Afiseku 2:1 - Mewar Alqawarang

¹ Ɗau fara tun wa shi khar wa nduki nu̱ mu̱tki, ku̱me zop ɓaanu ndu̱ khar nu̱ke tun a shiran mbu̱ solarku.

Afiseku 2:1 ပူးပေါင်းရင်းမြစ်များ

Matta 8:22

Tu̱ yang Yesu ze nda za, “A mburi nga, njig nduki nu̱ke mu̱tanku mbu̱ jiimba ku̱ pa nyeezi wor mu̱tkandi ku.”

Luka 15:24

Ku̱me yiɓang nang ba wa mu̱tan ɗau, yang leendang aa nakha. Ɗau wa sagha, yang nga gaɓ tang gwa nda.’ Tu̱ nggaasi kasharku maɗyi.

Luka 15:32

Wa shipa shem kya kashari ndu̱ ɓong memu̱nari, ku̱me khato nang, ba wa wa mu̱ɗi, leendang aa nakha, mbu̱r far sagharan, yang leendang aa ɗaatli.’ ”

Yokhana 10:10

Nu̱ Muuru ka ɗa ɓakya ba ma muuru, ndu̱ tlaghar mu̱ti, ndu̱ su̱bu̱rti. Yang nga ɓakya ma ku̱ gwa nyifi ku, ku̱ yang gwa ndu̱ yele.”

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 5:21

Ba wa nu̱ke Zhinkirang ka nakhaki mu̱tiku tu̱ vu̱r nyifi ye wora, wanang tu̱k, Woyang wa ka vu̱r nyifi ye njif nyin shimki.

Yokhana 5:25

Zhire, nga zu̱ran ye nu sarchi a ɓari, wa kar a ɓa, nu̱ke mu̱tiku ka tu̱k su̱qur Yi ɓu̱ Magham, wor nu̱ tu̱kkyang ka nakha.

Romeku 8:2

Nu̱ke bibiti ɓu̱ Jiimbi nu̱ka vu̱rki nyifiri wa lawa nga mbe bibiti solar ndu̱ mu̱ti nu̱ ku̱nshe Masiya Yesu.

1 Korintiyeku 15:45

A nje bu̱laran za, “Njif nu̱ gumapaali, chin Adamu, wa kha ma nduk nu̱ nyifi.” Yang Adamu nu̱ gana ɗya jiimbi nu̱ka vu̱rki nyifiri.

2 Korintiyeku 5:14

Jiwa ndolar ɓu̱ Masiya rosaki rem tu̱ sa chem maita nu̱ ɗyine nduk da wa mu̱t ku̱me nduk kap, ku̱me nang aaki wa mu̱t tu̱k.

Afiseku 4:18

Memu̱na wor zhum maɗyi mbu̱ zu̱ndi ɓaanda. Wa mbu̱ɗ nyifi nu̱ke Magham ka vu̱rki, ku̱me song zu̱ndi ndu̱ kaaku̱ɗakh ɗyin ɓaanda.

Afiseku 5:14

ku̱me yarang ke nu̱ wut tun ye dalangi. Nang ke ɗyi nu̱ saki tu̱ zu̱ za, “Ju, to nu̱ke ta ɗyeniri! Ju ɓar mbe mu̱ti! Masiya ka vu̱r yarang yoro.”

Kolosiyeku 2:13

Mbu̱r far tun mu̱tan ku̱me sola tun nduki nu̱ke ɗya Yakhudeku ɓa, yang Magham wa ji ndu̱ tunu, tun kha ndu̱ nyifiri mbe Masiya. Wa ndu̱m solarku ɓaarem yerem.

1 Timoti 5:6

Yang ku̱du̱w nokhzi nu̱ke a khar tu̱kti mu̱ndi ɓaran, mu̱tan aa nu̱ke a nje khurma.

1 Yokhana 3:14

Chem wa zu̱n nu̱ ɗyine chem wa peeta mu̱ti ma yir she nyifiri ku̱me chem a ndola nyeezerem. Njif nu̱ke nu̱ka ndola nyeezan ɓa, a mbu̱ bu̱n mu̱ti ma ɓar ye meeni.

Ɗyin mbu̱ tukari 3:1

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Sardis no za, Wonji ɓalar nu̱ ɗa viki she njif nu̱ khubki jiimbiku mutndi ɓu̱ Magham, ndu̱ anjinjeku mut khubtan kha ndang. Nga zu̱n ɗye shir ɓaaro. Nduki a na wa to nu̱ nyifi, yang to mu̱tan!