2 Timoti 3:3 - Mewar Alqawarang

³ nu̱ song ndola, nu̱ khubti yen nu̱ mbu̱ memu̱na wora. Nu̱ su̱bu̱rti dlu̱m nduki, nu̱ song ku̱si ɗyin ku, nu̱ mu̱nar ku, nu̱ kare ku ndu̱ ɗyi mbarkandi.

2 Timoti 3:3 ပူးပေါင်းရင်းမြစ်များ

Matta 10:21

“Khachinki ka vu̱r mu̱dlen ma ku̱ tlagha nda, tu̱ zhinki vu̱r woi ɓaran tu̱k, qusongga yang ka nggu̱ɗ nu̱ ve nduk kudaandiku ɓaanda, ka sa tu̱ tlagha wora.

Matta 4:1

Kom tu̱ Jiimbi shakhshakhndi mbu nu̱ Yesu tu̱ ndu̱ mbu̱ gaari ma ku̱ Sheɗan a buuri nda.

Luka 10:16

“Kap njif nu̱ tu̱kki nu, a tu̱k kya nga. Kap njif nu̱ zhangki nu gha yang, zhang kya nga. Aaki nu̱ zhangki nga yang, zhang kya Magham nu̱ ɗa ru̱kki ngang.”

Luka 16:14

Nu̱ Pariseku nu̱ shimndi mu̱zhindi maɗyi a tu̱kki ɓalar nang, tu̱ dut me wor nu̱ ɗyine Yesu.

Yokhana 6:70

Tu̱ Yesu tlogha za, “Nga datki nu tun gwaanggu̱m rapndi nang ɓa goma? Yang da chele ɓaanu ɗya sheɗan.”

Romeku 1:29

A nje ku nyeedlan ndu̱ ɗyi galkandi, ndu̱ mu̱nari, ndu̱ melakh, ndu̱ ɗye shir malkandi ku. Nyeedlan ku ndu̱ zhiri malkandi, ndu̱ tlaghar mu̱ti, ndu̱ dakhlari, ndu̱ nyiglar maa, ndu̱ ɗyooti mbu. Ɗya nu̱ ndaana ku,

Romeku 1:31

Nu̱ nggarvar ku, ndu̱ nu̱ zhangndi nyedli alqawarku, ndu̱ nu̱ song ndolar ku, ndu̱ nu̱ song nar zhiyaye ku.

1 Korintiyeku 7:5

Ku̱ nduk da nggu̱tl mu̱dlen ɓa, buka mbu̱ke tun zu̱n gha zu̱zi ma ku̱ gwa nu sarchi tun shi barari. Yang tun a gaɓ nu̱ ve yen, ku̱ Sheɗan lamba nu ku̱me song ku̱si va ɓa.

1 Korintiyeku 7:9

Mbu̱ yang ɓu̱ ɗu̱ma ku̱s ɗyin wor ɓa, wa shipa ku̱ shi ɓu̱rti ku. Ku̱me ka duk nu̱ mbaari ku̱ shi ɓu̱rti ku ye ku̱ zawar ɓaanda duk du̱mbu̱r ɓaanda.

1 Tasalonikeku 4:8

Ku̱me nang aaki zhangki mbu shogar nang gha, zhangkya nduk ɓa, zhangkya Magham, chin nu̱ka vu̱rki Jiimbi ɓaran shakhshakhndi yenwang.

1 Timoti 3:11

Ku̱ nusuki ɓaanda tu̱k kha ndu̱ zhaaji, ku̱ kha ma nu̱ gu̱ndi virki ku ɓa, ku̱ ku̱s vaanda tu̱ shi zhire mbe ɗyi nu̱ke a shiran ku kap.

Titus 1:8

Me ɓu̱ nang ku̱ kha ma nu̱ dlu̱r runggiku, nu̱ shimndi shir ɗyi mbarkandi, njif nu̱ke ɗyinan ku̱san maɗyi, njif nu̱ke chingndan ɗyine zhire, njif nu̱ke shakhshakh, njif nu̱ke wuran.

Titus 2:3

Wanang tu̱k tun shoga ye geema nusuki ku̱ shi khar viti ku nu̱ shipaki ɓu̱ nusuki nu̱ mbu Yesu. Ku̱ kha ma nu̱ kotama ku ɓa, ku̱ zar ɗyema kha ma ɗye shir ɓaanda ɓa. Ku̱ shogakya ɗyi nu̱ke mbarkandi ɓara,

Yaqub 2:6

Yang ɓaanu, tun wa ka ndu̱m nu̱ nungndi ku. Yang nu̱ gu̱narkwang ke nu̱ ranna nu ku de? Wor ke nu̱ da zhaano ɓaanu nu̱ gume kumar ɓa goma?

2 Bitu̱rus 2:14

Aakochi a korkya laɓti nusu, nu̱ka nggum ku ndu̱ shir sola ɓa. A lamba nduki nu̱ke du̱mbu̱ran ku mbu̱ maito ɓaanda ɓa. Wa kha ku wang mbe melakh ɓaanda. Magham ka kuma pooni nduki nang shwat.

2 Bitu̱rus 2:19

A da alqawar gwar ɗyin ye nduki, yang wor ndu̱ vaanda ɗya maavi ɓu̱ ɗye shir malkandi ku. Ku̱me nduk a khar maavi ɓu̱ ɗyi nu̱ke a zalale ndu̱ chin.

2 Bitu̱rus 3:3

Gumapaali, zu̱n ma nu̱ ɗyine, ye lauɗar su̱ qaandi virkirku nduki nu̱ ɓalar ndu̱mndi ku ka ɗa vi a ɓalar ndu̱mndi ku. A mbu ɗyiku malkandi nu̱ wor shimki.

Yakhuda 1:16

Nduki nang ɗya nu̱ ruru ku, a na zop ɓu̱ nduki aakochi. Shimndi ɗyi malkandi ke kwaari ɓaanda. Nyeedlan ku ndu̱ ɓalar bamndi nu̱ makhtar ɗyin vaanda. A lamba nduki nu̱ maghar ɓalari ma ku̱ gwa nda ɗyiku ye var wora.

Yakhuda 1:18

Wa zu̱ ye nu ku za, “Ye lauɗar su̱ qaandi virkirku ndukiku nggur ka ɗa ɓa nu̱ ɓalar ndu̱mndi ku, ka mbu shimndi ɓu̱ ɗyin vaanda.

Ɗyin mbu̱ tukari 13:15

Tu̱ vu̱r zalale ye dlu gaari nu̱ rapndi nang ku̱ vu̱r dar nyifiri ye shipar ɓu̱ dlu gaari nu̱ gumapaalyang, ma ku̱ shi ɓalari, ma ku̱ sa ku̱ tlagha nduki nu̱ zhangki ghaari ghai gha yenda kap.

Ɗyin mbu̱ tukari 13:17

Shi wanang ma ku̱ aaki masa ɗyi nggur ɓa yang ku̱ masa ɓar ɓa kope lambe nang a nje ve nda, bakhtang chin ke, dlu̱m dlu gaarang kom ndu̱ lambe dlu̱man.

Ɗyin mbu̱ tukari 16:6

Jiwa nduki wa mbu̱t tom ɓu̱ daatiku ɓaaro ndu̱ ɓu̱ annabiku. Yang wonji ta vu̱r tom ye wor ku̱ za ku, nang ke ɗye ɓi ɓaanda ɗo!”

Ɗyin mbu̱ tukari 17:6

Tang na nu̱ke nokhzi nang wa kuya ndu̱ tom ɓu̱ nduki ɓu̱ Magham ndu̱ tom ɓu̱ nduki nu̱ tlaghaki wor ku̱me saidar Yesu nu̱ shiki ku. Nang naki nda, tu̱ shi lazham ya maɗyi.