Afiseku 2:14 - Mewar Alqawarang

¹⁴ Jiwa Masiya ke qaandi memu̱narem, chin nu̱ gaɓki ndu̱ Yakhudeku ndu̱ nduki nu̱ke ɗya Yakhudeku ɓa, tu̱ kha da ku. Tu̱ gu̱ɗa garuk nu̱ shakki chele ɓaanda nang nu̱gha, nang ke zhangndi nu̱ke a chele ɓaanda,

Afiseku 2:14 ပူးပေါင်းရင်းမြစ်များ

Luka 1:79

ma vu̱r yarang ye nduki nu̱ke kharan mbu̱ zhumi, ndu̱ jiimbi mu̱ti. Ka khutlo saarerem ku̱ mbu njiv nu̱ke qaandi memu̱nar a si.”

Luka 2:14

“Zhaaji ye Maghamndi nu̱ viɗi, mbu̱ larji yang ku̱ nduki nu̱ Magham tu̱kki mu̱ndi ɓaanda kha ndu̱ qaandi memu̱na.”

Yokhana 10:16

Ɓeeni ndu̱ɓangkwang nje nu̱ke a mbu̱ shapir nang ɓa. Wa ku̱s a ɓa nga ndu̱ wora. Ka tu̱k su̱qura ku, ka kha ma shapir da, ndu̱ nu̱ khutlori da tu̱k.

Yokhana 11:52

Yang ku̱me Yakhudeku ɗyenda ɓa, ku̱me ku̱ ɗa taba ɗyin qusonggi ɓu̱ Magham nu̱ke lakhtaran aa fu̱n tu̱ kha da ku.

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Tlu̱nar ɓu̱ Pudeku 10:28

Tu̱ ze wor za, “Tun ndu̱ ɗyinonu tun wa zu̱n za nu̱ shipa ku̱ Yakhude nduku kha ndu̱ nduki nu̱ke ɗya Yakhuda ɓa, yang ɓu̱ ɗu̱ kaa ɓaran ɓa. Yang Magham wa wut ya za qa nga aaki maatlin ɓa, yang zopan ɓa.

Tlu̱nar ɓu̱ Pudeku 10:36

Tun wa zu̱n labar nu̱ Magham ru̱kki ye nduki nu̱ Israila, nu̱ zu̱ki Labar Mbarkandi nu̱ qaandi memu̱nar nu̱ ku̱nshe Yesu Masiya chin ke Zhinkir ɓu̱ aaki.

Romeku 5:1

Nu̱ke chem wa kha waare sola gume Magham nu̱ ku̱nshe maito, chem wa gwa qaandi memu̱na chele ɓaarem ndu̱ Magham nu̱ ku̱nshe Zhinerem gwaanji Yesu Masiya.

Galatiyeku 3:28

Ku̱me nang, nduk ɓu̱ shakh chele ɓu̱ Yakhudeku ndu̱ Khelene ku ɓa, woi ndu̱ maava ɓa, yang nusu ndu̱ khusku tu̱k zum ɓa. Kap ɓaarem chem ɗyi dandi mbu̱ khar ɓaarem mbe Masiya Yesu.

Afiseku 2:15

Wa da Bibiti nu̱ke wuriku ndu̱ woparkwang a mbanang ɓara nu̱ ku̱nshe mbu̱ti tom ɓaran. Shi wanang ma ku̱ du̱ng mewar pooni na viki mbe pooni rapndi nang. Shir wanangang a ɓa ndu̱ khar mu̱nkandi chele ɓaanda.

Afiseku 2:17

Aa ɓa tu̱ wopa labar qaandi memu̱nar ye nu, tun nu̱ke a ɓakh ndu̱ wor nu̱ke a bing.

Afiseku 3:15

chin nu̱ saki dlu̱m ye aa nyi me sham nu̱ke a mbu̱ viɗi ndu̱ nu̱ vu̱ghai.

Afiseku 4:16

Nu̱ ku̱n she nda me bar ɓu̱ nduk kap a ku̱s yen ku ku̱me tlu̱nar nu̱ shaatar ɓu̱ gu̱rauku. Mbu̱ aa nyi me ba a tlu̱nar ɓaran torop, man var nduk ka ki shaata gwaari a mbu̱ndi mbe ndola.

Kolosiyeku 1:20

Magham somta ɗyi nyin shiki kap ye varan nu̱ ku̱nshe Woyang. Somta ɗyiku nu̱ke a viɗi ndu̱ vu̱ghai ye varan nu̱ ku̱nshe tom nu̱ Yi ɓaran mbu̱ɗki ɗyine qu̱far kaatlang.

Kolosiyeku 2:20

Nu̱ke tun wa mu̱t su̱yen ndu̱ Masiya, tun wa shakh ndu̱ khu̱kheetiku malkandi nu̱ larji nang, nu̱m saki tun ki khar ɓaanu wa tun ɓu̱ larji ma ɓar meenang na? Nu̱m saki tun ki mbu bibitiku nu̱ke nduki a vu̱rtan ye nu

Kolosiyeku 3:11

Nu̱ke tun wa gwa mewar ɗye shir mbarkandi, tun wa kha ma ɗyi dandi. Yakhudeku nu̱ nduki nu̱ke ɗya Yakhudeku ɓa, chem kap ɗyi dandi. Aa soro dlaran aa soro dlaran ɓa kap chem da. Nduki nu̱ke shaanaran ɓa, nu̱ nji nduki, maaviku ndu̱ nduki nu̱ke ɗya maava ɓa, yang Masiya ke aa nu̱m, Masiya kya mbe aaki.

Kolosiyeku 3:15

Qaandi memu̱nar nu̱ Masiya ka vu̱rki ma ku̱ mbu ndu̱ tun mbe ɗyi nu̱ke tun a ma shiran kap, jiwa Magham qa nun mbu̱ man var da ku̱me qaandi memu̱nar nang, tun kha ma nu̱ kunar Magham aakochi.

Yibraniyeku 13:20

Ku̱ Magham nu̱ qaandi memu̱na, nu̱ke nu̱ ku̱nshe tom alqawar nu̱ke koɗokh si ɓa jiiki ndu̱ Zhinerem gwaanji Yesu ɓar mbe mu̱ti. Chin ke nu̱ khutlo gwaanji ɓu̱ shapir ɓu̱ ndu̱ɓangkwang,

Yibraniyeku 7:2

Tu̱ Yibram vu̱r zake ɓu̱ aa nu̱m yenda. Gumapaali, dlu̱m Melkizedekang mban za “Kuji Dambu.” Kom ndu̱ kuji Salem tu̱k, mban za, “Kuji Qaandi Memu̱na.”