Afiseku 2:18 - Mewar Alqawarang

¹⁸ Ai, mbu̱r ɓaarem chem gwa zalale ɓar she Zhinkirang ve njiv da, nang ke Jiimbi shakhshakhndi.

Afiseku 2:18 ပူးပေါင်းရင်းမြစ်များ

Matta 28:19

Ku̱me nang mbu̱ tun wa ɗi tun a ze nduki nu̱ larji kap ku̱ mburi nga, tun a shi baptisme ye wora mbu̱ dlu̱m Zhinkiri, ndu̱ ɓu̱ Woyang ndu̱ ɓu̱ Jiimbi Shakhshakhndi.

Yokhana 10:7

Ku̱me nang tu̱ Yesu ze wor tu̱k za, “Zhire nga zu̱ran ye nu, nga ke me vi ɓu̱ ndu̱ɓangkwang.

Yokhana 10:9

Nga ke me virang, njif nu̱ viki ku̱n sha ka gwa ɗanari, ka vi tu̱ vi nu̱ dam a khutlori.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Romeku 5:2

Chem gwa mu̱nkir nu̱ke chem a mban nang nu̱ ku̱nshe maito ɓaarem. Chem a kashari ku̱me chem wa sa memu̱narem nu̱ ɗyine chem ka gwa zhaaji ɓu̱ Magham.

Romeku 8:15

Jiwa Jiimbi nu̱ vu̱rki ye nwang ɗya nu̱ khar maava ɓa, nu̱ke tun ka tu̱kki sawa ɓa. Ɗya Jiimbi nu̱ gaɓki ndu̱ chem ma qusonggi ɓu̱ Magham, chem a qa Magham, nyem za, “Aba! Zhinki!”

1 Korintiyeku 12:13

Ku̱me shi baptismyang yerem kap mbu̱ Jiimbi da ndu̱ man var da, aa to Yakhude nduku, aa to Khelene, aa to maava, aa to ye ghai, kap ɓaarem chem za mbu̱ Jiimbi dandi nang.

1 Korintiyeku 8:6

yang kap ndu̱ nang, ɓaarem she rem, Magham kaada. Chin ke Zhinkir nu̱ke aa nu̱m a ɓa she nda, chem kha ndu̱ nyifiri ku̱me chin, Zhinerem gwaanji kaada tu̱k, chin Yesu Masiya, chin nu̱ke aa nu̱m a vi nu̱ ku̱nshe nda, chem a shikya khar ɓaran.

Galatiyeku 4:6

Nu̱ke tun qusonggi ɓaran tu̱ Magham a ru̱k nu̱ Jiimbi Yi ɓaran nu̱ mbu̱ memu̱na nu, a qa Magham za, “Aba, Zhinki.”

Afiseku 3:12

Mbe nda kom ndu̱ mbe maitar nyem shiki yenda chem wa gwa du̱mbu̱r ɓar she Magham ndu̱ shokhku̱rokh me bu̱n sawa su̱ ɓa.

Afiseku 3:14

Ku̱me nang nga kurum gha gume Zhinerem nu̱ mbu̱ viɗi,

Afiseku 4:4

Jiwa man vara nje da, ndu̱ Jiimbi da. Wa nu̱ke Magham qaki nu nu̱ ku̱nshe sar memu̱nar da.

Afiseku 6:18

Tun ki barar mbe zalale ɓu̱ Jiimba aa nyi sarchi, ndu̱ aa nyi pooni bararku ndu̱ khutiku, kha ma daasaran aakochi tun zu̱m guma ndu̱ barari ye nduki ɓu̱ Magham.

Kolosiyeku 1:12

Tun ki kuna Magham Zhinkirang ye aa nyi sarchi, ku̱me chin saki chem khan chele nduki nu̱ke a ma gwa ɗye mbu̱ ge mbu̱ ɗyiku nu̱ daasaki ye nduki ɓaran, mbu̱ kwaaɗar ɓu̱ yarangi.

Yibraniyeku 7:19

(Jiwa bibitang ɓu̱ ɗu̱ma sa ɗyi nggur tu̱ kha nyeedlan ɓa). Nang ke ɗyi nu̱ saki tu̱ daasa ɗyi nu̱ dukki mbaari nu̱ke chem ka saki memu̱na rem nu̱ ɗyinan ma ku̱ song mi nu̱ bing ndu̱ Magham.

Yaqub 3:9

Chem ka kham Zhinkir gwaanji Zhinerem si, yang chem ka pu̱z nduki nu̱ Magham shiki wor mbu̱ shipar ɓaran si tu̱k.

1 Biturus 1:17

Ma nu̱ke tun wa ka qa Magham “Zhinki” sarchi nu̱ke tun a barari. Ku̱me nang tun shi khar ɓaanu ndu̱ sawa ma ɓar ye sarchi nu̱ke tun ka woɗaki khar runggi nu̱ke tun a shiran mbu̱ larji nang. Ku̱me Magham ɗya nu̱ kuma yang ka kuma tlu̱nar ɓu̱ aa nyi nduku waare shimndi ɗyin.

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

Yakhuda 1:20

Yang tun raptaku nu̱ke nga ndolaran, tun ki gwaari mbe maito ɓaanu shakhshakhndi nang. Tun ki barar mbu̱ zalale ɓu̱ Jiimbi shakhshakhndi.