16 Nga khuti nda ku̱ vu̱r vu̱rti nggur ye nu mbu̱ gu̱nar zhaaji ɓaran. Tu̱ pa du̱mbu̱r ye nu ndu̱ zalale ɓaran, ma ku̱ kha nu shokhku̱rokh mbu̱ memu̱nanu nu̱ ku̱nshe Jiimbi ɓaran.
tu̱ yang zu̱ ya za, “Mu̱nkir ɓang wa gama ro, ku̱me zalale ɓang ka kha nyeedlan mbu̱ tu̱ɓti ɓaaro.” Ku̱me nang ngga kasha tang shi wakhti ndu̱ tu̱ɓti ɓang nang ma ku̱ zalale ɓu̱ Masiya kha gha su̱yen ndu̱ nga.
Nga barar tu̱k ku̱ Magham vu̱r dar mbu̱ tun ye nu ma ku̱ zu̱n nu nu̱m ke sar memu̱nar nu̱ qaki nu̱ kandi, tun zu̱n zhaaji ɓu̱ gu̱nar shakhti ɗye mbu̱ ge ɓu̱ nduki ɓu̱ Magham.
Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.
Ku̱ Magham pa du̱mbu̱r ye nu ndu̱ du̱mbu̱r ɓaran nu̱ zhaaji tun gwa tun ching gha mbari, ma ku̱ gu̱n nu memu̱na nu ndu̱ ɗyi nu̱ke a ɗaatli, tun a kanaɗyi mbe kasha.
Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.
Yang nga shi nang ma ku̱ gwa du̱mbu̱r ku tu̱ gonta ɗyin wor mbe ndola. Gwar ɗyiku nang ka sa tu̱ gwa gu̱nar gwaanji nu̱ maito nu̱ke memu̱nar rap rap si ɓa nu̱ dar mbu̱ ɗyi tukakandi ɓu̱ Magham nang ke Masiya ndu̱ varan.
Yang Zhinkir gwaanji a nje su̱yen ndu̱ nga tu̱ pa du̱mbu̱r ya, ku̱me ɓalar ɓu̱ Magham nang ku̱ gwa wopar maɗyi ma ku̱ nduki nu̱ke ɗya Yakhudeku ɓa tu̱kki. Wa lawa nga ɓar mbu̱ me mu̱zamndi.
Me ɓu̱ nang ku̱ viri ɓaanu kha ma viri nu̱ke a memu̱na nu, chin ke viri nu̱ ɓu̱tokh memu̱na ndu̱ ku̱si ɗyin, nu̱ke nu̱ka shi vi ɓar ɓa, yang ɗya ɗye zhaaji maɗyikandi she Magham.