif nu̱ke a ndola nga, ka khutlo ɓalar ɓanga, Zhinkir ɓang ka ndola nda tu̱k, chem ka ɗa ɓa she nda chem kha gha su̱yen ndu̱ chin.

Yokhana 17:23

Nga mbe wora, to kharan mbya tu̱k, ma ku̱ kha da ku shiku̱tku̱t. Kom nduki nu̱ larji ka zu̱n za to ru̱kki nga, yang ta ndola wor wa no ndolaki nga.

Yokhana 6:56

Kap njif nu̱ke a nji dlu vara, tu̱ ki za tom ɓanga kharan mbya, nga kharan mbe nda tu̱k.

Romeku 5:5

Yang sar memu̱nar nang ɓu̱ kha bam sar da ɓa, ku̱me Magham wa wuuta ndolar ɓaran yerem nu̱ mbu̱ memu̱narem nu̱ ku̱nshe Jiimbi shakhshakhndi nu̱ vu̱rki yerem.

1 Korintiyeku 3:6

Nga kaɓki, tu̱ Apolos batl ɗyimi, yang Magham saki kaɓtang tu̱ gori.

1 Korintiyeku 8:1

Ɗyine ɓalar ɓu̱ ɗye zu̱mndi nu̱ shiki sadke su̱ ye mu̱lu̱mku, chem wa zu̱n nu̱ ɗyine chem wa shi zu̱ndi kap ɓaarem. Yang zu̱ndi wa ka sa nduk tu̱ ka shi gwaari ɗyin, ɓu̱ ndola yang ka sakya nduk tu̱ shaata aaki.

2 Korintiyeku 13:5

Buu ma ɗyinonu ma zu̱n nu mbu̱ tun a mbu Masiya Yesu mbe zhire; tun ki buu ɗyinonu. Alapa nun zu̱n za Masiya a nje mbe nu ɓa goma? A nje shwat, mbu̱ nun nggu̱ɗ mbu̱ buuri nang ɓa.

2 Korintiyeku 6:16

Rafti ɓu̱ Magham ka kha da ndu̱ maa konom mu? Chem ke rafti ɓu̱ Magham nu̱ nyifiri. Ba wa nu̱ Magham zu̱ki, “Ngga kha su̱yen ndu̱ wora, tang baara chele ɓaanda, Ngga kha ma Maghamndi ɓaanda, wor ka kha ma nduki ɓanga.”

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

Kolosiyeku 1:27

Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.

Kolosiyeku 2:7

Shi ma dlu̱dlarsi mbe nda tun ku̱s tun du̱ng khar viti ɓaanu nu̱ ɗyine nda, tun shi du̱mbu̱r nu̱ si mbu̱ maito ɓaanu, ba wa nyem shogaki ye nu, tun a kuna nda aa nyi sarchi.

1 Yokhana 4:16

Yang chem nu̱ ɗyine rem chem wa zu̱ni chem dla vaarem nu̱ ve ndolar ɓu̱ Magham nu̱ke a shiran yerem. Magham ɗya ndola, njif nu̱ke a wut ndola kharan mbe Magham, Magham a nje kharan mbe nda.

1 Yokhana 4:4

Tun qusonggi ɓang nu̱ke nga ndolaran, tun a vi she Magham, tun wa ra annabi nu̱ lambar ku nang, ku̱me Jiimbi ɓu̱ Magham nu̱ke a mbe nu wa duk jiimbi nu̱ke a mbe nduki nu̱ke a mbu̱ larji nang.

Ɗyin mbu̱ tukari 3:20

Wonji nga! Nga nje chingndan me viri nga ghwaatan. Aaki tu̱kki nga tu̱ qu̱n me virang nu̱gha, ngga ɗa vi tang zu̱m su̱yen ndu̱ chin, tu̱ zu̱m su̱yen ndu̱ nga tu̱k.