Afiseku 2:11 - Mewar Alqawarang

¹¹ Ku̱me nang, kor ma khar ɓaanu ɗau fara tun nu̱ke tun Yakhudeku ɓa. Nduki nu̱ka qaki var wor za wor “nu̱ dlarsi” nang, wa ka qa nu za, “Nu̱ song dlarsi ku.” (Yang wonji dlarsi nang ɗya nu̱ man va, nu̱ka shiki ndu̱ khar.)

Afiseku 2:11 ပူးပေါင်းရင်းမြစ်များ

Matta 20:7

“Tu̱ zu̱ ku za, ‘Nduka nje nu̱ vu̱rki tlu̱na yerem ɓa.’ “Tu̱ ze wor tu̱k za, ‘Ɗu̱ma tun a shi tlu̱nar mbu̱ dam ɓanga.’

Romeku 11:17

Mbu̱ke wa ku̱rta ɓeeni me bu̱n qu̱farku nu̱gha, yang tun nu̱ke ɗya qu̱far Zaitun nu̱ gar wa baatla nu tu̱ gu̱n ye man qu̱farang ma ɓu̱rti su̱yen ndu̱ ɓeeni me bu̱n qu̱farkwang. Tun a zu̱m kya boote ɓu̱ man qu̱farang nu̱ ku̱nshe dlu̱dlar sanang.

Romeku 2:26

Yang ɗo, alapa mbu̱ nduki nu̱ke nu̱ dla su̱ wor nu̱gha ɓa wa tlu̱na ɗyi nu̱ Bibitang zu̱ki, ɓu̱ kha ku wa nduki nu̱ dlaki su̱ wor nu̱gha she Magham ɓa goma?

Romeku 2:27

Nduki nu̱ke su̱ wor dlaran ɓa yang a tlu̱na ɗyi nu̱ Bibitang zu̱ki, ka kuma ro, to nu̱ke bu̱lar Bibitang a nje khaaro, wonji ta dla soro nu̱gha tu̱k, yang no ka mbu zu̱r ɓu̱ Bibiti ɓu̱ Maghamang ɓa.

1 Korintiyeku 12:2

Tun wa zu̱n nu̱ ɗyine sarchi nu̱ke nun kha ma nu̱ mbu Yesu dong ɓa, wa lamba nu tun ki ghar ghai ye mu̱lu̱mku nu̱ke nyifi ve wor ɓa.

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

Galatiyeku 2:15

“Chem nu̱ke ɗya chem khar ye Yakhudeku, yang chem nu̱ sola wa nduki nu̱ke ɗya Yakhudeku ɓa.

Galatiyeku 6:12

Nduki nu̱ kya ranna nu za ku̱ dla nu sonu nu̱ gha nang, a shim wutan za wor nduki mbarkandi. Yang shi wanang ku̱me a sawa bonye nu̱ke wor ka zaki mbu̱ wa zu̱ku za kaatli Masiya gha me qu̱far kaatlang ɗyenda ka ɗanaki nduku.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Afiseku 5:8

Nu̱ke ɗau fara tun a mbu̱ zhumi, yang leendang tun wa gwa yarang nu̱ ku̱nshe Zhinerem gwaanji. Tun shi pooni khar ɓu̱ nduki nu̱ mbu̱ yarangi,

Filipiyeku 3:3

Ai, chem ke nu̱ dlarsi mbarkandi, chem nyem ka gharki ghai ye Magham nu̱ ku̱nshe Jiimbi shakhshakhndi, chem a wakhti ndu̱ Masiya Yesu, yang nyem maita tlu̱nar ɗyin mbu̱ manva ɓa.

Kolosiyeku 1:21

Zhu tang tun ɓakh ndu̱ Magham, tun a kare ndu̱ chin mbu̱ memu̱na nu ku̱me ɗye shir malkandi nu̱ke tun a san ndu̱ kwariku ɓaanu.

Kolosiyeku 2:11

Tun wa gwa mewar dlarsi mbe nda, yang ɗya pooni dlarsi nu̱ke nduk ka shiki ndu̱ kharan ɓa, ɗya pooni dlarsi nu̱ke Masiya shiki ye nu, nu̱ fetki ɗye shir malkandi ɓaanu nu̱ manva ɓara.

Kolosiyeku 2:13

Mbu̱r far tun mu̱tan ku̱me sola tun nduki nu̱ke ɗya Yakhudeku ɓa, yang Magham wa ji ndu̱ tunu, tun kha ndu̱ nyifiri mbe Masiya. Wa ndu̱m solarku ɓaarem yerem.

Kolosiyeku 3:11

Nu̱ke tun wa gwa mewar ɗye shir mbarkandi, tun wa kha ma ɗyi dandi. Yakhudeku nu̱ nduki nu̱ke ɗya Yakhudeku ɓa, chem kap ɗyi dandi. Aa soro dlaran aa soro dlaran ɓa kap chem da. Nduki nu̱ke shaanaran ɓa, nu̱ nji nduki, maaviku ndu̱ nduki nu̱ke ɗya maava ɓa, yang Masiya ke aa nu̱m, Masiya kya mbe aaki.