Afiseku 1:20 - Mewar Alqawarang

²⁰ nu̱ shiki tlu̱nar mbe Masiya sarchi nu̱ Magham jiiki ndu̱ chin ɓar mbe mu̱ti, tu̱ vu̱r maa khar yenda nu̱ zhaaji ɗyin bu̱nan nu̱ zu̱ma viɗi.

Afiseku 1:20 ပူးပေါင်းရင်းမြစ်များ

Matta 26:64

Tu̱ Yesu ze nda za, “Ba wa no zu̱kyang. Yang nga zu̱ran ye nu, ji ɗyin leendang tun ka na Yi ɓu̱ Nduk kharan ɗyin bu̱n zu̱me ɓu̱ Nu̱ zalalyang, a ɓar tu̱k mbu̱ ku̱zapti nu̱ mu̱na viɗi.”

Matta 28:18

Tu̱ Yesu a song bing tu̱ zu̱ za, “Wa vu̱r zalale maa viɗi ndu̱ maa vu̱ghai ya kap.

Markus 14:62

Tu̱ Yesu tlogha yenda za, “Ɗya nga, yang tun ka na Yi ɓu̱ Nduk kharan ve bu̱n zu̱me ɓu̱ nu̱ Zalale kap, a ɓar ɗyin ku̱zaptiku nu̱ viɗi.”

Markus 16:19

Qu̱rse Yesu wa woɗa ɓalarang ye wora, tu̱ daa nda tu̱ ɗu̱ ndu̱ chin viɗi. Tu̱ kha gha yin bu̱n zu̱ma ɓu̱ Magham.

Yokhana 10:18

Nduk a nje nu̱ke ka ɗu̱maki lawa nyifi ɓang ɓar ɓa, ku̱me nga ke nu̱ vu̱rtan ɓar ndu̱ vara. Zalale vu̱rtan ɓara a nje khara, yang zalale gaɓti si a nje khara tu̱k. Nang ke ɗyi nu̱ Zhinkir ɓang zu̱ki ya za shi nga.”

Yokhana 10:30

Nga ndu̱ Zhinkirang chem da.”

Tlu̱nar ɓu̱ Pudeku 10:40

Yang tu̱ Magham da nda nu̱ viɗi nu̱ nyifiri ye fu̱ɗar nu̱ kunung, tu̱ sa tu̱ nduki na nda.

Tlu̱nar ɓu̱ Pudeku 26:8

Nu̱m saki tu̱ kha nggamaala she nu mbu̱ Magham ka ji ndu̱ mu̱tikwang na?

Tlu̱nar ɓu̱ Pudeku 4:10

zu̱n man gha, tun ndu̱ nduki nu̱ Israila kap. Khuski nang chingndan gha gume nu shaanaran ku̱me dlu̱m Yesu Masiya khuzi Nazaret nun katlki nda gha, tu̱ Magham ji ndu̱ chin mbe mu̱tang.

Tlu̱nar ɓu̱ Pudeku 5:31

Yang Magham wa vu̱r zhaaji yenda ku̱ khan ve bu̱nan nu̱ zu̱ma tu̱ kha ma dle gume ndu̱ nu̱ ɗanari, ma ku̱ qu̱n njiv ye Israila ku̱ nggoɗ ku tu̱ yaapa solar ɓaanda ye wora.

Romeku 1:4

Yang ye khar ɓaran Jiimbi nu̱ khar shakhshakh nu̱ me Maghamndi ɓaran wa wut Yesu Masiya ndu̱ zalale maɗyikandi za shwat ɗya Yi ɓu̱ Magham nu̱ ku̱nshe jiiri ɓaran mbe mu̱ti.

Romeku 8:34

Ki khu̱lki ma ku̱ kuma mu̱ti ye wora? Masiya Yesu nu̱ mu̱tki, dukti nang, tu̱ ji mbe mu̱ti, yang a nje kharan ɗyin bu̱n zu̱ma ɓu̱ Magham, chin kya khuɗ Magham yerem.

Afiseku 1:3

Barke wa kha Magham shwat, chin Zhinkir ɓu̱ Zhinerem gwaanji Yesu Masiya! Magham nu̱ vu̱rki barke yerem mbu̱ kwaaɗar ɓaran nu̱ mbu̱ viɗi nu̱ ku̱nshe Masiya, tu̱ vu̱r aa nyi barke nu̱ mbu̱ Jiimba yerem tu̱k.

Filipiyeku 3:10

Nga shim ku̱ zu̱n nga Masiya ndu̱ zalale ji ɓaran ɓar mbe mu̱ti. Nga shim ku̱ za nga me ɓanga mbu̱ bonye nu̱ zaki, tang kha wa chin mbe mu̱ti ɓaran.

Kolosiyeku 1:16

ku̱me shi aa nu̱m ndu̱ aa nu̱m nu̱ ku̱nshe nda. Chin shiki ɗyi nu̱ke a viɗi ndu̱ vu̱ghai, ndu̱ ɗyi nu̱ke nduk a naran ndu̱ ɗyi nu̱ke nu̱ka shi na ndu̱ yiti ɓa. Shi ɗyiku nu̱ke a kwaaɗar mu̱na viɗi nu̱ ku̱nshe nda, kujiku ndu̱ nu̱ zhakhɗyeku ndu̱ nu̱ kwaaɗar ku ndu̱ zalaleku, ɗyi nu̱ shiki kap, shi nu̱ ku̱nshe nda, yang shi ku̱me chin tu̱k.

Kolosiyeku 3:1

Nu̱ke Magham wa ji ndu̱ tun ɓar mbe mu̱ti su̱yen ndu̱ Masiya, sa ma memu̱nanu nu̱ ɗyine ɗyiku nu̱ke a mbu̱ viɗi, ye maa nu̱ke Masiya a si, a nje kharan ɗyin bu̱n zu̱me ɓu̱ Magham.

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Yibraniyeku 10:12

Yang Masiya vu̱rkya sadke kaada guma da ku̱me solarku, tu̱ khan ɗyin bu̱n zu̱ma ɓu̱ Magham.

Yibraniyeku 13:20

Ku̱ Magham nu̱ qaandi memu̱na, nu̱ke nu̱ ku̱nshe tom alqawar nu̱ke koɗokh si ɓa jiiki ndu̱ Zhinerem gwaanji Yesu ɓar mbe mu̱ti. Chin ke nu̱ khutlo gwaanji ɓu̱ shapir ɓu̱ ndu̱ɓangkwang,

Yibraniyeku 2:9

Chem nakya Yesu nu̱ saki tu̱ kata nu̱ ru̱ktiku ɓu̱ Magham me sarchi koɗomma. Yang leendang wa vu̱r zhaaji ndu̱ gorkir yenda ku̱me wa shi bonye nu̱ ku̱nshe mu̱nkir ɓu̱ Magham ka dar mu̱ɗi me ɓu̱ nduk kap.

1 Biturus 1:3

Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.

Ɗyin mbu̱ tukari 1:17

Nang naki nda tang nggu̱ɗ nu̱ gume nda wa nga mu̱tan. Tu̱ yang sa kharan nu̱ zu̱ma nu̱ ɗyina, tu̱ zu̱ za, “Tu̱k na sawa ɓa. Nga ke nu̱ gumapaali, nga ke nu̱ gana.