Afiseku 2:8 - Mewar Alqawarang

⁸ Ai, mu̱nkir ɓu̱ Magham saki tun gwa ɗanar nu̱ ku̱nshe maito ɓaanu. Tun shiki ɓa, ɗya mu̱nkir ɓu̱ Magham.

Afiseku 2:8 ပူးပေါင်းရင်းမြစ်များ

Matta 16:17

Tu̱ Yesu tlogha yenda za, “To nu̱ barka Siman, yi ɓu̱ Yunana! Ku̱me nduk wuɗki na yor ɓa, kope Zhinkir ɓang nu̱ke a mbu̱ viɗi.

Matta 20:9

“Nduki nu̱ qaki wor vi qurmun nu̱ mugdang ta ɓa ku, tu̱ vu̱rkya mu̱zhindi tlu̱nar piti ye wora.

Markus 16:16

Njif nu̱ maitaki, tu̱ shi baptisme, ka gwa ɗanari. Yang njif nu̱ke nu̱ maita ɓa, ka kuma nda.

Luka 7:50

Tu̱ Yesu gaɓ tu̱ ze nokhzang za, “Maito ɓa wa ɗanaro, ɗu̱ laya.”

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Yokhana 4:10

Tu̱ Yesu tlogha yenda za, “Mbu̱ ta zu̱n vu̱rti ɓu̱ Magham, ndu̱ njif nu̱ khuɗki ɗyim kha nang, tu̱ga ta khuti nda ka vu̱r ɗyim nu̱ka vu̱rki nyifiri yoro.”

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Yokhana 6:35

Tu̱ Yesu tlogha ye wor za, “Nga ke ɗye zu̱mndi nu̱ka vu̱rki nyifi, njif nu̱ ɗa ɓa ki sha ɓu̱ tu̱k meeri gana fan ɓa, yang tu̱k njif nu̱ maitaki nga sar da ɓu̱ tu̱k khuzhum ɓa.

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Yokhana 6:44

Nduk a nje nu̱ke ka ɗu̱maki ɓar sha ɓa, buka mbu̱ Zhinkir nu̱ ɗa ru̱kki ngang a dutki nda. Yang ngga da nda nu̱ viɗi fu̱ɗar wuri.”

Yokhana 6:65

Tu̱ zu̱ tu̱k za, “Na ke ɗyi nu̱ saki tang ze nu nga za, ‘Nduk a nje nu̱ke ka ɗu̱maki ɓar sha ɓa, buka mbu̱ Zhinkirang wa vu̱r zalale ni yenda.’ ”

Tlu̱nar ɓu̱ Pudeku 13:39

Yang ba nu̱ ku̱nshe nda tu̱k, aaki maitaki nda ka gwa dli ɗyin mbe solarku nu̱ wopar ɓu̱ Musa ku̱naki dli ɗyinonu ɓar mbanang.

Tlu̱nar ɓu̱ Pudeku 14:27

Nu̱ khu̱lki ku, tu̱ taba nu̱ mbu Yesu ku tu̱ vu̱r labar kap ɗyi nu̱ Magham shiki nu̱ ku̱nshe wora, kom ndu̱ njiv maito nu̱ Magham qu̱nki ye nduki nu̱ke ɗya Yakhudeku ɓa.

Tlu̱nar ɓu̱ Pudeku 15:11

Chem wa maita nu̱ ɗyine chem gwa ɗanar nu̱ ku̱nshe mu̱nkir ɓu̱ Yesu, ba wa nu̱ gwaki ku.”

Tlu̱nar ɓu̱ Pudeku 16:14

Yang nokhzi nggur a nje nu̱ sawar Magham nu̱ gwaki dlu̱mndan yerem dlu̱man za Lidiya. Ɗya ye Tiyatira, wa ka masa kaparku nu̱ me mu̱zhindi ɓara ɗya pooni kaparku nu̱ka yobki nu̱ gha vyang garara. Tu̱ Zhinkir gwaanji qu̱n memu̱naran nu̱gha, tu̱ gwa dlu̱mndan ye Bulus a tu̱k ɗyi nu̱ke a zu̱ran.

Tlu̱nar ɓu̱ Pudeku 16:31

Tu̱ ze nda ku za, “Moito Zhinerem gwaanji Yesu to ndu̱ rafti ɓaaro tun ka gwa ɗanari.”

Romeku 10:14

Yang wor ka qa njif nu̱ke nu̱ wor maita nda ku ɓa ma ku̱ shaata wor ɗa kikimndana? Ka shi kikimndi tu̱ wor maita njif nu̱ke nu̱ wor tu̱k labar ɓaran ɓa nda na? Yang ka tu̱k ku kikimndana, mbu̱ nduk a nje nu̱ke ka shiki waazu ye wor ɓa?

Romeku 10:17

Ku̱me nang, maito ka ɓa nu̱ ku̱nshe tu̱kti labarang, yang nduk ka tu̱k labar nang nu̱ ku̱nshe ɓalar ɓu̱ Masiya.

Romeku 4:16

Ku̱me nang, alqawarang a ɓa mbe maito. Shi alqawarang shwat, ma ku̱ kha ma mu̱nkir ɓu̱ Magham ye qusonggi ɓu̱ Yibram kap. Yang ye qusonggi ɓaran nu̱ke a mbu̱ bu̱n Bibitang ɗyenda ɓa, ye qusonggi ɓaran nu̱ maitaki ba wa nu̱ Yibram shikyang tu̱k. Yibram ke zhinerem kap.

Romeku 4:5

Yang njif nu̱ke nu̱ dla varan nu̱ ve tlu̱nar ɓaran ɓa, tu̱ yang dla varan nu̱ ve Magham, chin nu̱ka saki nduki nu̱ke ɗye shir ɓaanda ɗya ɓu̱ Magham ɓa, ku̱ kha waare zop gume ndang. Maito ɓu̱ njif nang wa kha ma dambu.

Romeku 9:16

Nang wa wut nu̱ ɗyine ɗya shimndi ɓu̱ nduk ndu̱ tlu̱nar ɓaran ɓa, ɗya ɗaanar ɓu̱ Magham.

Galatiyeku 3:14

Masiya Yesu dli ɗyineremang ma ku̱ barke nu̱ vu̱rki ye Yibramang khan ɗyine nduki nu̱ ke ɗya Yakhudeku ɓa tu̱k. Nang ke ɗyi nu̱ saki chem gwa Jiimbi nu̱ shiki alqawaranang nu̱ ku̱nshe maito nyem shiki.

Galatiyeku 3:22

Yang bu̱lar Ɓalar ɓu̱ Maghamang zu̱ za larji kap a khar maavi ɓu̱ sola. Shi wanang ku̱me ku̱ vu̱r alqawar nu̱ shiki nu̱ ku̱nshe maitar Yesu Masiya ye nduki nu̱ maitaki.

Afiseku 1:19

Nga barar tu̱k rong ma kaani ma ku̱ chem nyem maitaki nda zu̱n nu̱ du̱mbu̱r ɓu̱ zalale ɓaran nu̱ dukki ku̱ nduk buu. Zalale nang ɗya tlu̱nar ɓu̱ zalale ɓaran du̱mbu̱rkandi,

Afiseku 2:10

Ai, chem ndu̱ ɗyinerem chem tlu̱nar ɓu̱ Magham, du̱ngnderem mbe Masiya Yesu, ma ku̱ shi mi tlu̱narku mbarkandi nu̱ Magham woɗaki daasaran yerem ma ku̱ shi mi gumapaali.

Afiseku 2:5

ba ye sarchi nu̱ke chem mu̱tan mbu̱ solarku ɓaarem, tu̱ vu̱r nyifiri yerem su̱yen ndu̱ Masiya. Ɗana nu nu̱ ku̱nshe mu̱nkir ɓaran.

Filipiyeku 1:29

Ku̱me mu̱nkir nu̱ shiki ye nwang, nu̱ shi ma ku̱ maita nu Masiya ɗyenda ɓa, shi ma ku̱ za nu bonye ku̱me chin tu̱k.

Kolosiyeku 2:12

Baptisme nu̱ shiki ye nwang, pakya nu gha su̱yen ndu̱ Masiya. Tu̱ ji nu̱ tun ɓar su̱yen ndu̱ Chin nu̱ ku̱nshe baptismyang tu̱k, nu̱ ku̱nshe maito ɓaanu mbe zalale ɓu̱ Magham nu̱ jiiki ndu̱ chin ɓar mbe mu̱ti.

2 Tasalonikeku 1:9

Ka za bonyeku tu̱ su̱ya wor nu̱gha guma da, ka shakh wor ndu̱ Magham ndu̱ zhaaji zalale ɓaran.

Yibraniyeku 6:4

Jiwa ka shi shar ku̱ nduki nu̱ gwaki yarang ɓalar ɓu̱ Magham, ndu̱ nduki nu̱ darki vu̱rti ɓu̱ Magham nu̱ mbu̱ viɗi, ndu̱ nduki nu̱ gwaki me ɓaanda mbe Jiimbi shakhshakhndi.

1 Biturus 1:5

Tun nu̱ke nu̱ ku̱nshe maito ɓaanu zalale ɓu̱ Magham a khutloro nu. A shim ku̱ khu̱l nu ma gwa nu ɗanar nu̱ daasaki, ma ku̱ wuti nda ye dalangi ye lauɗar su̱ qaandi virkirku.