Afiseku 3:13 - Mewar Alqawarang

¹³ Ku̱me nang nga khutonu, ku̱ me bu̱nonu datl ku̱me bonye nu̱ke nga zaran ku̱me tun ɓa. Ai, bonye nu̱ke nga zaran nang ka kha ndu̱ zhaaji ye nu.

Afiseku 3:13 ပူးပေါင်းရင်းမြစ်များ

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

2 Korintiyeku 1:6

Aa nu̱ke chem a za bonye, ai, chem a zaran ma ku̱ kha ma ɗye du̱ngdi memu̱na ye nu tu̱ pa du̱mbu̱r ye nu mbe khar viti ɓaanu mbu̱ jiimba. Mbu̱ chem wa gwa du̱ngdi memu̱nari, tun wa gwa tu̱k ma ku̱ gwa nu̱ du̱mbu̱r gu̱ndi memu̱na nu̱ ɗyine bonye nu̱ke chem nu̱ ɗyinerem chem a zaran.

2 Korintiyeku 4:1

Nu̱ke ɗaanar ɓu̱ Magham saki tu̱ vu̱r tlu̱nar nang yerem, me bu̱nerem ɓu̱ datl ɓa.

Galatiyeku 6:9

Ku̱me nang ku̱ nggum mi ndu̱ shir ɗyi mbarkandi ɓa. Sarchi a nje a ɓari nu̱ke chem ka ɓa gwaki boote nu̱ke barke a si.

Afiseku 3:1

Ku̱me nang, nga Bulus, nu̱ khiiki nga gha zhaaru̱m ku̱me Masiya Yesu ma ku̱ kha ndu̱ boota ye nu tun nu̱ke tun Yakhudeku ɓa.

Filipiyeku 2:18

Memu̱na nu ka kha ɓong, tun kasha su̱yen ndu̱ nga tu̱k.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

2 Tasalonikeku 3:13

Yang tun nyeezaku, ku̱ nggum nu ndu̱ shir ɗyi toropndi ɓa.