2 Timoti 4:17 - Mewar Alqawarang

¹⁷ Yang Zhinkir gwaanji a nje su̱yen ndu̱ nga tu̱ pa du̱mbu̱r ya, ku̱me ɓalar ɓu̱ Magham nang ku̱ gwa wopar maɗyi ma ku̱ nduki nu̱ke ɗya Yakhudeku ɓa tu̱kki. Wa lawa nga ɓar mbu̱ me mu̱zamndi.

2 Timoti 4:17 ပူးပေါင်းရင်းမြစ်များ

Matta 10:19

Mbu̱ wa ku̱sonu ku, damta nu ndu̱ ɗyi nu̱ke tun ka zu̱ki ye wor ɓa, ka vu̱r ɗyi nu̱ke tun ka zu̱ki ye wor sarchi nang.

Luka 1:1

Nu̱ke nduki khang wa shi bu̱lar ɗyine ɗyiku nu̱ shiki chele ɓaarem,

Luka 21:15

Ku̱me nga vu̱r ɓalarku ndu̱ kaɗari ye nu nu̱ke nduk a nje chele ɓu̱ nu̱ zhangndi ɓaanu nu̱ke ka ɗu̱maki mbu̱m ɓalar ɓaanu nu̱ gha tu̱ keela ɗyi nun zu̱ki ɓa.

Tlu̱nar ɓu̱ Pudeku 23:11

Nu̱ virkir shiki tu̱ Zhinerem gwaanji ching gha bing ndu̱ Bulus tu̱ ze nda za, “Gu̱n memu̱naro, ku̱me ba wa no saidaki nga mbu̱ ghai Urshalima, to ka saida nga wanang tu̱k mbu̱ ghai Roma.”

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 15:31

Shi ma barar ya tang lawa me khar nduki nu̱ke ɗya nu̱ mbu Yesu ku ɓa nu̱ke a mbu̱ dlar ghai Yakhudiya. Kom ndu̱ ku̱ ɗye shaatar nu̱ke nga ma vu̱rtan mbu̱ ghai Urshalima gwa dlu̱r she nduki ɓu̱ Magham nu̱ke a fara.

2 Korintiyeku 12:9

tu̱ yang zu̱ ya za, “Mu̱nkir ɓang wa gama ro, ku̱me zalale ɓang ka kha nyeedlan mbu̱ tu̱ɓti ɓaaro.” Ku̱me nang ngga kasha tang shi wakhti ndu̱ tu̱ɓti ɓang nang ma ku̱ zalale ɓu̱ Masiya kha gha su̱yen ndu̱ nga.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

1 Timoti 1:12

Nu̱ke Masiya Yesu Zhinerem gwaanji wa vu̱r du̱mbu̱r ya, nga kuna nda ku̱me nu̱ naki nga ma nu̱ zhire tu̱ daati nga ma shi nga tlu̱nar yenda.

2 Timoti 2:1

Yang to yi ɓanga, kho ndu̱ du̱mbu̱r nu̱ ku̱nshe mu̱nkir nu̱ke a mbe Masiya Yesu.

2 Timoti 2:9

Nga za bonye nang ku̱me Labar mbarkandi nu̱ke nga woparanang, tu̱ gu̱ndi nga nu̱gha ndu̱ yakhli wa njif nu̱ shiki zop ngguri. Yang nduk a nje nu̱ke ka ɗu̱maki gu̱n ɓalar ɓu̱ Magham nu̱gha ɓa.

2 Timoti 3:11

Ta zu̱n bonye ndu̱ takashi nu̱ gwaki nga mbu̱ ghai Antakiya, ndu̱ Ikoniya ndu̱ Listu̱ra. Yang kap ndu̱ nang tu̱ Magham lawa nga mban.

2 Timoti 4:5

Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

Titus 1:3

Tu̱ yang wut nu̱ dam mbu̱ sarchi nu̱ khaki torop mbe ɓalar ɓaran nu̱ke nga waazu ni, nu̱ vu̱rki du̱ngdan ya nu̱ ku̱nshe zu̱r ɓu̱ Magham Nu̱ Ɗanar rem.

Yibraniyeku 11:33

Maito saki tu̱ nduki nang ra kwaaɗarku, tu̱ shi tlu̱nar dambi ku, tu̱ dlu̱ ɗyiku nu̱ shiki alqawaran. Tu̱ nduki nang za me mu̱zamndiku nu̱ gha,

1 Biturus 5:8

Ku̱s ma vaanu ye yen, tun kha daasaran. Wonji nu̱ zhangndi ɓaanu Sheɗan a paɗari, a quri wa mu̱zamndi, a laɓ njif nu̱ke chin ka njerki nu̱ gha ma njiiran.

2 Bitu̱rus 2:9

Mbu̱ yang ɗyiku nang wanang Magham wa zu̱n ɗyi nu̱ke chin ka shiki ma ɗana nu̱ sawar nda ku mbe buuriku ɓaanda. Magham wa zu̱n ɗyi nu̱ke chin ka shiki chin njig nu̱ mu̱narku mbu̱ bonye ɓaanda kope sarchi kumari.