Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Afiseku 1:10 - Mewar Alqawarang

10 Ku̱rti ɓaran chin ke, mbu̱ sarchi wa nyedli, chin ka taba aa nu̱m ɗyi nu̱ke a viɗi kap ndu̱ ɗyiku nu̱ vu̱ghai tu̱ khan mbu̱ bu̱n zalale ɓu̱ Masiya.

အခန်းကိုကြည့်ပါ။ ကော်ပီ




Afiseku 1:10
29 ပူးပေါင်းရင်းမြစ်များ  

Ka taba nduki nu̱ larji kap nu̱ gume nda, ka shakh wor nu̱gha zum zum, ba wa nu̱ke nu̱ khutlo ka shakki chele ɓu̱ guno wutiku ndu̱ guno ndu̱ɓangku.


Tu̱ ku̱s zu̱ran za, “Sarchi wa shi ku̱me kwaaɗar ɓu̱ Magham wa shi bing, yang njig ma solar ɓaanu tun maita labar mbarkandang.”


Ɗyi nu̱ ɗatlki ndu̱ wor nang ɗya ɗye shoga, bu̱lan gha ma ku̱ wurerem. Yang nu̱ shi wa chem nu̱ke a nje mbu̱ lauɗar su̱ qaandi virkirku nang ɓa.


Yang nga shim zu̱n nu nu̱ ɗyine, Masiya ke dle gume ɓu̱ aa nyi khusku, khusku ke dle gume ɓu̱ nusu, Magham ke dle gume ɓu̱ Masiya.


Yang nu̱ sarchi a khu̱lki tu̱m, tu̱ ɗa ru̱k Yi ɓaran. Yang kha nda nu̱ ku̱nshe nusu ɗyenda. Kha nda nu̱ mbu̱ bu̱n Bibitang,


Magham wa sa aa nu̱m tu̱ khan mbu̱ saari Masiya, wa sa nda ma nu̱ kwaaɗar ɗyine aa nu̱m kap, tu̱ kha ma dle gume ɓu̱ aa nu̱m ye tabar ɓu̱ nu̱ mbu Yesu ku.


Wa da Bibiti nu̱ke wuriku ndu̱ woparkwang a mbanang ɓara nu̱ ku̱nshe mbu̱ti tom ɓaran. Shi wanang ma ku̱ du̱ng mewar pooni na viki mbe pooni rapndi nang. Shir wanangang a ɓa ndu̱ khar mu̱nkandi chele ɓaanda.


chin nu̱ saki dlu̱m ye aa nyi me sham nu̱ke a mbu̱ viɗi ndu̱ nu̱ vu̱ghai.


Nga maita nu̱ ɗyine tun wa tu̱k labar vu̱rti nu̱ Magham shiki ya mbe mu̱nkir ɓaran ma ku̱ shi nga tlu̱nar chele ɓaanu ma shaata nu.


ku̱me shi aa nu̱m ndu̱ aa nu̱m nu̱ ku̱nshe nda. Chin shiki ɗyi nu̱ke a viɗi ndu̱ vu̱ghai, ndu̱ ɗyi nu̱ke nduk a naran ndu̱ ɗyi nu̱ke nu̱ka shi na ndu̱ yiti ɓa. Shi ɗyiku nu̱ke a kwaaɗar mu̱na viɗi nu̱ ku̱nshe nda, kujiku ndu̱ nu̱ zhakhɗyeku ndu̱ nu̱ kwaaɗar ku ndu̱ zalaleku, ɗyi nu̱ shiki kap, shi nu̱ ku̱nshe nda, yang shi ku̱me chin tu̱k.


Magham somta ɗyi nyin shiki kap ye varan nu̱ ku̱nshe Woyang. Somta ɗyiku nu̱ke a viɗi ndu̱ vu̱ghai ye varan nu̱ ku̱nshe tom nu̱ Yi ɓaran mbu̱ɗki ɗyine qu̱far kaatlang.


Nu̱ke tun wa gwa mewar ɗye shir mbarkandi, tun wa kha ma ɗyi dandi. Yakhudeku nu̱ nduki nu̱ke ɗya Yakhudeku ɓa, chem kap ɗyi dandi. Aa soro dlaran aa soro dlaran ɓa kap chem da. Nduki nu̱ke shaanaran ɓa, nu̱ nji nduki, maaviku ndu̱ nduki nu̱ke ɗya maava ɓa, yang Masiya ke aa nu̱m, Masiya kya mbe aaki.


Yang ye lauɗarsi qaandi virkirku nang shi ɓalarang nu̱ ku̱nshe Yi ɓaran. Magham du̱ng aa nu̱m ndu̱ aa nu̱m nu̱ ku̱nshe Yi ɓaranang. Datkya chin tu̱k ma ku̱ aa nu̱m kha ma ɓaran.


Magham wa daasa ɗyi nu̱ dukki mbaari yerem. Kope chem a su̱yen ka khaki ku nyeedlan.


Yang ɗyiku nang ɗya ɓalar zu̱mndi ndu̱ zari, ndu̱ shibtiku zum zum. Ɗyiku nang ɗya bibitiku ɓu̱ nduku nu̱ shiki me ku̱ sarchi ɓu̱ mewar ɗyiku a ɓa.


Magham datkya chin me ku̱ du̱ng larji, yang wuti nda ye dalangi ye lauɗar su̱ qaandi virkirku nang ku̱me tunu.


Tu̱ qa mewar taazi ku, a zu̱ran ku za, “Ta khu̱l ma ku̱ dlu̱ na lagarkati ɗyikhlakandang to qu̱n yitu̱m ɓaran kwang nu̱gha. Jiwa wa tlagha nu̱gha zhu, yang nu̱ ku̱nshe tom ɓaaro ta dli ɗyin nduki ye Magham mbe aa nyi me sham, ndu̱ me ghin, ndu̱ me ghai, ndu̱ aa nyi nduki.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ