Afiseku 1:13 - Mewar Alqawarang

¹³ Tun wa kha ma nduki ɓu̱ Magham tu̱k nu̱ ku̱nshe Masiya, sarchi nun tu̱kki ɓalar zhire, nang ke Labar mbarkandi nu̱ ɗa ɓa ki ndu̱ ɗanar ye nu. Ye sarchi nun maitaki Masiya, Magham wa sa yitu̱m ɓaran nu̱ ɗyine nu nu̱ shiki alqawar vu̱rti Jiimbi shakhshakhndi ɓaran ye nu.

Afiseku 1:13 ပူးပေါင်းရင်းမြစ်များ

Luka 11:13

Yang mbu̱ tun nu̱ solarku, tun wa zu̱n ɗyi mbarkandi nu̱ke tun ka vu̱rki ye qusonggi ɓaanu, bele zhunonu nu̱ viɗi nu̱ke kaa vu̱rki Jiimbi shakhshakhndi ye nu̱ khuti nda?”

Luka 24:49

Wonji ngga ɗa ru̱k ndu̱ alqawar ɓu̱ Zhinkirang ye nu, yang bu ma mbu̱ ghai Urshalima, kope tun wa gwa zalale na ɓaki viɗi.”

Yokhana 1:17

Magham vu̱r woparang nu̱ mbu̱ khar Musa, yang mu̱nkir ndu̱ zhire a ɓa mbu̱ khar Yesu Masiya daati ɓu̱ Magham.

Yokhana 14:26

Yang Nu̱ shaatarang, chin Jiimbi shakhshakhndi nu̱ke Zhinkirang ka ɓa ru̱kki mbu̱ dlu̱ma, chin ka shogaki aa nu̱m ye nu, tu̱ kor ɗyi nang zu̱ki ye nu kap.”

Yokhana 15:26

“Ngga sa Nu̱ shaatarang nu̱ ɗa viki she Zhinkirang tu̱ ɗa ɓa she nu. Jiimbi shakhshakhndi nu̱ zhire na viki she Maghamang chin ka saidaki nga.

Yokhana 3:33

Yang kap njif nu̱ dlu̱ki saidu ɓaran wa wuɗ nu̱ ɗyine Magham ɗya nu̱ zhire.

Yokhana 6:27

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

Tlu̱nar ɓu̱ Pudeku 1:4

Sarchi nu̱ke a su̱yen ndu̱ wor tu̱ ze wor za, “Njig nu Urshalima ɓa, bu ma alqawar nu̱ Zhinkir ɓang shiki mbu̱r fara, tang zu̱ ye nwang.

Tlu̱nar ɓu̱ Pudeku 13:26

“Nyeezaku, zhikankirku ɓu̱ Yibram ndu̱ nu̱ sawar Magham ku nu̱ke ɗya Yakhude ku ɓa a ru̱k labar ɗanar nang yerem.

Tlu̱nar ɓu̱ Pudeku 2:33

Wa vu̱r zhaaji yenda a bu̱n zu̱ma ɓu̱ Magham, tu̱ ɗa dlu̱ Jiimbi shakhshakhndi nu̱ Zhin shiki alqawaranang ta zu̱n ɗyinerem, nang ke ɗyi nu̱ke tun a naran ndu̱ tu̱ktan.

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 4:11

Ye sarchi nu̱ shiki ɓalar dlarsi yendang, shi ma ku̱ kha ma saidu dambi nu̱ gwaki ku̱me maito ɓaran, ku̱me sarchi ni san dlaran ɓa ɗo. Ku̱me nang Yibram wa kha ma zhinkir ɓu̱ nduki nu̱ maitaki Magham, nu̱ daki wor ma nu̱ dambu, aa nu̱ke nu̱ dla su̱ wor nu̱gha ɓa.

Romeku 6:17

Yang Magham ɗye kuna, ku̱me aa nu̱ke ɗau fara tun maavi ɓu̱ sola, leendang tun a mbu shogar nyem shiki ye nu ndu̱ memu̱na nu da.

2 Korintiyeku 1:22

Wa sa ɗyi nu̱ saidaki za chem ɓaran nu̱ ɗyinerem, tu̱ sa Jiimbi ɓaran nu̱ mbu̱ memu̱narem mu̱nki. Ma ku̱ wut chem ku̱si ɓaran dong ma ku̱ wut ɗyi nu̱ke a ɓar gana fan.

2 Korintiyeku 6:7

Chem a wutan chem nu̱ tlu̱nar ɓu̱ Magham ku tu̱k nu̱ ku̱nshe zu̱r zhire, ndu̱ zalale ɓu̱ Magham su̱yen nu̱ boote ndu̱ dambu, ma ɗye dakhlar ɓaarem nyem khubki nu̱ mbu̱ khaarem zu̱ma ndu̱ gu̱ɗau.

Galatiyeku 3:14

Masiya Yesu dli ɗyineremang ma ku̱ barke nu̱ vu̱rki ye Yibramang khan ɗyine nduki nu̱ ke ɗya Yakhudeku ɓa tu̱k. Nang ke ɗyi nu̱ saki chem gwa Jiimbi nu̱ shiki alqawaranang nu̱ ku̱nshe maito nyem shiki.

Afiseku 4:21

Nga maita nu̱ ɗyine tun wa tu̱k labar ɓaran. Nu̱ke tun nduki ɓaran, wa shoga zhire nu̱ke a mbe Yesu ye nu.

Afiseku 4:30

Ku̱r ma vaanu, ku̱ su̱bu̱r nu memu̱na Jiimbi shakhshakhndi ɓu̱ Magham nu̱gha ɓa, ku̱me chin ke saidu ɓu̱ Magham nu̱ke ka naki nu̱ si Fu̱ɗar wuri za tun ɓaran.

1 Tasalonikeku 2:13

Chem a kuna Magham aakochi ku̱men, nu̱ke sarchi nun tu̱kki ɓalar ɓu̱ Magham she rem tun dli, nun dlu̱ wa ɗya ɓalar ɓu̱ nduk ɓa. Tun dlu̱ ba wa nu̱ke a si, ɗya ɓalar ɓu̱ Magham nu̱ke a tlu̱nar mbu̱ memu̱na nu, tun nun maitaki.

2 Timoti 2:15

Shu ɗyi nu̱ke to ka ɗu̱maki kap ma ku̱ gwa na dlu̱r mbarkandi she Magham. To kha ma nu̱ tlu̱nar nu̱ke tom tu̱k kawa mbe tlu̱nar nu̱ke ta shiran ɓa, to shoga ɓalar zhire nang ɓar torop ba wa nu̱ zu̱ki.

2 Timoti 2:19

Yang su̱ du̱ndi du̱mbu̱rkandi nu̱ Magham du̱nkyang, ba a nje shokhku̱rokh ndu̱ yitu̱m nu̱ saki nu̱ ɗyinan. Nu̱ zu̱ki za, “Magham wa zu̱n nduki nu̱ke ɓaran” yang “Kap njif nu̱ke a zu̱ran za chin ɓu̱ Zhinkir gwaanji ku̱ shakh ɗyinan tu̱ kha ɓakh ndu̱ tlu̱nar malkandi.”

2 Timoti 3:15

Kor nu̱ ɗyine ta shoga bu̱lar Ɓalar ɓu̱ Magham shakhshakhndi nu̱ shogaki njiv gwar ɗanar yoro nu̱ ku̱nshe maitar Masiya Yesu ji ɓa woi koɗomma.

Titus 2:11

Jiwa mu̱nkir ɓu̱ Magham nu̱ ɗanari a vi ye dalangi ma ɓar she nduki kap.

Yibraniyeku 2:3

Chem ka lawa kikimndana mbu̱ chem wa zhang ɗanar gwaanji nang gha? Ɗanar gwaanji nang Zhinkir gwaanji ndu̱ ɗyinan nggaki su̱ zu̱ran. Nduki nu̱ tu̱kki ɓalar ɓaranang wa wut yerem za shwat ɗya zhire.

Yaqub 1:18

Magham shimki ku̱ kha rem ku̱nshe ɓalar ɓaran zhirekandi ma ku̱ duk mi ɗyiku nyin du̱ngki ndu̱ zhaaji.

Yaqub 1:21

Ku̱me nang, wos ma kap ɗye shir malkandi nu̱ solari ndu̱ pooni mu̱narku gha, tun dlu̱ ɓalar nu̱ kaɓki nu̱ mbu̱ memu̱na nu nu̱ka vu̱rki ɗanar ye nu ndu̱ ɓu̱tokh memu̱na.

1 Biturus 2:10

Ɗau fara, tun ndukiku nu̱ke zhaaji ve nu ɓa, yang leendang tun nduki ɓu̱ Magham. Ɗau fara nun gwa ɗaanar ɓu̱ Magham ɓa, yang leendang tun wa gwa.

Ɗyin mbu̱ tukari 7:2

Tang na nu̱ ru̱kti ɓu̱ Magham nggur nu̱ ɗa viki ɗokhatla, khubtan ndu̱ yitu̱m ɓu̱ Magham nu̱ nyifi. Tu̱ qa nu̱ ru̱kti ku vatndi nu̱ Magham vu̱rki zalale ye wor ku̱ su̱bu̱r larji ndu̱ ɗyim chitndi nu̱gha nang ndu̱ su̱qur du̱mbu̱rkandi.