2 Timoti 4:16 - Mewar Alqawarang

¹⁶ Ye sarchi nang chingki nu̱ gume kumar gumapaali ma lawa nga ɗyina nduk a nje nu̱ khaki nu̱ gaanja ɓa tu̱ aaki yaɓti nga gha. Ku̱ Magham shiga nang nu̱ ɗyin wor ɓa.

2 Timoti 4:16 ပူးပေါင်းရင်းမြစ်များ

Markus 14:50

Ba nje, tu̱ nu̱ mburi nda kap njigti nda tu̱ ɗa vaanda.

Luka 12:11

“Mbu̱ke wa ɗu̱ ndu̱ tun ye maa kumari, aa mbu̱ kib tabar ɓaanda, aa gume nu̱ zalaleku, damta nu nu̱ ɗyine njiv feti ɗyinonu ɓa, yang damta nu ɗyine ɗyi nu̱ke tun ka zu̱ki zum ɓa.

Yokhana 16:32

Sarchi a ɓari, I, wa kar a khu̱dli, nu̱ke aa nyi da chele ɓaanu ka ɗaki nu̱ kaa ɓaran tu̱ njigti nga, nga ɗyenda. Yang kap ndu̱ nang nga ɗyenda ɓa, ku̱me Zhinkirang a nje su̱yen ndu̱ nga.

Tlu̱nar ɓu̱ Pudeku 22:1

“Nyeezaku ndu̱ kudaandiku ɓanga, gwa ma dlu̱mdonu ya tang zu̱ ɗyi nu̱ ɗatlki ye nu, tun zu̱n nu̱ ɗyine nang shi zop ɓa.”

Tlu̱nar ɓu̱ Pudeku 25:16

“Yang nga ze wor nga za chem Romeku nyem ka dla mbu̱ kuma waare yir ndu̱ nduk gume nduki nu̱ daki zhaano ɓaran ɓa. Wa ku̱s ku̱ vu̱r zalale lawar ɗyinan yenda ɗyine ɗyi nu̱ nduki daki zhaano ɓaran ɗyinanang.

Tlu̱nar ɓu̱ Pudeku 7:60

Tu̱ kurum gha tu̱ da su̱quran nu̱ viɗi tu̱ zu̱ za, “Magham, shi na tun ye wor ku̱me solar nu̱ shiki kunang ɓa.” Nu̱ zu̱ki wanang tu̱ mu̱ɗi.

1 Korintiyeku 13:5

Nu̱ka shi nggarva ɓa, nu̱ka wut shimndi ɗyin ɓa, nu̱ka shi ndolar ɗyin ɓa, nu̱ka shi wakho shokhna ɓa, yang nu̱ka khuɓ tun nu̱ mbu̱ memu̱naran zum ɓa.

1 Korintiyeku 9:3

Mbu̱ nduki wa zham mya ngga lawa ɗyina ndu̱ nang.

2 Korintiyeku 7:11

Na ma ɗyi nu̱ su̱bu̱rti mbi nu̱ Magham njigki ku̱ gwaanu nang a ɓa ki si ye nu. Wa sa nu tun wut maa nu̱ke nun shi torop ɓa. Wa sa tun shi shokhnari, tun tu̱k sawar tu̱k. Wa sa tun sa memu̱na nu, nun ndola vaanu ɓa. Tun daasaran ma ku̱ wu nu aaki nu̱ shiki zop wa nu̱ shipaki. Ve ɓalar nang tun wa wut mbe anyi njiva nu̱ ɗyine nun shi zop ɓa.

Filipiyeku 1:17

Yang ɓu̱ nduki nu̱ke a wopa Masiya ku̱me zhiri ndu̱ me mu̱sonkirang, a shiran ku ku̱me ndolar ɗyin a shiran ku memu̱na wor da ɓa. Nu̱ zhang ku̱ shaata nga za bonye mbu̱ zhaaru̱mang ɓa.

Filipiyeku 1:7

Wa shi torop ku̱ kor nga nu aakochi, tun kap ɓaanu, nu̱ke nga sa nun ve memu̱nara. Ku̱me a nga khiiran zhaaru̱m, aa nga kanggakya Labar mbarkandang chem wa shakh mu̱nkir ɓu̱ Magham su̱yen.

2 Timoti 1:15

Ta zu̱n nu̱ ɗyine aaki mbu̱ dlar ghai Asiya wa yaɓti nga gha, kap ndu̱ Faijelus ndu̱ Khamojenis.

2 Timoti 4:10

Dimas wa njigti nga ku̱me ndolar ɗyin larji nang, wa ɗu̱ varan Tasalonika, Ku̱rezens wa ɗu̱ Galatiya, kom Titus wa ɗu̱ Dalmatiya.

2 Timoti 4:15

To ku̱r va ndu̱ chin tu̱k ku̱me wa shi kare ndu̱ wopar ɓaarem nang maɗyi.

1 Biturus 3:15

Yang mbu̱ memu̱nanu da ma Masiya tu̱ kha ma Zhinonu gwaanji. Kha ma daasaran aakochi ma tlogha nu ye nu̱ zhamndonu ɗyi nu̱ saki tun sa memu̱na nu ye mbu Masiya. Yang shi ma nang ndu̱ ɓu̱tokh memu̱na ndu̱ vu̱rti gorkiri.