Afiseku 2:2 - Mewar Alqawarang

² Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Afiseku 2:2 ပူးပေါင်းရင်းမြစ်များ

Matta 11:19

Nu̱ Yi ɓu̱ nduk a ɓa ki a zu̱mndi ndu̱ zari, tu̱ gaɓ tu̱k za, ‘Na ma nda nu̱ khape zu̱mndi ndu̱ raptikir ɓu̱ nu̱ dlu̱r zhaanggal ku ndu̱ nu̱ “Solar ku.” ’ Yang kap ndu̱ nang, nduk ka na kaɗari ɓu̱ Magham mbe tlu̱nar ɓaran.”

Matta 13:22

Pooni nu̱ nggu̱ɗki nu̱ mbu̱ njekhtikwang yang, a khar wa njif nu̱ tu̱kki ɓalar ɓu̱ Magham, yang damtar nu̱ke a mbu̱ larji ndu̱ shimndi gu̱na tu̱ nggu̱tl ɓalarang gwaari nu̱ke nu̱ kha ndu̱ boota ɓa.

Matta 13:38

Damang ɗya larji, pooni mbarkandang ɗya qusa kwaaɗarang, gululang ɗya qusonggi ɓu̱ nu̱ mu̱narang.

Markus 4:19

Tu̱ damtar mbu̱ Larji ndu̱ shimndi gu̱na kom ndu̱ melakh ɗyiku zum zum ta ɓa tu̱ nggu̱tl ɓalarang ndu̱ gwaari nu̱ke nu̱ shi boota ɓa.

Luka 16:8

“Tu̱ nu̱ rafti ɓu̱ nu̱ song zhiryang makhta nda ku̱me ghu̱rti nu̱ shikyang. Nduki nu̱ mbu̱ larji meeni wa duk nduki nu̱ kya mbu̱ yarang ghu̱rti mbu̱ pooni ɓaanda.

Luka 22:31

Tu̱ Zhinerem gwaanji zu̱ za, “Siman, Siman, nggu̱t ka, Sheɗan wa khuɗ ku̱ gwaanji nu chin zhaaror nu ɓar wa ye gawa.

Yokhana 12:31

Nang ke sarchi nu̱ke ka kumaki larji, ka komba nu̱ kwaaɗar larji nang.

Yokhana 13:2

Sarchi nu̱ke Yesu ndu̱ nu̱ mburi nda ku a zu̱m ɗye zu̱mndi virkiri, Sheɗan wa woɗa saran nu̱ mbu̱ memu̱na Yakhuda Iskariyoti yi ɓu̱ Siman ma ku̱ vu̱r Yesu ɓara.

Yokhana 13:27

Nu̱ dlu̱ki njilakhti ɓurti tolirang tu̱ Sheɗan vi nu̱ mbe nda fan ndu̱ fan. Tu̱ Yesu ze Yakhuda za, “Ɗyi nu̱ke ta ku̱r shiranang, to shi ɗau ɗau.”

Yokhana 14:30

Ngam shi ɓala khang ye nu leendang tu̱k ɓa, ku̱me nu̱ kwaaɗar larji nang a nje a ɓari, yang zalale nje kha nda ɗyina ɓa.

Yokhana 15:19

Mbu̱ tun ɓu̱ larji tu̱ga larji wa shim ɗyi ɓaran, yang ku̱me tun ɓu̱ larji ɓa. Nga daato nu mbu̱ larji, nang ke ɗyi nu̱ saki tu̱ larji ki zhangndo nu.

Yokhana 16:11

Yang nu̱ shi kwaari mbarkandi ku ɗyine kuma zum ɓa, ku̱me wa woɗa dla kumar nu̱ ɗyine nu̱ kwaaɗar larji nang.”

Yokhana 7:7

Ɓaanu larji ɓu̱ zhangndo nu ɓa, a zhangkya ba nga, ku̱me ɗye shir ɓaanda malkandi nang ka zu̱ki ye worang.

Yokhana 8:23

Tu̱ yang Yesu zu̱m guma ndu̱ zu̱ran za, “Tun a vi vu̱ghai, yang ɓang nga vi viɗi. Tun ɓu̱ larji, yang nga ɓu̱ larji ɓa.

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Tlu̱nar ɓu̱ Pudeku 19:35

Ni nu̱ bu̱lar ɓu̱ ghayang saki tu̱ kha yit ku, tu̱ zu̱ za, “Nduki nu̱ Afisa! Aaki wa zu̱n nu̱ ɗyine ghai Afisa kya nggu̱t maa ghaari ghai ɓu̱ gorkir Artemis kom ndu̱ ndogdi shakhshakhndi na nggu̱ɗki viɗi.

Tlu̱nar ɓu̱ Pudeku 5:3

Tu̱ Biturus ze nda za, “To Khananiya, nu̱m saki to njig Sheɗan tu̱ vi nu̱ mbu̱ memu̱na ro, to shi wollo ye Jiimbi shakhshakhndi, to tuka ɓeeni mu̱zhindi damang gha ye vaara na?

Romeku 12:2

Ku̱ mbu nu su̱ ɗyi nu̱ke nduki nu̱ larji nang a san ɓa, nggoɗ ma nu̱ ku̱nshe nggooti memu̱nanu, kom tun ka ɗu̱ma buuran tun zu̱n yel mbu̱ ɗya shimndi ɓu̱ Magham. Tun ka ɗu̱ma zu̱ndan nu̱ ɗyine shimndi ɓu̱ Magham mbari, dlu̱ran kom nyeedlan.

1 Korintiyeku 5:10

Nga ɓalarang ye nduki nu̱ song zu̱ndi Magham ku ɓa, yang nga shiran tu̱k ndu̱ nu̱ khape ku, ndu̱ nu̱ muuri ku, ndu̱ nu̱ ghaari ghai ye mu̱lu̱mku nu̱ mbu̱ larji nang zum ɓa. Mbu̱ nga shiran nu̱ wora, wa ku̱s ku̱ njig nu larji nang guma da.

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

Afiseku 1:21

Maa khar nu̱ke Masiya khaki nu̱ nje nang a viɗ ɗyine aa nyi pooni kwaaɗa. Kom ndu̱ me pooni kwaaɗa, ndu̱ zalaleku, ndu̱ me du̱mbu̱rku ndu̱ aa nyi kwaaɗar nu̱ke nduk ka zu̱mki. Aa mbu̱ qaandi virkir ku nang aa fu̱ɗar wuri.

Afiseku 2:11

Ku̱me nang, kor ma khar ɓaanu ɗau fara tun nu̱ke tun Yakhudeku ɓa. Nduki nu̱ka qaki var wor za wor “nu̱ dlarsi” nang, wa ka qa nu za, “Nu̱ song dlarsi ku.” (Yang wonji dlarsi nang ɗya nu̱ man va, nu̱ka shiki ndu̱ khar.)

Afiseku 2:13

Yang leendang tun a mbe Masiya Yesu, tun nu̱ke a ɓakh mbu̱r fara, a ɓa ndu̱ tun bing nu̱ ku̱nshe tom ɓu̱ Masiya.

Afiseku 2:3

Chem kap wa wora ɗau fara, chem a mbu shimndiku ɓu̱ man vaarem, chem a shikya ɗyi nu̱ man vaarem ndu̱ memu̱narem zu̱ki yerem ɗyenda. Ku̱me ɗye shir ɓaarem ɗya ɓu̱ man va, tu̱ga shokhnar ɓu̱ Magham a ɓa ɗyinerem ba wa nu̱ke a nje ɗyine wora.

Afiseku 4:17

Nga ɓalar nang ye nu, yang nga shikya maataran ye nu mbu̱ dlu̱m Zhinerem gwaanji nu̱ ɗyine, ku̱ kha nu wa nduki nu̱ke ɗya Yakhudeku ɓa nda ɓa, nu̱ kwaari bamndiku.

Afiseku 4:22

Ai, ɗyi nu̱ shogaki viɗ ɗyine khar viti ɓaanu nu̱ zhu chin ke, ku̱ shakh nu ndu̱ ɗye shir malkandi nu̱ke tun shiki gana fara. Pooni ɗye shir nu̱ khaki su̱bu̱rtan ku̱me ɗye lambarku nu̱ke a shimndan;

Afiseku 5:6

Ku̱ nduk lamba nu ndu̱ ɓalar bamndi ɓa. Ai, shokhnar ɓu̱ Magham ka ɓa nu̱ ɗyine nu̱ zhangndi tu̱kti maa ku ku̱me pooni solarku nang.

Afiseku 5:8

Nu̱ke ɗau fara tun a mbu̱ zhumi, yang leendang tun wa gwa yarang nu̱ ku̱nshe Zhinerem gwaanji. Tun shi pooni khar ɓu̱ nduki nu̱ mbu̱ yarangi,

Afiseku 6:12

Ai, dakhlar ɓaaremang chem a shiran ndu̱ nduk wa chem ɓa. Chem a shiran ndu̱ khu̱kheetiku nu̱ mu̱narku nu̱ke a mu̱na viɗi. Kom ndu̱ nu̱ kwaaɗarku, ndu̱ nu̱ zalaleku, ndu̱ wor nu̱ke kwaaɗar qaandi virkir zhumndi nang a kha wora.

Kolosiyeku 1:21

Zhu tang tun ɓakh ndu̱ Magham, tun a kare ndu̱ chin mbu̱ memu̱na nu ku̱me ɗye shir malkandi nu̱ke tun a san ndu̱ kwariku ɓaanu.

2 Timoti 4:10

Dimas wa njigti nga ku̱me ndolar ɗyin larji nang, wa ɗu̱ varan Tasalonika, Ku̱rezens wa ɗu̱ Galatiya, kom Titus wa ɗu̱ Dalmatiya.

Yaqub 1:27

Ghaari ghai nu̱ke wakaran nu̱ zhire she Magham Zhinki, chin ke, ku̱ nduk nggu̱t ku̱du̱wku ndu̱ maryirku mbu̱ bonye nu̱ke a zaran ku, kom ku̱ nduk waka varan ɓar mbe pooni khar viti malkandi nu̱ larji nang.

Yaqub 1:7

Ku̱ njif nu̱ khaki wanang taman za chin ka gwa aa nu̱m she Magham ɓa,

Yaqub 4:4

Tun nu̱ song shir zhire! Alapa nun zu̱n nu̱ ɗyine bar raptikir ndu̱ larji ɗya kare ndu̱ Magham ɓa goma? Ku̱me aaki ndolaki larji, a gaɓkya ndu̱ ɗyinan ma nu̱ kare ndu̱ Magham.

1 Biturus 1:14

Ye leendang nu̱ke tun wa kha ma qusonggi mbarkandi, ku̱ njig nu ɗyi nun ka kashaki shiran ɗau fara tu̱ da khangkal ɓaanu ɓar ɓa. Sarchi nun ka shiki ɗyiku nang ɗau fara ai tun a shiranang ku̱me song zu̱ni.

1 Biturus 4:3

Jiwa tun wa woɗa su̱bu̱r sarchi mbe khar ɓaanu ɗau fara, nang ke pooni khar nu̱ke nduki nu̱ke nu̱ zu̱n Magham ɓa a tu̱k mu̱ndan. Tu̱ na aa nyi ɗye shir malkandi, ndu̱ melakh ɓu̱ man var ku zum zum, ndu̱ me kuyari, ndu̱ nggar zu̱mndi bamndi, ndu̱ zar ɗyiku bam bam, ndu̱ ghaari ghai ye mu̱lu̱mku, nu̱ khaki ma ɗye zhaana.

2 Bitu̱rus 2:14

Aakochi a korkya laɓti nusu, nu̱ka nggum ku ndu̱ shir sola ɓa. A lamba nduki nu̱ke du̱mbu̱ran ku mbu̱ maito ɓaanda ɓa. Wa kha ku wang mbe melakh ɓaanda. Magham ka kuma pooni nduki nang shwat.

1 Yokhana 3:10

Wonji ɗyi nu̱ saki chem zu̱n qusonggi ɓu̱ Magham ndu̱ qusonggi ɓu̱ Sheɗan. Kap njif nu̱ke nu̱ka shi ɗyi nu̱ke torop ɓa, ɗya yi ɓu̱ Magham ɓa, yang njif nu̱ke nu̱ ka ndola mu̱dlen ɓa, ɗya yi ɓu̱ Magham tu̱k zum ɓa.

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.

1 Yokhana 4:4

Tun qusonggi ɓang nu̱ke nga ndolaran, tun a vi she Magham, tun wa ra annabi nu̱ lambar ku nang, ku̱me Jiimbi ɓu̱ Magham nu̱ke a mbe nu wa duk jiimbi nu̱ke a mbe nduki nu̱ke a mbu̱ larji nang.

1 Yokhana 5:19

Chem wa zu̱n nu̱ ɗyine chem qusonggi ɓu̱ Magham, yang larji kap a mbu̱ khar Sheɗan.

1 Yokhana 5:4

jiwa aa nyi yi ɓu̱ Magham ka zu̱m loobo ɗyin larji. Maito ɓaarem mbe Masiya ke nu̱ sa rem chem ki ra wute nang.

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.

Ɗyin mbu̱ tukari 13:14

Tu̱ lamba nduki nu̱ke a nje kharan mbu̱ larji kap ndu̱ ɗye lazham nu̱ vu̱rki zalale ni yenda ku̱ shi me ɓu̱ dlu gaari nu̱ gumapaali nang. Tu̱ dlu gaari nu̱ rapang ze wor za ku̱ du̱ng shipar nggur ma vu̱r zhaaji ye dlu gaari nu̱ ruɓaki nda ndu̱ kaskar tu̱ yang shaanang.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.

Ɗyin mbu̱ tukari 16:17

Tu̱ nu̱ ru̱kti ɓu̱ Magham nu̱ mutndang nggoɗ ɗyi nu̱ke a mbu̱ du̱ɓ ɓaranang nu̱ mbu̱ khu̱kheeti. Tu̱ su̱qur du̱mbu̱rkandi nggur a vi she zhakhɗye mbu̱ rafti ɓu̱ Maghamang, a zu̱ran za, “Wa woɗa shiri!”

Ɗyin mbu̱ tukari 20:2

Tu̱ ku̱s geema su̱tang, chin su̱ti nu̱ zhu nang, chin ke nu̱ mu̱narang, ndu̱ Sheɗan tu̱k, tu̱ gu̱n nda gha me sonyi du̱pu.