2 Timoti 4:1 - Mewar Alqawarang

¹ Nga ɓalar nang yor gume Magham ndu̱ Masiya Yesu, nu̱ke ka ɓa kumaki nu̱ nyifiri ku ndu̱ nduki nu̱ mu̱tki, nu̱ pitl gaɓti ɓaran ndu̱ kwaaɗar ɓaran.

2 Timoti 4:1 ပူးပေါင်းရင်းမြစ်များ

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Luka 19:12

Tu̱ Yesu ze wor za, “Mu̱shel nggur a nje nu̱ ɗu̱ki mbu̱ ghai nggur ɓakh ma zu̱m kujiri kom ku̱ ɗa gaɓi.

Luka 19:15

“Qu̱rse aa zu̱m kwaaɗarang, tu̱ ɗa gaɓ nu̱ kaari fan ndu̱ fan tu̱ qa maaviku ɓaranang ma tu̱k ɗyi nu̱ shiki ku ndu̱ mu̱zhindi nyin vu̱rki ye worang.

Luka 23:42

Tu̱ yang ze Yesu za, “Zhinerem gwaanji, to kwaari nga mbu̱ ta vi nu̱ mbu̱ kwaaɗar ɓaaro.”

Tlu̱nar ɓu̱ Pudeku 10:42

Chin ru̱kki rem za shem waazu ye nduki, chem saida ye wor nu̱ ɗyine chin ke njif nu̱ Magham datki ma ku̱ kuma nduki nu̱ke a nje nu̱ nyifiri kom ndu̱ nduki nu̱ mu̱tki.

Tlu̱nar ɓu̱ Pudeku 17:31

Ku̱me wa sa sarchi nu̱ke chin ka kumaki larji mbe zhire nu̱ ku̱nshe njif nggur nyin datki. Magham wa wut zhire ni shwat nu̱ daki nda nu̱ viɗi nu̱ nyifiri mbe mu̱ti.”

Romeku 2:16

Ku̱me nang, ba wa nu̱ Labar mbarkandi nu̱ke nga waazu ɓaran nang zu̱ki, ka ɓa kha wanang Fu̱ɗar nu̱ke Magham, nu̱ ku̱nshe Yesu Masiya ka ɓa kumaki ɗyiku nu̱ke a nje tukaran mbu̱ kwaari ɓu̱ nduki.

Kolosiyeku 3:4

Masiya ke nyifi ɓaanu zhirekandi. Mbu̱ a ɓa tu̱k, tun ka ɓa kha gha su̱yen ndu̱ chin tun gwa me ɓaanu mbe zhaaji ɓaran.

2 Tasalonikeku 2:8

Kom ka ɓa wut kuji tonggu̱rong nang ye dalangi, yang ye fu̱ɗar gaɓti ɓu̱ Zhinerem gwaanji Yesu, ba khu̱kheeti mbu̱ men, ka tu̱pa nda ɓar ɗyin zhakhɗye kwaaɗar ɓaran. Du̱mbu̱r yarang ɓar ɓaran ka su̱ya nda nu̱ gha.

1 Timoti 5:21

Nga ɓalar nang yoro gume Magham ndu̱ Masiya Yesu ndu̱ nu̱ ru̱ktiku ɓu̱ Magham nu̱ datki, yang to mbu ɗyiku nang ndolar ɗyin su̱ ɓa, yang wut na ta shim njif nggur tu̱ duk njif nggur ɓa.

2 Timoti 1:10

tu̱ yang wut mu̱nkirang yerem ye dalangi nu̱ ku̱nshe ɓar ɓu̱ Nu̱ Ɗanar ɓaarem Masiya Yesu. Chin su̱yaki mu̱ti nu̱ gha ta ɓa nu̱ nyifiri nu̱ke nu̱ka shi mu̱t ɓa yerem ye yarangi nu̱ ku̱nshe Labar Mbarkandang.

2 Timoti 2:14

To ki kor ɗyiku nang ye wora, to wu wor tu̱k gume Magham nu̱ ɗyine ku̱ ka shi keele bam bam ɗyine ɓalarku ɓa, ku̱me boota su̱ ɓa, ka su̱bu̱rkya nduki nu̱ke a tu̱ktan.

2 Timoti 4:18

Zhinkir gwaanji ka lawa nga ɓar mbe aa nyi ɗyi malkandi, ka khutlo nga, tu̱ ɗu̱ ndu̱ nga mbu̱ kwaaɗar ɓaran mbu̱ viɗi. Ku̱ zhaaji kha nda koɗokhsi shwat ɓa! Amin.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

1 Biturus 1:7

Buuriku nang a ɓa ma buu maito ɓaanu mbu̱ ɗya maito zhirekandi. Nduki ka buu ginarwa ndu̱ ɓai, yang ɗya ɗyi nu̱ka woɗaki. Wanang tu̱k a buu maito ɓaanu nu̱ dukki ginarwa zhaaji. Shir wanangang ka sa tu̱ maito ɓaanu a ɓa ndu̱ makhtar ye nu ndu̱ zhaaji ndu̱ gorkiri ye fu̱ɗar nu̱ke Yesu Masiya ka ɗa gaɓki.

1 Biturus 4:5

Yang Magham daasaran ma ku̱ kuma nu̱ nyifi ku ndu̱ nduki nu̱ mu̱tki. Ka shiga su̱ ɗyi nu̱ wor shiki gume nda.

1 Biturus 5:4

Mbu̱ tun wa shi wanang, ye fu̱ɗar nu̱ke Masiya chin Gorkir Nu̱ khutlorang ka ɗa ɓa ki, ka vu̱r ɗye zhar nu̱ zhaaji ye nu nu̱ke ɗyiman nu̱ka shi vi ɓar ɓa.

2 Bitu̱rus 1:11

Shir wanang ka sa tun gwa gaɗar mbarkandi ma viri nu̱ mbu̱ kwaaɗar ɓu̱ Zhinerem gwaanji nu̱ke nu̱ka shi woɗa ɓa ndu̱ nu̱ Nu̱ Ɗanar rem Yesu Masiya.

2 Bitu̱rus 1:17

Jiwa wa dlu̱ gorkir ndu̱ zhaaji she Magham Zhinki sarchi nu̱ Magham Nu̱ Zhaaji Nu̱ Dukki aa nu̱m gwaari zu̱ki yenda za, “Nang Yi ɓanga nga ndola nda; Memu̱nara mu̱n ndu̱ chin maɗyi.”

1 Yokhana 2:28

Leendang, tun qusonggi ɓang nu̱ke nga ndolaran zu̱m ma guma ndu̱ khar mbe Masiya, ku̱me fu̱ɗa ɓar ɓaran chem ɓu̱ tu̱k kawa ɓa chem ka kha ndu̱ shokhku̱rokh memu̱na gume nda.

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.