2 Timoti 3:8 - Mewar Alqawarang

⁸ A khar ku wa Janes ndu̱ Jambu̱res nu̱ shiki kare ku ndu̱ Musa, nduki ku nang tu̱k a kare ku ndu̱ zhire, kwaari ɓaanda wa sagha, maito ɓaanda ɗya nu̱ bamndi.

2 Timoti 3:8 ပူးပေါင်းရင်းမြစ်များ

Tlu̱nar ɓu̱ Pudeku 15:24

Chem wa gwa labaran za nduki nggur chele ɓaarem wa da khangkal ɓa nun viɗi tun damta nu̱ ku̱nshe ɓalarku nu̱ shiki ku, aa nu̱ke chem vu̱rki zalaleni ye wor ɓa.

Romeku 1:28

Nu̱ke wa zhang zu̱n Magham ku gha, tu̱ Magham njig wora tu̱ ku̱s kor ɗyi bamndiku tu̱ ka shi ɗyi nu̱ke nu̱ shipa ku ɓa.

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

1 Timoti 1:19

to khuɓ maito ɓaaro ndu̱ konyi mbarkandi. Ɓeeni nduki wa nggu̱ɗ ku mbe maito ɓaanda ku̱me wa zhang ɗyi nu̱ konyi ɓaanda zu̱ki ye wora.

1 Timoti 4:2

Pooni shogarku nang kaɗa vi she nu̱ lambarku nu̱ mu̱nar bamndi nu̱ke konyi mbarkandi ɓaanda mu̱tan, wa no za va nu̱ gha ndu̱ vi nu̱ke ɓai a si.

1 Timoti 6:5

ndu̱ khang keele ndu̱ nduki nu̱ke kwaari ɓaanda wa sagha, yang zhire kha wor ɓa. Pooni nduki nang a na mburi Magham ɗya njif gwar gu̱na.

2 Timoti 4:15

To ku̱r va ndu̱ chin tu̱k ku̱me wa shi kare ndu̱ wopar ɓaarem nang maɗyi.

Titus 1:10

Nduki a nje khang nu̱ke nu̱ka mbu zu̱r ɓu̱ dlegumeku ɓa, nu̱ ɓalarku nu̱ke ɗyin su̱ ɓa, nu̱ lambar ku, nu̱ shi wa ɓeeni Yakhudeku nu̱ gangki vaanda nu̱ ɗyin ɓalar dlarsi ɓa.

Titus 1:16

A zu̱ran ku ndu̱ me wor za wor wa zu̱n Magham, yang tlu̱nar ɓaanda wa ngga yen ndu̱ zu̱ndi Magham. Wa kha ma ɗye zhaane ku, nu̱ zhangndi tu̱kti maa, nu̱ shipa shir ɗyi mbarkandi ku ɓa.

2 Bitu̱rus 2:14

Aakochi a korkya laɓti nusu, nu̱ka nggum ku ndu̱ shir sola ɓa. A lamba nduki nu̱ke du̱mbu̱ran ku mbu̱ maito ɓaanda ɓa. Wa kha ku wang mbe melakh ɓaanda. Magham ka kuma pooni nduki nang shwat.

1 Yokhana 2:18

Tun qusonggi ɓanga, nang ke lauɗar su̱ qaandi virkirku. Ba wa nun tu̱kki za, nu̱ zhangndi Masiya a nje a ɓari, yang aa leendang nu̱ zhangndi Masiya ku khang a ɓa. Nang ke ɗyi nu̱ saki chem zu̱n za chem a mbu̱ lauɗar su̱ qaandiku.

1 Yokhana 4:1

Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.

Ɗyin mbu̱ tukari 2:20

Yang kap ndu̱ nang wonji ɗyi nu̱ke a nje khara ɗyinoro: ta khar kaɗanyi ndu̱ Jezebel nokhzi nu̱ka qaki varan za chin a mbu̱ annabi. Nu̱ ku̱nshe shogar ɓaran a zala pudeku ɓanga tu̱ ku̱s zawarku ndu̱ zu̱mndi ɗye zu̱mndi nu̱ shiki sadke su̱ ye mu̱lu̱mku.

Ɗyin mbu̱ tukari 2:6

Yang wonji ma nang kunakiro: Ta shi ɗyi mbarkandi no zhangki ɗye shirku ɓu̱ Nikolatiyekwang gha ba wa nu̱ke nga zhangki.