Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Afiseku 1:18 - Mewar Alqawarang

18 Nga barar tu̱k ku̱ Magham vu̱r dar mbu̱ tun ye nu ma ku̱ zu̱n nu nu̱m ke sar memu̱nar nu̱ qaki nu̱ kandi, tun zu̱n zhaaji ɓu̱ gu̱nar shakhti ɗye mbu̱ ge ɓu̱ nduki ɓu̱ Magham.

အခန်းကိုကြည့်ပါ။ ကော်ပီ




Afiseku 1:18
49 ပူးပေါင်းရင်းမြစ်များ  

Ku̱me memu̱na nduki nang wa shi kaaku̱ɗakh! Dlu̱mndi wor nu̱ka tu̱k maa ɓa, wa za yiti wor nu̱gha, ma ku̱ na ku ndu̱ yiti wor ɓa, ku̱ tu̱k ku ndu̱ dlu̱mndi wor ɓa. Ma ku̱ memu̱na wor da mban tu̱ ɗa mbu̱m ku nu̱ sha ma shaana nga wor ɓa.’


Nu̱ Yesu ku̱ski njiv maa yir varan, tu̱ njif nggur a ɓa ɗyin ɗa tu̱ kurum gha gume nda, tu̱ zham nda za, “Maalu̱m mbarkandi, shwat ngga shikya nu̱m ma gwa nga nyifi nu̱ke ɓu̱ shi woɗa ɓa?”


Tu̱ yang qu̱n ɗyin wor nu̱ gha ma ku̱ da mbu̱ ɗyi nu̱ Lagarkatikwang zu̱ki.


Yang nokhzi nggur a nje nu̱ sawar Magham nu̱ gwaki dlu̱mndan yerem dlu̱man za Lidiya. Ɗya ye Tiyatira, wa ka masa kaparku nu̱ me mu̱zhindi ɓara ɗya pooni kaparku nu̱ka yobki nu̱ gha vyang garara. Tu̱ Zhinkir gwaanji qu̱n memu̱naran nu̱gha, tu̱ gwa dlu̱mndan ye Bulus a tu̱k ɗyi nu̱ke a zu̱ran.


To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’


Jiwa Magham nu̱ka gaɓ men nu̱ gana mbe vu̱rti ɓaran ndu̱ qar ɓaran ɓa.


Yang ɓa, ta ndu̱mkya khang mu̱nkir ɓu̱ Magham, ndu̱ kanaɗyi ɓaran, ndu̱ song wuti shokhnar ɓaran ɗau ɗau nu̱ke a shiran yorang mu? Alapa no zu̱n za mu̱nkir nu̱ke Magham a shiran yorang a shiran ma ku̱ nggoɗ na ɓa goma?


Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.


Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.


Yang ɓaarem, chem wa sa memu̱narem nu̱ ɗyine Magham ka sa chem gwa khar waare sola gume nda. Nang ke ɗyi nu̱ke chem a buran nu̱ ku̱nshe Jiimbi shakhshakhndi nu̱ke a tlu̱nar mbe maitar Masiya nyem shiki.


Magham wa daaterem ku̱ kha mi ma nduki ɓaran, nu̱ ku̱nshe Masiya. Wa woɗa daasa ɗyen vu̱ nggarsan, Ai, chin ke nu̱ tlu̱na ɗyiku ɓaran wa nyin shimki.


Mbe nda chem wa gwa dli ɗyin nu̱ ku̱nshe tom ɓaran, nang ke yaapar solar ɓaarem nu̱ shiki yerem. Yang shi nang yerem ku̱me khang mu̱nkir ɓaran


Kor ma ɓa, ye sarchi naandang tun nu̱ gonta nu ndu̱ Masiya ɓa, maa ching kha nu mbu̱ Israila ɓa, tun a mbu̱ alqawar nu̱ Magham shiki ndu̱ zhikaneremku nang ɓa. Ɗye sar memu̱na kha nu mbu̱ larji nang ɓa, Magham a su̱yen ndu̱ tun ɓa.


Nga khuti nda ku̱ vu̱r vu̱rti nggur ye nu mbu̱ gu̱nar zhaaji ɓaran. Tu̱ pa du̱mbu̱r ye nu ndu̱ zalale ɓaran, ma ku̱ kha nu shokhku̱rokh mbu̱ memu̱nanu nu̱ ku̱nshe Jiimbi ɓaran.


Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.


Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.


Jiwa man vara nje da, ndu̱ Jiimbi da. Wa nu̱ke Magham qaki nu nu̱ ku̱nshe sar memu̱nar da.


Nu̱ke ɗau fara tun a mbu̱ zhumi, yang leendang tun wa gwa yarang nu̱ ku̱nshe Zhinerem gwaanji. Tun shi pooni khar ɓu̱ nduki nu̱ mbu̱ yarangi,


Nga zhang vara ku̱ gwa nga tang basan ma gwa ɗye ɓi qari ma yir mbu̱ viɗi nu̱ Magham qaki nga maaran nu̱ ku̱nshe Masiya Yesu.


Tun ki kuna Magham Zhinkirang ye aa nyi sarchi, ku̱me chin saki chem khan chele nduki nu̱ke a ma gwa ɗye mbu̱ ge mbu̱ ɗyiku nu̱ daasaki ye nduki ɓaran, mbu̱ kwaaɗar ɓu̱ yarangi.


Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.


Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.


Maito ndu̱ ndolar nun wutki nang tun shi ku̱me tun a sa memu̱na nu nu̱ ɗyine ɗyi mbarkandi ku nu̱ke a nje du̱ngdan gha mbu̱ viɗi ku̱me tunu. Nang ke Labar mbarkandi nu̱ zu̱ki ye nu gumapaali, chin ɓalar zhire nun tu̱kkyang.


Yang nga shi nang ma ku̱ gwa du̱mbu̱r ku tu̱ gonta ɗyin wor mbe ndola. Gwar ɗyiku nang ka sa tu̱ gwa gu̱nar gwaanji nu̱ maito nu̱ke memu̱nar rap rap si ɓa nu̱ dar mbu̱ ɗyi tukakandi ɓu̱ Magham nang ke Masiya ndu̱ varan.


Qaandi memu̱nar nu̱ Masiya ka vu̱rki ma ku̱ mbu ndu̱ tun mbe ɗyi nu̱ke tun a ma shiran kap, jiwa Magham qa nun mbu̱ man var da ku̱me qaandi memu̱nar nang, tun kha ma nu̱ kunar Magham aakochi.


Chem wa dut dlu̱mdonu, chem pa du̱mbu̱r ye nu, chem khutonu ku̱ shi nu khar nu̱ shipaki nu̱ke Magham a shimndan, chin nu̱ qaki nun mbu̱ kwaaɗar ɓaran ndu̱ zhaaji ɓaran.


Yang nu̱ke ɓaarem chem ɓu̱ fu̱ɗa, shi mi khar ku̱si ɗyin, chem sa lukti vi nu̱ maito ndu̱ ndolari. Tu̱ sar memu̱nar gwar ɗanari kha ma jere vi ɓaarem.


Mbe kwaari ɗyiku nang chem a barar ye nu aakochi nu̱ ɗyine ku̱ Maghamndi ɓaarem sa tun shi khar viti nu̱ khaki dlu̱ran ndu̱ qar nu̱ qaki nu maaran. Bu ku̱ sa tun shi ɗyi mbarkandiku kap nun shimki shiran, nu̱ ku̱nshe zalale ɓaran tu̱ nyel tlu̱nar maito ɓaanu.


Bu ku̱ Zhinerem gwaanji Yesu Masiya ndu̱ ɗyinan, ndu̱ Magham Zhinkir ɓaarem, nu̱ke a ndolarem, vu̱r shokhku̱rokh me bu̱n yerem nu̱ke nu̱ka shi woɗa ɓa, ndu̱ sar memu̱nar mbarkandi nu̱ ku̱nshe mu̱nkir ɓaran.


Shi dakhlar maito mbarkandi. To dlu̱ ɗye ɓi nu̱ nyifiri nu̱ke nu̱ka shi woɗa ɓa, ku̱me qa ma nang, sarchi nu̱ke to shiki saidu mbarkandi gume saiduku khangndang.


Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.


Shi wanangang ma ku̱ gwa mi khar waare zop gume Magham nu̱ ku̱nshe mu̱nkir ɓaran, chem zu̱m ɗye mbu̱ ge nyifiri nu̱ke nu̱ka shi woɗa ɓa nu̱ke memu̱na rem saran ɗyinan.


Kor ma nu̱ ɗyine ɗau fara sarchi nun naki yarang ɓu̱ Magham, tun wa gu̱n memu̱na nu maɗyi, tun a wute mbu̱ bonyeku.


Jiwa ka shi shar ku̱ nduki nu̱ gwaki yarang ɓalar ɓu̱ Magham, ndu̱ nduki nu̱ darki vu̱rti ɓu̱ Magham nu̱ mbu̱ viɗi, ndu̱ nduki nu̱ gwaki me ɓaanda mbe Jiimbi shakhshakhndi.


Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.


Ku̱ dli nu mu̱na ndu̱ mu̱na ɓa, yang ku̱ dli nu pu̱zi ndu̱ pu̱zi zum ɓa, dli ma gaɗe pu̱zang ndu̱ sar barke. Ai, Magham qa nu ma pooni ɗyiku nang, ma ku̱ gwa nu ɗye mbu̱ ge barke.


Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ