2 Timoti 4:10 - Mewar Alqawarang

¹⁰ Dimas wa njigti nga ku̱me ndolar ɗyin larji nang, wa ɗu̱ varan Tasalonika, Ku̱rezens wa ɗu̱ Galatiya, kom Titus wa ɗu̱ Dalmatiya.

2 Timoti 4:10 ပူးပေါင်းရင်းမြစ်များ

Matta 12:32

Aaki zu̱ki ɓalar ndu̱mndi nu̱ ve Yi ɓu̱ nduku, ka yaapa yenda, yang aaki zu̱ki ɓalar ndu̱mndi nu̱ ve Jiimbi shakhshakhndi ɓu̱ ndu̱m yenda ɓa, aa mbu̱ qaandi virkirku nang aa fu̱ɗar wuri.

Matta 26:56

Yang ɗyinang shi kap ma ku̱ nyel ɗyi nu̱ke a nje mbu̱ lagarkati ɓu̱ annabikwang.” Tu̱kti wanang tu̱ nu̱ mburi nda kwa kap njigti nda tu̱ ɗa vaanda.

Luka 14:33

Wanang tu̱k, njif nu̱ke nu̱ njig ɗyi nu̱ke a kha nda kap ɓa, ɓu̱ kha ma nu̱ mbuuri nga ɓa.

Luka 16:13

“Maava nu̱ka ku̱s nu̱ rafti rap ɓa, ku̱me ka zhang nu̱ rafti da, tu̱ ndola nu̱ rafti dandang. Ka vu̱rkya ɗyinan ye nu̱ rafti da chele ɓaanda, tu̱ ndu̱m nu̱ rafti dandang. Tom ɓu̱ ghar ghai ye Magham su̱yen ndu̱ ghaari ghai ye mu̱zhin ɓa.”

Luka 17:32

Kor ma nokhzi Lot ɓa.

Tlu̱nar ɓu̱ Pudeku 13:13

Tu̱ Bulus ndu̱ nyeezanang njig Pafos mbu̱ du̱mbu̱l ɗyim tu̱ ɗu̱ ku Parga mbu̱ dlar ghai Pamfiliya. Tu̱ Yokhana Markus njig wor nu̱ nje tu̱ gaɓ varan nu̱ Urshalima.

Tlu̱nar ɓu̱ Pudeku 15:38

yang Bulus nu̱ shim yir ndu̱ Yokhana Markus ɓa. Ku̱me wa njig wor mbu̱ dlar ghai Pamfiliya ɗau fara tu̱ zhang zu̱m guma ndu̱ tlu̱nar su̱yen ndu̱ wor gha.

Tlu̱nar ɓu̱ Pudeku 16:6

Tu̱ baara dlar ghai Pargiya ndu̱ Galatiya nu̱ke Jiimbi shakhshakhndi wa nggu̱tl wor ku̱ shi ɓalar ɓu̱ Magham mbu̱ dlar ghai Asiya ɓa.

Tlu̱nar ɓu̱ Pudeku 17:1

Nu̱ Bulus ndu̱ Sila ɗu̱ki mbu̱ ghai Amfipolis ndu̱ Apoloniya, tu̱ khu̱l ku mbu̱ ghai Tasalonika, ye maa nu̱ke kib tabar ɓu̱ Yakhudeku a nje.

Tlu̱nar ɓu̱ Pudeku 17:11

Yang nduk Biriya wa duk nduki nu̱ Tasalonika ku, ku̱me wa dlu̱ ɓalar ɓu̱ Magham ku khar wor rap. A nggu̱t mbu̱ bu̱lar ɓalar ɓu̱ Magham aa nyi fu̱ɗa ma na nda mbu̱ ɗyi nu̱ Bulus zu̱kyang ɗya zhire.

Tlu̱nar ɓu̱ Pudeku 17:13

Yang ba nu̱ Yakhudeku nu̱ke a Tasalonika tu̱kki za Bulus a wopa Labar Mbarkandang ɓu̱ Magham mbu̱ ghai Biriya, tu̱ ɗu̱ ku tu̱ ɗa sokh nduki nje, a da khangkal ɓaanda nu̱ viɗi.

Tlu̱nar ɓu̱ Pudeku 18:23

Nu̱ qanki koɗom nje tu̱ ji tu̱ baara mbu̱ dlar ghai Galatiya ndu̱ Pargiya a mbu ghai ghai a pa du̱mbu̱r ye nu̱ mbu Yesu ku.

2 Korintiyeku 2:13

yang nga damta maɗyi ku̱me nang gwa mu̱dla Titus nje ɓa. Nu̱ke wanangang, tang shi khar mu̱ndi ndu̱ wora, tang peeta nu̱ Makidoniya.

2 Korintiyeku 7:6

Yang Magham, nu̱ka vu̱rki du̱mbu̱r ye nduki nu̱ me bu̱n wor datlki, wa pa du̱mbu̱r yerem sarchi nu̱ Titus a ɓa ki.

2 Korintiyeku 8:16

Nga kuna Magham nu̱ saki nu̱ memu̱na Titus ku̱ shaata nu ba wa nang shimki shiran.

2 Korintiyeku 8:23

Mbu̱ tun wa kori, Titus ɗya njif nyem ka shiki tlu̱nar su̱yen, yang chem a tlu̱narang ku̱me tunu. Ɓeeni nyeezerem nu̱ke a su̱yen ndu̱ chin ɗya tabar ɓu̱ nu̱ mbu Yesu ku a ru̱kki wora, tlu̱nar nu̱ke a shiran kwang a vu̱r zhaaji ye Masiya.

2 Korintiyeku 8:6

Nar nang saki chem khuɗ Titus nyem za ku̱ zu̱m guma ndu̱ tlu̱nar tabar vu̱rti nu̱ke memu̱na nduki daki ye wor nang she nu tu̱k, ma nu̱ke chin nggaki san.

Galatiyeku 1:2

Nyeezerem nu̱ke a su̱yen ndu̱ nga fan, kap a qaandi ye tabar ɓu̱ nu̱ mbu Yesu ku nu̱ke a Galatiya.

Filipiyeku 2:21

Aaki damtakya nu̱ ɗyi ɓaran ɗyenda, nu̱ damta nu̱ ɗyi ɓu̱ Yesu Masiya ɓa.

1 Timoti 6:10

Jiwa shimndi mu̱zhin ke dlu̱dlarsi aa nyi pooni mu̱na. Ku̱me shimndi mu̱zhin ɓeeni nduki wa gal gha mbe maito nang tu̱ ɗa dut chiti mbi ye var wor maɗyikandi.

1 Timoti 6:17

Zu̱ ma ye nu̱ gu̱narku nu̱ mbu̱ larji nang ku̱ kha ndu̱ gwaari ɗyin ku ɓa yang ku̱ sa memu̱na wor nu̱ ɗyin gu̱nar ɓaanda nu̱ke nu̱ka shoɓ ɓa nda ɓa. Ku̱ sakya memu̱na wor ye Magham nu̱ka vu̱rki aa nu̱m yerem kharan nggaran ma ku̱ tu̱k mi mu̱ndi.

2 Timoti 1:15

Ta zu̱n nu̱ ɗyine aaki mbu̱ dlar ghai Asiya wa yaɓti nga gha, kap ndu̱ Faijelus ndu̱ Khamojenis.

2 Timoti 4:16

Ye sarchi nang chingki nu̱ gume kumar gumapaali ma lawa nga ɗyina nduk a nje nu̱ khaki nu̱ gaanja ɓa tu̱ aaki yaɓti nga gha. Ku̱ Magham shiga nang nu̱ ɗyin wor ɓa.

Titus 1:4

Ma yir she Titus, woi ɓanga zhirekandi mbe maito nu̱ke a kha rem kap. Mu̱nkir ndu̱ qaandi memu̱nar na viki she Magham Zhinki, ndu̱ Masiya Yesu Nu̱ Ɗanar rem ku̱ kha gha su̱yen ndu̱ to.

Filimon 1:24

Markus, ndu̱ Aristakus, ndu̱ Dimas, ndu̱ Luka, wor nu̱ke ɗya mu̱dla ku mbu̱ tlu̱narang a zoɓa qaandi ye nu tu̱k.

2 Bitu̱rus 2:15

Wa njig njiv zhire ku, a mbu njiv ɓu̱ Balaam yi ɓu̱ Beyo. Njif nu̱ka ndolaki tlu̱nar malkandi ma gwa nji ɗye ɓiiran.