2 Timoti 4:5 - Mewar Alqawarang

⁵ Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

2 Timoti 4:5 ပူးပေါင်းရင်းမြစ်များ

Matta 25:16

Tu̱ njif nu̱ dlu̱ki kulup mu̱zhindi qurmun ndang ɗu̱ fan ndu̱ fan tu̱ ɗa shi gomar si tu̱ gwa kulup qurmun nu̱ ɗyine mu̱zhindi nu̱ vu̱rki yendang.

Markus 13:34

Ɗyen wa shipa khuski nu̱ njigki rafti ɓaran tu̱ ɗu̱ mbu̱ ghai nggur ɓakh, tu̱ yang njig zalale aa nu̱m kap nu̱ mbu̱ khar maaviku ɓaran. Tu̱ vu̱r tlu̱nar ɓu̱ aaki yenda, tu̱ ze nu̱ bu me raftang za ku̱ nggu̱t raftang yenda nu̱ gha mbari.

Markus 13:37

Ɗyi nu̱ke ngaa zu̱ran ye nu nang, nga zu̱kya ye aaki, daasa ma vaanu nu̱ gha!

Luka 12:37

Maaviku nangang ka ɓa shi kashar ku mbu̱ke zhin nda nu̱ raftang a khu̱l tu̱ gwa wor daasaran a ku̱rsa gaɓti ɓarani. Nga zu̱kya zhire ye nu, ka nggosa lukti nu̱ gha, tu̱ ze wor za ku̱ kha gha, tu̱ vu̱r ɗye zu̱mndi ye wora.

Tlu̱nar ɓu̱ Pudeku 21:8

Vi dumaaran chem ɗu̱ Kaisariya, chem vi nu̱ kaa ɓu̱ Filibus nu̱ waazu. Nu̱ke ɗya da chele nduki mutndi nu̱ datki wor ma tlu̱nar shakhti ɗyezu̱mndi ye tabar ɓu̱ nu̱ mbu Yesu ku nu̱ke a Urshalimang, chem zhur nu̱ she nda.

Romeku 15:19

Nga shi tlu̱nar ɗye saiduku ndu̱ ɗye lazhamku mbe zalale ɓu̱ Jiimbi shakhshakhndi. Nga ji Urshalima tang baara maari kap ma yir Ilirikum nga wopa Labar Mbarkandi ɓu̱ Masiya.

Afiseku 4:11

Chin shiki vu̱rti ye nduki. Wa shi vu̱rti nu̱ khar ma pude ɓu̱ Yesu ye ɓeeni nduki, ɓeenan ɗya annabiku, ɓeenan ɗya wopar Labar Mbarkandang, ɓeenan ɗya nu̱ khutlo nduki yang ɓeenan ɗya nu̱ shogar ku ɓara.

Afiseku 4:12

Shi nang ma daasa nduki ɓu̱ Magham ku̱ da kuɗar tlu̱nar ma du̱ndi man var Masiya.

Kolosiyeku 1:25

Magham datki nga ku̱ kha nga ma maavi ɓu̱ tabar ɓu̱ nu̱ mbu Yesu, yang vu̱r tlu̱nar nang ya ma ku̱ shaata nga nu, tang shi waazu ɓalar ɓu̱ Magham ye nu nyeedlan.

Kolosiyeku 4:17

Tun ze Arkipus tu̱k nun za, “Shi to lauɗa su̱ tlu̱nar nu̱ Zhinkir gwaanji vu̱rki yorang.”

1 Tasalonikeku 5:6

Ku̱me nang shi mi ɗyenir wa nu̱ke ɓeenanku a san ɓa, yang ku̱ shi mi khar ɓaarem daasaran mbe khar ku̱si ɗyin.

1 Timoti 4:12

Njig na tu̱ njif nggur ndu̱mndor ku̱me to woi ɓa, yang to kha ma ɗye shoga chele ɓu̱ nu̱ mbu Yesu ku, mbe ɓala, ndu̱ khar viti ɓaaro, ndu̱ wuti ndola, ndu̱ maito, ndu̱ khar viti shakhshakhndi.

1 Timoti 4:15

To ku̱s ɗyiku nang maɗyi, to vu̱r va kap ye wora, ma ku̱ aaki na zu̱mndi gume ɓaaro.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

2 Timoti 2:10

Yang nga gu̱n memu̱nara ndu̱ aa nu̱m ku̱me nduki datkandi, ku̱ gwa ɗanar ku nu̱ ku̱nshe Masiya Yesu, tu̱ gwa viri nu̱ mbu̱ zhaaji nu̱ke nu̱ka shi woɗa ɓa.

2 Timoti 2:3

Tun gu̱n memu̱na nu mbe bonye wa sojeku zhirekandi ɓu̱ Masiya Yesu.

2 Timoti 4:17

Yang Zhinkir gwaanji a nje su̱yen ndu̱ nga tu̱ pa du̱mbu̱r ya, ku̱me ɓalar ɓu̱ Magham nang ku̱ gwa wopar maɗyi ma ku̱ nduki nu̱ke ɗya Yakhudeku ɓa tu̱kki. Wa lawa nga ɓar mbu̱ me mu̱zamndi.

Yibraniyeku 13:17

Tun mbu su̱qur dlegumeku ɓaanu, tun shi ɗyi nu̱ zu̱ki ye nu ku tu̱k, ku̱me wor kya nggu̱t khar viti ɓaanu wa nduki nu̱ke a ma shiga su̱ ɗyi nu̱ wor tlu̱naki. Tun mbu wor tu̱ tlu̱nar ɓaanda kha ndu̱ kasha, waare taɗar memu̱na, ku̱me taɗar memu̱narang ɓu̱ ɗa ɓa ndu̱ boote nggur ye nu ɓa.

1 Biturus 1:13

Ku̱me nang tun daasa memu̱na nu ma tlu̱nari, tun ku̱s vaanu yeyen, tun sa memu̱na nun ve mu̱nkir nu̱ke a ma vu̱rtan ye nu ye fu̱ɗar nu̱ke Yesu Masiya ka ɗa gaɓki.

Ɗyin mbu̱ tukari 3:2

Ju nu̱ viɗi! To pa du̱mbu̱r ye ɓeena ɗyiku nu̱ke a nje yang wa shi bing mu̱ti, ku̱me nang gwa ɗye shirku ɓaaro nyeedlan gume Maghamndi ɓang ɓa.