Afiseku 2:10 - Mewar Alqawarang

¹⁰ Ai, chem ndu̱ ɗyinerem chem tlu̱nar ɓu̱ Magham, du̱ngnderem mbe Masiya Yesu, ma ku̱ shi mi tlu̱narku mbarkandi nu̱ Magham woɗaki daasaran yerem ma ku̱ shi mi gumapaali.

Afiseku 2:10 ပူးပေါင်းရင်းမြစ်များ

Matta 5:16

Wanang tu̱k, bu ku̱ kha nu ndu̱ yarang gume nduki, ku̱me mbu̱ wa na ɗye shir mbarkandi nu̱ke tun a shiran, ka gor dlu̱m Zhinonu nu̱ke a mbu̱ viɗi.

Yokhana 3:21

Yang kap njif nu̱ke a tlu̱na zhire wa ka ɗu she yarangang, ma ku̱ nu̱ naran ku zu̱n za chin a shi ɗyikunang ndu̱ shaatar ɓu̱ Magham.”

Tlu̱nar ɓu̱ Pudeku 9:31

Kom tu̱ nu̱ mbu Yesu ku nu̱ Yakhudiya ndu̱ Galili ndu̱ Samariya gwa qaandi memu̱na. Tu̱ me bu̱n wor shi shokhku̱rokh tu̱ gwa du̱mbu̱r ku ku̱nshe shaatar ɓu̱ Jiimbi shakhshakhndi. Tu̱ shaata ku maɗyi, a khar ɓaanda ndu̱ sawar Zhinkirang.

Tlu̱nar ɓu̱ Pudeku 9:36

Yang nu̱ mbu Yesu nggur a nje mbu̱ ghai Joppa dlu̱man za Tabita nang ke Dorka. Nokhzi nang wa shi mbarkir ye nduki tu̱ shaata nu̱ nungndi ku khang.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

Romeku 8:29

Jiwa Magham wa zu̱n nduki nyin datki nu̱ ɗawi, wor ke nduki nu̱ Magham bu̱laki nu̱ ve wor ku̱ da shipar ɓu̱ Yi ɓaran, ma ku̱ Yi ɓaranang kha ma nu̱ gumapaali chele nyeezanku khangndi.

1 Korintiyeku 3:9

Jiwa chem a khar raptiki mbu̱ tlu̱nar ɓu̱ Magham, yang tun ke dam ɓu̱ Magham ndu̱ du̱ndi ɓaran tu̱k.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

2 Korintiyeku 5:5

Magham nu̱ ɗyinan daasaki pooni mbu̱mndi nu̱ke a ma ɗaatli nang, tu̱ vu̱r Jiimbi ɓaran yerem ma ku̱ wut za chem ku̱si ɓaran dong, ma bu ɗyi nu̱ke a ɓar gana fan.

2 Korintiyeku 9:8

Magham ka ɗu̱ma vu̱r barke ye nu dukti ɗyi nu̱ke tun a gangndan, ma ku̱ gwa nu ɗyi nu̱ke tun a gangndan aakochi, tun gwa tu̱ duk wanang tu̱k, ma ku̱ shi nu mbarkir ye nduki.

Galatiyeku 6:15

Dlarsi ndu̱ song dlarsi ɗya aa nu̱m ɓa, ɗyi nu̱ khaki nu̱ boota chin ke ku̱ nduk kha ma mewar du̱ngdi.

Afiseku 1:1

Nga Bulus pude ɓu̱ Masiya Yesu mbe shimndi ɓu̱ Magham kya bu̱la lagarkati nang, ma yir she nduki ɓu̱ Magham nu̱ke a mbu̱ ghai Afisa, nu̱ shir zhire ku mbe mbu Masiya Yesu.

Afiseku 1:4

Wa daaterem nu̱ ku̱nshe khar ɓaarem da ndu̱ Masiya me ku̱ du̱ng larji, ma ku̱ kha mi shakhshakh, waare sola gume nda ku̱me ndolar ɓaran.

Afiseku 2:13

Yang leendang tun a mbe Masiya Yesu, tun nu̱ke a ɓakh mbu̱r fara, a ɓa ndu̱ tun bing nu̱ ku̱nshe tom ɓu̱ Masiya.

Afiseku 2:15

Wa da Bibiti nu̱ke wuriku ndu̱ woparkwang a mbanang ɓara nu̱ ku̱nshe mbu̱ti tom ɓaran. Shi wanang ma ku̱ du̱ng mewar pooni na viki mbe pooni rapndi nang. Shir wanangang a ɓa ndu̱ khar mu̱nkandi chele ɓaanda.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Afiseku 2:6

Wa ji ndu̱ chem su̱yen ndu̱ Masiya, chem gwa maa khar mbu̱ viɗi, nu̱ ku̱nshe Masiya Yesu.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Afiseku 4:24

Da ma pooni mewar ɗye shir mbarkandi nu̱ Magham du̱ngki mbu̱ shipar ɓaran. Ɗye shir nu̱ka wutki varan mbe shir dambi zhirekandi, ndu̱ khar wakakandi.

Filipiyeku 1:6

Nga maita nu̱ ɗyine chin nu̱ nggaki su̱ tlu̱nar mbarkandi chele ɓaanu nang, ka zu̱m guma ndu̱ shiran ma yir ve lauɗar san ye Fu̱ɗar nu̱ke Masiya Yesu ka ɗa gaɓki.

Filipiyeku 2:13

Jiwa Magham kya tlu̱nar mbu̱ memu̱na nu, viɗ ɗyine ku̱rti shimndi ɓaran, ma ku̱ shi nu ɗyi nu̱ dlu̱ki mban.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

Kolosiyeku 3:10

tun wa da mewar ɗye shir mbarkandi. Nang ke njif mewakandi nu̱ Magham du̱ngki nu̱ke a gaɓti nu̱ chin tu̱ kha mewa aa nyi sarchi ma ku̱ kha wa chin, ma ku̱ sa nu tun zu̱n nda mbari.

2 Tasalonikeku 2:17

Bu ku̱ vu̱r qaandi memu̱nar ye nu, tu̱ pa du̱mbu̱r ye nu mbe aa nyi tlu̱na ndu̱ ɓalar mbarkandi.

1 Timoti 2:10

Me ɓu̱ nang, ku̱ tlu̱nakya ɗyi mbarkandi ku ba wa nu̱ shipaki nusuku nu̱ sawar Magham.

1 Timoti 5:10

Wa kha zu̱ndan mbe tlu̱nar ɗyi mbarkandi, wa mola qusonggi ɓaran mbari, ndu̱ dlu̱r runggiku. Kom ndu̱ tlu̱nar shaata ye nu̱ mbu Yesu ku, ndu̱ shaata nduki nu̱ke a mbu̱ damtari, ndu̱ vu̱rti ɗyinan ma shi ɗyi mbarkandi ve aa nyi njiva.

1 Timoti 5:25

Wanang tu̱k, tlu̱narku mbarkandi a ye dalangi, yang aa nu̱ke nduki shiki mbu̱ tuka nu̱ka shi tuka ɓa.

1 Timoti 6:18

Ze wor ku̱ shi me mbarkirku, tu̱ kha gu̱naran tu̱k mbe tlu̱nar mbarkandi, ku̱ ki vu̱rtan ye nduki khar wor nggaran, nu̱ shimndi shakhti ɗyi ɓa nda ndu̱ nduki.

2 Timoti 2:21

Kap njif nu̱ shakki ɗyinan ndu̱ ɗyiku nu̱ke zhaaji su̱ ɓandi nang, ka kha ma ɗyi nu̱ khaki shakhshakh ma tlu̱nar nu̱ke zhaaji su̱ ye nu̱ raftang, a nje daasaran ma aa nyi tlu̱nar mbarkandi.

2 Timoti 3:17

Ma ku̱ njif ɓu̱ Magham kha nyeedlan, daasaran ma aa nyi pooni tlu̱nar mbarkandi.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Titus 2:7

Mbe aa nyi tunu to kha ma nduk nu̱ tlu̱nar ɗyi mbarkandi, tu̱ nduki ka shoga sho ro. To shi shogar ɓaaro ndu̱ ku̱si ɗyin to vu̱r va nu̱ si,

Titus 3:1

To kor ye nduki ɓaaro ku̱ ki mbu zu̱r ɓu̱ nu̱ kwaaɗarku ndu̱ nu̱ zalale ku, ku̱ ki mbu su̱qur wora, tu̱ kha daasaran ku ma shi aa nyi tlu̱nar mbarkandi.

Titus 3:14

Wa ku̱s ku̱ nduki ɓaarem vu̱r ɗyin wor tu̱ shoga tlu̱nar ɗyi mbarkandi, ma ku̱ shi shaatar ku mbu̱ gangndi tun wa ji. Ku̱ shi khar bamnda ku ɓa.

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.

Yibraniyeku 10:24

Bu taata mi yen ma ku̱ pa mi du̱mbu̱r ye yen nu̱ ku̱nshe wuti ndolar ndu̱ tlu̱nar dambi.

Yibraniyeku 13:21

daasa nun gha ndu̱ aa nyi tun nu̱ke mbari ma ku̱ shi nu shimndi ɓaran. A tlu̱na ɗyi nu̱ ghaɗye ɓaran daki yenda mbe nu, nu̱ ku̱nshe Yesu Masiya; zhaaji wa kha ɓaran koɗokhsi ɓa. Amin.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.

1 Yokhana 2:6

Kap njif nu̱ zu̱ki za chin a khar mbe Magham, wa ku̱s ku̱ shi yir wa nu̱ Masiya Yesu shiki.