2 Timoti 3:6 - Mewar Alqawarang

⁶ Chele pooni nduki nang ɓeenan wa ka paɗa tu̱ ka vi nu̱ mbu̱ raftiku ɓu̱ nduki. Tu̱ ka za ɗyin nusuku nu̱ke nggu̱bu̱ngan ku yang solar wa duk du̱mbu̱r ɓaanda tu̱k, ndu̱ shimndi ɗyi malkandiku zum zum nu̱ke a nggum wora.

2 Timoti 3:6 ပူးပေါင်းရင်းမြစ်များ

Matta 11:28

“A ɓa ma sha kap ɓaanu, tun nu̱ke nun nggumki tun a bonye ndu̱ shipiti taɗakandi ku, ngga vu̱r maasi ye nu.

Matta 23:13

“Yang tun ɗye zhiyaye, tun Maalu̱m Taurete ku ndu̱ Pariseku, nu̱ lambarku! Tun wa za me vi viri nu̱ mbu̱ kwaaɗar viɗi.

Matta 23:14

Tun nu̱ ɗyinonu nun vi ɓa, yang tun a nggu̱tl zalale viri ye nu̱ viri ku ku̱ vi. Tun ɗye zhiyaye, Maalu̱m Taurete ku ndu̱ Pariseku, nu̱ mu̱narku! Tun wa ka zu̱m gu̱nar ɓu̱ nusuku nu̱ zhime wor mu̱tki, tun shi barar kirkandi ma ku̱ nduki na nu. Tun ka gwa kumar maɗyikandi ku̱me nang.

Matta 4:24

Tu̱ labar ɓaran dlu̱ maarang mbu̱ dlar ghai Siriya kap. Tu̱ ndukyang a ɓa ndu̱ kap nduki nu̱ke var wor mu̱n ɓa. Kom ndu̱ nduki nu̱ke a bonye ndu̱ khaatiku zum zum, ndu̱ nduki nu̱ke a tu̱k vaanda ndu̱ nu̱ khu̱kheetiku, ndu̱ nu̱ muɗyirku, ndu̱ zu̱ɓtiku. Tu̱ yang shaana wor nu̱gha kap.

Markus 4:19

Tu̱ damtar mbu̱ Larji ndu̱ shimndi gu̱na kom ndu̱ melakh ɗyiku zum zum ta ɓa tu̱ nggu̱tl ɓalarang ndu̱ gwaari nu̱ke nu̱ shi boota ɓa.

1 Korintiyeku 12:2

Tun wa zu̱n nu̱ ɗyine sarchi nu̱ke nun kha ma nu̱ mbu Yesu dong ɓa, wa lamba nu tun ki ghar ghai ye mu̱lu̱mku nu̱ke nyifi ve wor ɓa.

1 Timoti 5:6

Yang ku̱du̱w nokhzi nu̱ke a khar tu̱kti mu̱ndi ɓaran, mu̱tan aa nu̱ke a nje khurma.

1 Timoti 6:9

Nduki nu̱ke a shim ku̱ kha nda ma nu̱ gu̱na wa ka nggu̱ɗ nu̱ mbu̱ buuriku. Tu̱ zhan mbu̱ shaanggir shimndi ɗyi malkandiku zum zum, ndu̱ shimndi ɗyiku bam bam nu̱ke nu̱ shipa ɓa nu̱ka saki nduki tu̱ su̱bu̱ri tu̱ khu̱l ye mu̱ti.

Titus 1:11

Wa ku̱s ku̱ wu wor ku̱ kha yit ku, ma nu̱ke a lakhta raftiku khang nu̱ gha mbe shogar ɗyi nu̱ke nu̱ shipa ɓa ɓara ma ku̱ gwa nda gu̱na ve njiv batal.

Titus 3:3

Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.

2 Bitu̱rus 2:18

Nduki nang wa ka shi ɓalar bamndiku nu̱ gwaari ɗyin a boote nu̱ shimndi ɓu̱ man va, tu̱ ka dut nduki nu̱ke nu̱ shoɓ ndu̱ lawar chele nduki galkandi nang ɓa.

2 Bitu̱rus 3:17

Ku̱me nang, tun raptaku nu̱ke nga ndolaran, nu̱ke tun wa woɗa da mbu̱ ɗyiku nang, ku̱r ma vaanu ndu̱ pooni nduki nu̱ njigki mbu Magham nang. Ku̱ shogar wollo ɓaanda da khangkal ɓaanu ɓar tun nggu̱ɗi tun njig ye maa nu̱ke tun a si ɓa.

Yakhuda 1:16

Nduki nang ɗya nu̱ ruru ku, a na zop ɓu̱ nduki aakochi. Shimndi ɗyi malkandi ke kwaari ɓaanda. Nyeedlan ku ndu̱ ɓalar bamndi nu̱ makhtar ɗyin vaanda. A lamba nduki nu̱ maghar ɓalari ma ku̱ gwa nda ɗyiku ye var wora.

Yakhuda 1:18

Wa zu̱ ye nu ku za, “Ye lauɗar su̱ qaandi virkirku ndukiku nggur ka ɗa ɓa nu̱ ɓalar ndu̱mndi ku, ka mbu shimndi ɓu̱ ɗyin vaanda.

Yakhuda 1:4

Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.