Afiseku 1:14 - Mewar Alqawarang

¹⁴ Tun wa kha ma ku̱si ɓaran nu̱ ɗyine tun ka zu̱m ɗye mbu̱ ge ɓaran. Kope wa ɗana nduki nu̱ke ɓaran, kham mi zhaaji ɓaran!

Afiseku 1:14 ပူးပေါင်းရင်းမြစ်များ

Luka 21:28

Mbu̱ tun wa na pooni ɗyiku nang a shiri, kosa ma va nu nu̱ gha mbari ku̱me sarchi ɗanar ɓaanu a shi bing.”

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 20:32

“Yang leendang, nga sa nun mbu̱ khar Magham. Bu ku̱ ɓalar mu̱nkir ɓaran khutlo nu, chin ka du̱nki nu, tu̱ vu̱r me shakhti ɗye mbu̱ ge ɓaanu ye nu su̱yen ndu̱ nduki nu̱ wakaki var wora.

Romeku 8:23

Yang du̱ngdikwang ɗyenda kya tlu̱rtang ɓa, chem ndu̱ vaarem chem a shiran tu̱k. Chem nyem gwaki Jiimbi shakhshakhndi nu̱ke chin ke vu̱rti nu̱ gumapaali nu̱ vu̱rki yeremang, chem a tlu̱rti mbu̱ nyifi ɓaarem, chem a ku̱rsaran wa nu̱m gom. Ma ku̱ Magham gaɓ ndu̱ chem ma qusonggi ɓaran parakhndi, tu̱ dli ɗyin man vaarem nang.

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

2 Korintiyeku 1:22

Wa sa ɗyi nu̱ saidaki za chem ɓaran nu̱ ɗyinerem, tu̱ sa Jiimbi ɓaran nu̱ mbu̱ memu̱narem mu̱nki. Ma ku̱ wut chem ku̱si ɓaran dong ma ku̱ wut ɗyi nu̱ke a ɓar gana fan.

2 Korintiyeku 5:5

Magham nu̱ ɗyinan daasaki pooni mbu̱mndi nu̱ke a ma ɗaatli nang, tu̱ vu̱r Jiimbi ɓaran yerem ma ku̱ wut za chem ku̱si ɓaran dong, ma bu ɗyi nu̱ke a ɓar gana fan.

Galatiyeku 4:6

Nu̱ke tun qusonggi ɓaran tu̱ Magham a ru̱k nu̱ Jiimbi Yi ɓaran nu̱ mbu̱ memu̱na nu, a qa Magham za, “Aba, Zhinki.”

Afiseku 1:11

Magham wa daaterem ku̱ kha mi ma nduki ɓaran, nu̱ ku̱nshe Masiya. Wa woɗa daasa ɗyen vu̱ nggarsan, Ai, chin ke nu̱ tlu̱na ɗyiku ɓaran wa nyin shimki.

Afiseku 1:12

Daaterem chem nyem nggaki su̱ sa memu̱narem ye Masiyang ma ku̱ shi mi khar khamndi zhaaji ɓu̱ Magham.

Afiseku 4:30

Ku̱r ma vaanu, ku̱ su̱bu̱r nu memu̱na Jiimbi shakhshakhndi ɓu̱ Magham nu̱gha ɓa, ku̱me chin ke saidu ɓu̱ Magham nu̱ke ka naki nu̱ si Fu̱ɗar wuri za tun ɓaran.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.