2 Timoti 3:2 - Mewar Alqawarang

² Ku̱me nduki ka kha ma nu̱ shimndi ɗyin vaanda, nu̱ ndolar mu̱zhindi ku, nu̱ wakhti ku, nu̱ gwaari ɗyin ku, nu̱ pu̱ziku bam bam. Nu̱ song tu̱kti man nda ndu̱ zhin nda, nu̱ song wuti kuna, nu̱ shimndi khar mbu̱ zop ku,

2 Timoti 3:2 ပူးပေါင်းရင်းမြစ်များ

Matta 15:6

Na wa wuɗ za nu̱ ku̱s ku̱ vu̱r gorkir ye zhinang ɓa. Tun wa gaɓ ndu̱ ɓalar ɓu̱ Magham ma ɗyi bamndi ku̱me me ghai ɓaanu.

Luka 12:15

Tu̱ zu̱m guma ndu̱ zu̱ran ye wor za, “Ku̱r ma vaanu, ka shi nu khape ɓa, aa gu̱nar ɓu̱ nduk khang wa nu̱m, chin ke nyifi ɓaran ɓa.”

Luka 16:14

Nu̱ Pariseku nu̱ shimndi mu̱zhindi maɗyi a tu̱kki ɓalar nang, tu̱ dut me wor nu̱ ɗyine Yesu.

Luka 6:35

Yang tunu, ndola ma nu̱ zhangndi ɓaanu, tun shi mbarkir ye wora tun vu̱r kudum ye wor aa ɓu̱ gaɓ si ɓa. Mbu̱ tun wa shi wanang, ɗye ɓi ɓaanu khang viɗi, tun ka kha ma qusonggi ɓu̱ Magham nu̱ viɗi, ku̱me wa ka shi mu̱nkir ye nu̱ mu̱narku ndu̱ nduki nu̱ song wuti kuna.

Tlu̱nar ɓu̱ Pudeku 5:36

Mbu̱ sonyiriku nu̱ peetaki, khuski nggur a ɓa za chin a mbu̱ Tiyodas, nu̱ daki ɗyinan ma ɗyi ngguri. Nu̱ mburi nda ku wa khu̱l won vat, yang nu̱ tlaghaki nda nu̱ gha tu̱ lakhta nu̱ mburi nda kwang nu̱gha tu̱ maaran woɗa.

Romeku 11:18

Ku̱me nang shi nu wakhti ye me bu̱n qu̱farku nu̱ ku̱rtaki nu̱gha ku nang ɓa. Mbu̱ tun wa shi wakhti, tun kor nang; tun kya ku̱s dlu̱dlarsi qu̱farang ɓa dlu̱dlarsi qu̱farang kya ku̱si nu.

2 Korintiyeku 5:15

Yang nu̱ke mu̱t ku̱me nduki kap, ma ku̱ nduki nu̱ke a nje nu̱ nyifi, shi khar ɓaanda me ɗyin wor gana fan ɓa, yang ku̱ shikya khar ɓu̱ njif nu̱ mu̱tki ku̱me wora. Tu̱ ji ndu̱ chin ɓar mbe mu̱ti ku̱me wor tu̱k.

Filipiyeku 2:21

Aaki damtakya nu̱ ɗyi ɓaran ɗyenda, nu̱ damta nu̱ ɗyi ɓu̱ Yesu Masiya ɓa.

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).

2 Tasalonikeku 2:4

Chin ka ɓa shiki kare, tu̱ ɓa shi gwaari ɗyin tu̱ ɓa da ɗyinan guma ndu̱ ɗyi nu̱ke dlu̱m Magham a nje mban kap, ndu̱ ɗyi nu̱ka gharki ghai yenda. Ka ɓaa khan mbu̱ rafti ɓu̱ Magham, tu̱ ɓa zu̱ za chin ke Magham nggwa.

1 Timoti 1:20

Khimeniyus ndu̱ Alekhzanda a mbu̱ pooni nduki nang, nga vu̱r wor ye Sheɗan ma ku̱ gwa shogar ku ku̱ njig ɓalar ndu̱mndi ye Magham.

1 Timoti 1:9

Chem wa zu̱n tu̱k za nu̱ vu̱r bibitang ye nu̱ dambu ɓa. Yang vu̱r bibitang ye nu̱ zhar bibitiku ndu̱ nu̱ zhangndi tu̱kti maa ku, ndu̱ nduki nu̱ke nu̱ zu̱n Magham ku ɓa. Kom ndu̱ nu̱ solarku, ndu̱ nduki nu̱ke shakhshakh ɓa, ndu̱ nduki nu̱ zhangki mburi njiv ɓu̱ Magham gha. Vu̱r bibitang ye nu̱ tlaghar zhin nda ndu̱ man nda, ndu̱ nu̱ ɗakhti ɗyinku.

1 Timoti 3:3

Ku̱ kha ma njif nu̱ke nu̱ka za ɗyema ɓa, yang nu̱ lu̱kshi ɓa nu̱ ɗu̱bar memu̱na, njif nu̱ke varan buran nu̱ka shim keele ɓa, yang nu̱ vu̱r varan ye ndolar mu̱zhin ɓa.

1 Timoti 6:10

Jiwa shimndi mu̱zhin ke dlu̱dlarsi aa nyi pooni mu̱na. Ku̱me shimndi mu̱zhin ɓeeni nduki wa gal gha mbe maito nang tu̱ ɗa dut chiti mbi ye var wor maɗyikandi.

1 Timoti 6:4

njif nang ɗya nu̱ gwaari ɗyin, yang nu̱ zu̱n aa nu̱m ɓa. Nu̱ taman ɗyi mbarkandi ɓa a shimkya keele ndu̱ dakhla ɗyine ɓalarku. Ai ɗyi nang ke nu̱ ɓar ndu̱ zhiri ndu̱ dakhla, ndu̱ pu̱ziku ndu̱ tamandi ɗyi malkandiku nu̱ ɗyine nduki,

2 Timoti 3:4

Nu̱ zu̱mndi amana, nu̱ wakho nu̱ke ɗyin su̱ ɓa, nu̱ nggu̱nggal ku, nduki nu̱ shimndi tu̱kti mu̱ndi tu̱ duk shimndi Magham.

Yaqub 2:8

Ka shi mbar mbu̱ tun wa mbu bibiti nu̱ kwaaɗar ɓu̱ Magham nu̱ke a nje bu̱laran mbu̱ bu̱lar Ɓalar ɓu̱ Magham za, “Ndolo nu̱ bing ɓaaro wa vaaro.”

Yaqub 4:16

Yang wonji leendang tun a gwaari ɗyin, tun a wakhti. Ai, pooni gwaari ɗyin nang mbar ɓa.

Yaqub 4:6

Yang Magham a nje a shaata mu̱nkir khangndi yerem, nang ke ɗyi nu̱ saki tu̱ bu̱lar Ɓalar ɓu̱ Magham zu̱ za, “Magham wa zhang nu̱ gwaari ɗyin, yang wa ka shi mu̱nkir ye nu̱ ɓu̱tokh memu̱na.”

1 Biturus 5:5

Wanang tu̱k tun nyakhtlirku, mbu ma zu̱r ɓu̱ nduki nu̱ke a guma ye nu kap ɓaanu. Wut ma katar ɗyin ye yen, jiwa a nje bu̱laran za, “Magham wa zhang nu̱ gwaari ɗyin, yang wa ka shi mu̱nkir ye nu katar ɗyin.”

2 Bitu̱rus 2:10

Ɗya kumar gu̱rgu̱rndi ɗyine nduki nu̱ke a mbu shimndi malkandi ku nu̱ man va, kom ndu̱ nduki nu̱ke a ndu̱m nu̱ kwaaɗarku. Maalu̱mku nu̱ lambar nang, kawa ve wor ɓa! Ɗya nu̱ gwaari ɗyin ku. Nu̱ka tu̱k sawar ku̱ pu̱z nda jiimbiku nu̱ zhaaji nu̱ke a mbu̱ viɗi she Magham ɓa.

2 Bitu̱rus 2:12

Yang nduki nang, a ɓalar ndu̱mndi ku ve Magham ɗyine ɗyiku nu̱ke nu̱ zu̱n ku ɓa. A nje ku wa dlu gaariku nu̱ke khangkal ve wor ɓa, a mbukya ɗyi nu̱ke man var wor a shimndan ɗyenda. Kha wor ma ku̱ ku̱s wor tu̱ tlagha nu̱ gha. Ai, ka mu̱t ku ba wa no za ɗya dlu̱ gaari ku.

2 Bitu̱rus 2:18

Nduki nang wa ka shi ɓalar bamndiku nu̱ gwaari ɗyin a boote nu̱ shimndi ɓu̱ man va, tu̱ ka dut nduki nu̱ke nu̱ shoɓ ndu̱ lawar chele nduki galkandi nang ɓa.

2 Bitu̱rus 2:3

Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.

Yakhuda 1:16

Nduki nang ɗya nu̱ ruru ku, a na zop ɓu̱ nduki aakochi. Shimndi ɗyi malkandi ke kwaari ɓaanda. Nyeedlan ku ndu̱ ɓalar bamndi nu̱ makhtar ɗyin vaanda. A lamba nduki nu̱ maghar ɓalari ma ku̱ gwa nda ɗyiku ye var wora.

Ɗyin mbu̱ tukari 13:1

Tang na dlu gaari nggur a viri mbu̱ gaawu gwaanji. Domndi gwang a nje ve dlu gaarang, ndu̱ ɗyinku wor mut. Ɗye zhar a nje ve aa nyi domndi da, yang dlu̱m a nje bu̱laran nu̱ wuti ndu̱mndi ye Magham ve ɗyinkwang kap.

Ɗyin mbu̱ tukari 16:11

tu̱ wut ndu̱mndi ye dlu̱m Magham ku tu̱k ku̱me bonye nu̱ke a mban ku ndu̱ mbirku nu̱ke a ve var wora. Yang tu̱ zhang nggoɗ memu̱na wor ku gha ma ku̱ njig tlu̱nar malkandiku nu̱ke a shiran kwang.

Ɗyin mbu̱ tukari 16:21

Tu̱ gotormolku gwaanji gwaanji, nu̱ke taɗar ɓaanda wa khu̱l kilo ɗyin qurmun tu̱ ɗa nggu̱ɗ viɗi nu̱ ɗyine nduki tu̱ ndukyang pu̱z Magham ku ku̱me bonye gotormolang, nu̱ke bonyang wa shi maatlin maɗyi!

Ɗyin mbu̱ tukari 16:9

Tu̱ gu̱rgu̱r fu̱ɗar maɗyikandang va nduki, tu̱ ndukyang wut ndu̱mndi ye dlu̱m Magham, chin nu̱ke zalale alobeku nang a mbu̱ kharan. Yang nu̱ nggoɗ memu̱na wor ku tu̱ vu̱r zhaaji yenda ɓa.