2 Timoti 3:15 - Mewar Alqawarang

¹⁵ Kor nu̱ ɗyine ta shoga bu̱lar Ɓalar ɓu̱ Magham shakhshakhndi nu̱ shogaki njiv gwar ɗanar yoro nu̱ ku̱nshe maitar Masiya Yesu ji ɓa woi koɗomma.

2 Timoti 3:15 ပူးပေါင်းရင်းမြစ်များ

Matta 22:29

Tu̱ Yesu tlogha ye wor za, “Tun sagharan ku̱me nun zu̱m ɓalar ɓu̱ Magham ɓa, yang nun zu̱n zalale ɓaran zum ɓa.

Luka 1:15

Ku̱me ka kha ma nduk gori she Magham, yang ɓu̱ za ɗyema ndu̱ aa nyi ɗyi nu̱ka kuyaki nduk ɓa. Ka nyel nda ndu̱ Jiimbi shakhshakhndi me ku̱ kha nda.

Luka 2:40

Tu̱ woyang shi gori ndu̱ du̱mbu̱r mbu̱ jiimba, nyeedlan ndu̱ kaɗari, mu̱nkir ɓu̱ Magham a su̱yen ndu̱ chin.

Luka 24:27

Tu̱ mbakh mbu̱ ɗyi nu̱ lagarkatikwang zu̱ki nu̱ ɗyine nda, nggaasan ɗyin Musa nu̱ annabiku kap.

Luka 24:32

Tu̱ nggaasi ɓalar chele ɓaanda a zu̱ran ku za, “Woɗye nu̱ memu̱na rem qushumnderem sarchi nu̱ke a ɓalar ndu̱ chem yiti njiva kom ndu̱ sarchi nu̱ke a zu̱ mbu̱ lagarkati ɓu̱ Maghamang yerem de?”

Luka 24:45

Tu̱ yang qu̱n ɗyin wor nu̱ gha ma ku̱ da mbu̱ ɗyi nu̱ Lagarkatikwang zu̱ki.

Yokhana 5:47

Yang mbu̱ nun maita ɗyi nu̱ bu̱laki ɓa, tun ka maita ɓalar ɓang kikimnda?”

Tlu̱nar ɓu̱ Pudeku 10:43

Annabikwang kap wa saida nda za aaki maitaki nda ka gwa yaapar solar ɓaran nu̱ ku̱nshe dlu̱man.”

Tlu̱nar ɓu̱ Pudeku 13:29

Nu̱ nyeelki kap ɗyi nu̱ bu̱laki nu̱ ɗyine ndang, ta shurti nda nu̱ yaghai me qu̱far katlang, tu̱ sa nda nu̱ mbu̱ ku̱jipi.

Tlu̱nar ɓu̱ Pudeku 16:1

Tu̱ Bulus ɗu̱ Darbe ndu̱ Listu̱ra. Yang nu̱ mbu Yesu nggur a nje dlu̱man za Timoti, man ɗya nu̱ mbu Yesu tu̱k yang me ghai ɓaran ɗya Yakhuda, zhin ɗya me ghai Gu̱rik.

Tlu̱nar ɓu̱ Pudeku 17:2

Tu̱ Bulus vi nu̱ she wora ba wa nu̱ su̱nki shiran, tu̱ Fu̱ɗar Maasi kunung peeta gaanje yen a keele ndu̱ wora mbu̱ bu̱lar ɓalar ɓu̱ Magham.

Tlu̱nar ɓu̱ Pudeku 26:24

Bulus a mbe ɓalarang tu̱ Festus shi ɓalar ndu̱ du̱mbu̱r tu̱ zu̱ za, “Bulus to yirtan! Khang zu̱ndi no shiki wa mbu̱m ɗyinor nu̱gha!”

Romeku 1:2

Magham wa shi alqawar Labar mbarkandi nang zhu tang nu̱ ku̱nshe annabiku ɓaran, ba wa nu̱ke a nje bu̱laran mbu̱ bu̱lar Ɓalar ɓu̱ Magham shakhshakhndi.

Romeku 16:26

yang leendang a ɗal ye dalangi nu̱ ku̱nshe bu̱larku ɓu̱ annabiku. Nu̱ ku̱nshe zu̱r ɓu̱ Magham nu̱ke lauɗarsi ve nda ɓa, yang wa wut ɗyen tu̱k ye nduki kap, ma ku̱ maita ku ku̱ mbu.

Romeku 2:27

Nduki nu̱ke su̱ wor dlaran ɓa yang a tlu̱na ɗyi nu̱ Bibitang zu̱ki, ka kuma ro, to nu̱ke bu̱lar Bibitang a nje khaaro, wonji ta dla soro nu̱gha tu̱k, yang no ka mbu zu̱r ɓu̱ Bibiti ɓu̱ Maghamang ɓa.

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

Afiseku 6:4

Tun zhinkirku, ku̱ sa nu qusonggi ɓaanu tu̱ shi shokhna ɓa, tun moola wor mbe shogar ndu̱ wuri mbe njiv ɓu̱ Zhinkir gwaanji.

1 Timoti 4:13

To ki karanta Bu̱lar ɓalar ɓu̱ Magham ye nduki, ta wopa ɓalarang ndu̱ shogaran ɓara kope nga gaɓi.

2 Timoti 1:1

Lagarkati nang a vi she Bulus pude ɓu̱ Masiya Yesu wa nu̱ Magham shimki tu̱ ru̱kti nga ma ku̱ zu̱ nga alqawar nyifi nu̱ke a mbe Masiya Yesu.

2 Timoti 1:5

Wa kor maito ɓa zhirekandi ya, nang ke pooni maito ɓu̱ zhiko Loyis, ndu̱ mo Yunis, yang leendang nga zu̱n shwat a nje mbe ro.

2 Bitu̱rus 3:16

Wa ka shi ɓalar ɗyine pooni ɗyiku nang aakochi mbu̱ lagarkatiku ɓaran. Mbu̱ lagarkatiku ɓaranang yang ɓeeni ɗyiku a nje nu̱ke shar ku̱ nduk da mban. Nang ke ɗyiku nu̱ke nduki nu̱ song zu̱ndi ku, nu̱ke maito ɓaanda khukhutan, a mbu̱m mbu̱ ɓalarang nu̱gha ku, ba wa nu̱ka shiki ku ye ɓeeni bu̱lar Ɓalar ɓu̱ Magham ku. Ai, nduki nang a dut mu̱ti ye ɗyin wora.

Ɗyin mbu̱ tukari 19:10

Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.