2 Timoti 3:16 - Mewar Alqawarang

¹⁶ Kap bu̱lar Ɓalar ɓu̱ Magham piiran a vi she nda, boota su̱ tu̱k ma shogari, ndu̱ duti dlu̱mdi, ndu̱ kwaaɗar khar viti ɓu̱ nduku, ndu̱ ɗu̱rti nduk ve njiv toropndi.

2 Timoti 3:16 ပူးပေါင်းရင်းမြစ်များ

Matta 13:52

Ku̱me nang tu̱ ze wor za, “Kap Maalu̱m Taurete nu̱ dlu̱ki shogar ɓu̱ kwaaɗar mbu̱ viɗi, wa shipa nu̱ rafti nu̱ka fedki du̱ngndi mewakandi ndu̱ gu̱makandi mbu̱ gu̱nar ɓaran.”

Matta 21:42

Tu̱ Yesu ze wor za, “Alapa nun na bu̱laran mbu̱ lagarkati ɓu̱ Maghamang ɓa goma? A nje bu̱laran za, ‘Ndogdi ni nu̱ du̱ndiku zhangki ghang, chin khaki ma ndogdi nu̱ dukki boote mbu̱ du̱ndang kap. Na ɗya shir ɓu̱ Magham, yang tu̱k a khar ɗye lazham ye nar ɓaarem.’

Matta 22:43

Tu̱ Yesu ze wor za, “Yang shi kikimndi tu̱ Dauda ku̱n she zalale ɓu̱ Jiimbi Shakhshakhndi qa nda za, Zhinkir ɓang gwaanji?” Dauda wa zu̱ za,

Matta 26:54

Yang ɗyi nu̱ bu̱lar lagarkati ɓu̱ Magham zu̱ki za ka shang ka nyel kikimndana?”

Matta 26:56

Yang ɗyinang shi kap ma ku̱ nyel ɗyi nu̱ke a nje mbu̱ lagarkati ɓu̱ annabikwang.” Tu̱kti wanang tu̱ nu̱ mburi nda kwa kap njigti nda tu̱ ɗa vaanda.

Markus 12:24

Tu̱ Yesu tlogha ye wor za, “Tun a sagharang ku̱me song zu̱ndi lagarkatiku ndu̱ zalale ɓu̱ Magham de?

Markus 12:36

Yang Dauda wa zu̱ ndu̱ men nu̱ ku̱nshe Jiimbi Shakhshakhndi za, Magham wa ze Zhinkir ɓang gwaanji za, “khon ve bu̱na nu̱ zu̱ma, kope nga sa nu̱ zhangndi ɓaa ku, tu̱ kha ma ɗye du̱ngndi saroro.”

Yokhana 10:35

‘Yang chem wa zu̱n Bu̱lar ɓalar ɓu̱ Magham nu̱ka zu̱ wollo ɓa, mbu̱ Magham wa qa nduki nu̱ tu̱kki ɓalar ɓaran maghamndiku,’

Yokhana 3:20

Kap njif nu̱ke a tlu̱na ɗyi malkandi wa ka zhang yarangang gha, yang ɓu̱ ɗa ɓa she yarangang zu̱m ɓa ku̱me a sawa ku̱ ɗye shir ɓaran a vi ye dalang ɓa.

Tlu̱nar ɓu̱ Pudeku 1:16

Tu̱ zu̱ za, “Nyeezaku, wa ku̱s ku̱ ɓalar nu̱ Magham nu̱ Jiimbi ɓu̱ Magham zu̱ki nu̱ ku̱nshe Dauda ɗyine Yakhuda njif nu̱ shiki dle gume ye nduki nu̱ ku̱ski Yesu nyedli.

Tlu̱nar ɓu̱ Pudeku 18:25

Wa shoga njiv ɓu̱ Zhinerem gwaanji yenda. Wa kha wang maɗyi mbu̱ ɓala. Wa ka shoga zhire ɓu̱ Yesu ɓar maɗyi, yang zu̱n kya baptisme ɓu̱ Yokhana ɗyenda.

Tlu̱nar ɓu̱ Pudeku 20:20

Nang laada zu̱ aa nyi tunu nang naki ka kha ye nu ndu̱ boota ɓa, nga waazu ndu̱ shogar ye nu ye dalangi ndu̱ mbu̱ rafa rafa.

Tlu̱nar ɓu̱ Pudeku 20:27

ku̱me nang zhang zu̱ kap shimndi ɓu̱ Magham gha ye nu ɓa ɗo.

Tlu̱nar ɓu̱ Pudeku 28:25

Ku̱me nang nu̱ da mbu̱ ɓu̱ yen ku ɓa. Me ku̱ njig ye maaranang ku, tu̱ Bulus zu̱ za, “Alapa Jiimbi shakhshakhndi wa shi zhire nu̱ shiki ɓalar ye zhikaneremku nu̱ ku̱nshe annabi Yishaya. Nu̱ zu̱ki za,

Romeku 15:4

Jiwa kap ɗyi nu̱ bu̱laki zhu mbu̱ bu̱lar Ɓalar ɓu̱ Magham bu̱la ma shoga tun yerem. Ma ku̱ kha mi ndu̱ sar memu̱na mbe kaɗanyi, ndu̱ par du̱mbu̱r nu̱ke bu̱lar Ɓalar ɓu̱ Magham a vu̱rtan yerem ku̱me gwami sar memu̱na.

Romeku 2:20

nu̱ shogar ye nggu̱bu̱ngku ndu̱ maalu̱m ɓu̱ nduki nu̱ke kwaari ɓaanda wa ɓu̱ qusongga. Ta zu̱n tu̱k nu̱ ɗyine zu̱ndi nyelkandi ndu̱ zhire a nje mbe Bibitang.

Romeku 3:2

I ɗo, boota su̱ shwat, ve aa nyi njiva! Gumapaali, Magham vu̱r ɓalar ɓaran nu̱ mbu̱ khar Yakhudeku.

Romeku 4:23

Ai, ɓalar nu̱ zu̱ki za, “wa shiga maito ɓaran tu̱ kha ma dambu yendang,” bu̱la ku̱me chin ɗyenda ɓa.

1 Korintiyeku 12:7

Magham wa shi vu̱rti nu̱ wutki khar ɓu̱ Jiimbi shakhshakhndi mbe aa nyi nduku, ma ku̱ aaki gwa boote ni.

Galatiyeku 3:8

Bu̱lar Ɓalar ɓu̱ Magham wa zu̱ zhu za ɓeeni nduki nu̱ke ɗya Yakhudeku ɓa ka gwa khar waare sola gume Magham nu̱ ku̱nshe maitar nda. Ku̱me zhu wa zu̱ Labar Mbarkandang ye Yibram za, “Larji kap ka gwa barke nu̱ ku̱n shoro.”

2 Timoti 2:25

Kom ku̱ wu nduki nu̱ke a kare ndu̱ shogar ɓaran mbe ɓu̱tokh memu̱na, bai Magham ka vu̱r maa ye wor tu̱ nggoɗ ku tu̱ zu̱n zhire.

2 Timoti 4:2

Shi waazu ɓu̱ ɓalar ɓu̱ Magham; to kha daasaran aa zalala nje aa a nje ɓa; to ɗu̱r nduki, to wu wora, to pa du̱mbu̱r ye wora ndu̱ kaɗanyi maɗyikandi ta shogaran ɓara.

Yibraniyeku 11:1

Maito ke zu̱ndi zhire ɓu̱ ɗyi nyem saki memu̱na rem nu̱ ɗyinan, ɗya maitar ɗyi nu̱ke yiterem nu̱ na ɓa.

Yibraniyeku 3:7

Ku̱me nang, ba wa nu̱ Jiimbi shakhshakhndi zu̱ki, “Meeni mbu̱ tun wa tu̱k su̱qur Magham a ɓalari,

Yibraniyeku 4:12

Ɓalar ɓu̱ Magham nyifi si yang a tlu̱na shwat, me nang nyamnyam wa duk aa nyi kaskar nu̱ke men rap. Wa ka vi nu̱ mbe nduku, tu̱ mber chele ɓu̱ jiimbi nduku ndu̱ nyifiri ɓaran, tu̱ vi chele ɓu̱ mebarku ndu̱ ɓolgo. Wa ka kuma kwaari ɓu̱ nduku ndu̱ ɗyi nu̱ ku̱rki mbu̱ memu̱naran.