2 Timoti 4:8 - Mewar Alqawarang

⁸ Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

2 Timoti 4:8 ပူးပေါင်းရင်းမြစ်များ

Matta 24:36

“Yang nduka nje nu̱ zu̱nki fu̱ɗar ndu̱ sarchi nu̱ke ɗyikunang ka shiki ɓa, aa nu̱ ru̱ktiku ɓu̱ Magham nu̱ke a viɗi, aa Woyang, nu̱ zu̱n ku ɓa, kope Zhinkirang ɗyenda.

Matta 7:22

Ye fu̱ɗar naandang nduki khang ka zu̱ ya ku za, ‘Zhinerem gwaanji, Zhinerem Gwaanji! Chem wopaki ɓalar ɓu̱ Magham mbu̱ dlu̱mor ɓa goma? Nyem komba khu̱kheeti ku mbu̱ dlu̱mor de? Nyem shi ɗye lazhamku khang mbu̱ dlu̱mo ɓa?’

Luka 10:12

Nga zu̱ran ye nu, ye fu̱ɗar wuri, Magham ka duk nu̱ shir longguma ye Sodom aa ndu̱ maatli ɓaanda, ye ghai nang.”

Romeku 2:5

Yang kaaku̱ɗakh ɗyin, ndu̱ kaaku̱ɗakh memu̱nar nu̱ke ta shiran nang, ta tabakya kumar ye ɗyinoro, yang a buroro ye Fu̱ɗar shokhnar ɓu̱ Magham, nang ke sarchi nu̱ke a ma wut kumar toropndi ɓu̱ Magham.

Romeku 8:23

Yang du̱ngdikwang ɗyenda kya tlu̱rtang ɓa, chem ndu̱ vaarem chem a shiran tu̱k. Chem nyem gwaki Jiimbi shakhshakhndi nu̱ke chin ke vu̱rti nu̱ gumapaali nu̱ vu̱rki yeremang, chem a tlu̱rti mbu̱ nyifi ɓaarem, chem a ku̱rsaran wa nu̱m gom. Ma ku̱ Magham gaɓ ndu̱ chem ma qusonggi ɓaran parakhndi, tu̱ dli ɗyin man vaarem nang.

1 Korintiyeku 2:9

Yang a nje bu̱laran ba wanang nu̱ zu̱ki za, “Ɗyi nu̱ Magham daasaki ye nduki nu̱ke a ndola nda nang, ɗya ɗyi nu̱ke nduk a nje nu̱ naki sar da ɓa, yang nduk a nje nu̱ tu̱kki ɓa. Yang nduk a nje nu̱ korki ka shi tun wanang ɓa.”

1 Korintiyeku 3:13

Mbari tlu̱nar nu̱ aaki shiki ka ɓa vi ye dalangi, du̱ndang kaɗa vi nu̱ dam ye Fu̱ɗar ɓu̱ Masiya. Ku̱me ɓai ka wutki tlu̱nar ɓu̱ aaki ɗo, ɓaiyang ka buu tlu̱nar nu̱ aaki shiki.

1 Korintiyeku 9:25

Nu̱ palam ku wa ka daasa vaanda nu̱ gha, a shi ɗyiku nang ma gwa ɗye ɓiiri nu̱ka su̱bu̱rki, yang ɗye ɓiiri ɓaaremang nu̱ka shi su̱bu̱r ɓa.

2 Korintiyeku 5:2

Leendang chem a tlu̱rti, chem a kodli gwa mi maa khar mbu̱ viɗi nu̱ke ka ɗa lu̱pa rem si.

Filipiyeku 3:11

Ku̱me aa shi kikimndi, gwa nga tang khu̱l ye jiiri ɓar mbe mu̱ti.

Kolosiyeku 1:5

Maito ndu̱ ndolar nun wutki nang tun shi ku̱me tun a sa memu̱na nu nu̱ ɗyine ɗyi mbarkandi ku nu̱ke a nje du̱ngdan gha mbu̱ viɗi ku̱me tunu. Nang ke Labar mbarkandi nu̱ zu̱ki ye nu gumapaali, chin ɓalar zhire nun tu̱kkyang.

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

1 Tasalonikeku 5:4

Ai, yang nyeezaku, ɓaanu tun a mbu̱ zhum maa ɓa, nu̱ke Fu̱ɗar nang ka ɗa ɓa ki ye nu wa nu̱ muuri.

2 Tasalonikeku 2:8

Kom ka ɓa wut kuji tonggu̱rong nang ye dalangi, yang ye fu̱ɗar gaɓti ɓu̱ Zhinerem gwaanji Yesu, ba khu̱kheeti mbu̱ men, ka tu̱pa nda ɓar ɗyin zhakhɗye kwaaɗar ɓaran. Du̱mbu̱r yarang ɓar ɓaran ka su̱ya nda nu̱ gha.

1 Timoti 6:19

Shir wanangang a shikya du̱ngdi ye va nda nu̱ke ka khaki ma dlu̱dlarsi khar viti ɓaanda nu̱ke a ɓari, ku̱me ka gwa nyifiri nu̱ke chin ke nyifi zhirekandi.

2 Timoti 1:10

tu̱ yang wut mu̱nkirang yerem ye dalangi nu̱ ku̱nshe ɓar ɓu̱ Nu̱ Ɗanar ɓaarem Masiya Yesu. Chin su̱yaki mu̱ti nu̱ gha ta ɓa nu̱ nyifiri nu̱ke nu̱ka shi mu̱t ɓa yerem ye yarangi nu̱ ku̱nshe Labar Mbarkandang.

2 Timoti 1:12

Nga za bonye ku̱men ba wa nu̱ke nga zaran leendang. Yang kap ndu̱ nang nu̱ kha ya ma ɗye kawa ɓa ku̱me nga zu̱n njif nang maitaki, nga zu̱n nu̱ ɗyine ka bu ɗyin du̱ngdi nang vu̱rki yenda kap, kope Fu̱ɗar naandang.

2 Timoti 1:18

Bu ku̱ Zhinkir gwaanji na zhiyaye ɓu̱ Onesiforus ye Fu̱ɗar gaɓti ɓaran! Ai, to ndu̱ ɗyino ta zu̱n mbari pooni shaatar ku nu̱ shiki ya mbu̱ ghai Afisa.

2 Timoti 2:5

Wanang tu̱k mbu̱ palam ɗarku ndu̱ ku̱mndi jiriku, nduk a nje nu̱ke ka gwaki ɗye ɓi ɓa kope wa mbu bibiti nu̱ke a mbu̱ palamang.

2 Timoti 4:1

Nga ɓalar nang yor gume Magham ndu̱ Masiya Yesu, nu̱ke ka ɓa kumaki nu̱ nyifiri ku ndu̱ nduki nu̱ mu̱tki, nu̱ pitl gaɓti ɓaran ndu̱ kwaaɗar ɓaran.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 12:11

Wuri nu̱ shiki yerem kap wa ka khaterem, nyem ka tu̱k mu̱ndan ye sarchi nang ɓa. Yang qu̱rsan wa ka nggoɗ nduku tu̱ kha ndu̱ dambi ndu̱ qaandi memu̱na mbu̱ nu̱ zhin wa shoga tun mban.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

Yaqub 1:12

Njif nu̱ gu̱nki memu̱naran mbu̱ bonye ɓaran ɗya nu̱ barka, ku̱me ka gwa ɗye ɓi nu̱ nyifi nu̱ke ɓu̱ shi woɗa ɓa nu̱ Magham shiki alqawaran ye kap nduki nu̱ke a ndola nda.

1 Biturus 1:4

Yang chem a sa memu̱narem ye gwar ɗye mbu̱ ge nu̱ Zhinkir gwaanji du̱ngki gha viɗi ku̱me qusonggi ɓaran. Yang du̱ngdi nang nu̱ka mu̱tl ɓa, nu̱ka shi su̱bu̱r ɓa, yang ɗyiman ɓu̱ vi ɓar ɓa.

1 Biturus 5:4

Mbu̱ tun wa shi wanang, ye fu̱ɗar nu̱ke Masiya chin Gorkir Nu̱ khutlorang ka ɗa ɓa ki, ka vu̱r ɗye zhar nu̱ zhaaji ye nu nu̱ke ɗyiman nu̱ka shi vi ɓar ɓa.

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.

Ɗyin mbu̱ tukari 19:11

Tang na maa viɗi qu̱ndan, tang na pu̱rsi ɓongndi. Ka qa nu̱ lu̱bar nda za Nu̱ Shir zhire ndu̱ zhire. Nu̱ zhire ka shiki kumar ndu̱ dakhlar ɓaran.

Ɗyin mbu̱ tukari 2:10

Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.

Ɗyin mbu̱ tukari 22:20

Chin nu̱ saidaki ɗyiku nang kap wa zu̱ za, “I, nga nja ɓar ɗau!” Amin. A ɓo, Zhinkir gwaanji Yesu!

Ɗyin mbu̱ tukari 4:10

tu̱ ndukkudaandiku ɗyirap qu̱m vatndi nang ka nggu̱ɗ nu̱ gume njif nu̱ke a nje kharan ɗyine zhakhɗyang. Tu̱ ka ghar ghai yenda ku, chin nu̱ke a nje ndu̱ nyifiri aakochi koɗokhsi ɓa. Tu̱ ka du̱ng ɗye zhar ku ɓaanda nu̱ vu̱ghai gume zhakhɗyang, a zu̱ran ku za,

Ɗyin mbu̱ tukari 4:4

Yang tu̱k zhakhɗyeku nggur wor ɗyirap qu̱m vat a nje kararan ndu̱ zhakhɗye nang ndu̱ ndukkudaandiku wor ɗyirap qu̱m vat kharan ɗyinan ku. Ndukkudaandiku nang wa sa luktiku ɓongndi ndu̱ ɗye zhar nu̱ ginarwe ve ɗyin wora.