2 Timoti 3:12 - Mewar Alqawarang

¹² Shwat aaki nu̱ shimki ku̱ shi khar viti ɓaran ndu̱ ɗye shir mbarkandi ɓu̱ Magham mbe Masiya Yesu ka za bonye.

2 Timoti 3:12 ပူးပေါင်းရင်းမြစ်များ

Matta 16:24

Tu̱ Yesu ze nu̱ mburi nda kwang za, “Kap njif nu̱ke a shim mburi nga, ku̱ zhang ɗyinan gha tu̱ da qu̱far kaatli varan tu̱ mburi nga.

Matta 23:34

Ku̱me nang ngaa ru̱kti ndu̱ annabiku, ndu̱ nu̱ kaɗariku ndu̱ Maalu̱mku. Tun ka tlagha ɓeenan, tun katl ɓeenan gha me qu̱fari, tun shi dlabti ye ɓeenan mbu̱ kib tabarku ɓaanu, tun a mbu wor ghai ghai tun a vu̱r bonye ye wora.

Markus 10:30

Ka gwa raftiku, ndu̱ khachinkirku, ndu̱ mankir ku ndu̱ qusonggiku, ndu̱ damku, ndu̱ bonye khang. Yang fu̱ɗar wuri ka gwa nyifi nu̱ke ɓu̱ shi woɗa ɓa.

Yokhana 16:2

Ka komba nu ku ɓar mbu̱ maa tabar ɓaanda. Sarchi a nje a ɓari shwat nu̱ke aaki tlaghaki nu ka taman za chin a shikya tlu̱nar ɓu̱ Magham.

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Yokhana 17:14

Nga zu̱ ɓalar ɓaa ye wora. Yang larji wa wut zhangndi ye wor nu̱ke ɗya ɓu̱ larji ku ɓa, ba wa nu̱ke nga ɓu̱ larji ɓa.

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

1 Korintiyeku 15:19

Mbu̱ sar memu̱nar nu̱ke chem a shiran mbe Masiya nang, ku̱me nyifi nu̱ke ka lauɗan fan larji ɗyenda, tu̱ga chem wa duk aaki khar ma ɗye zhiyaye.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 4:9

Wa ka vu̱r bonye yerem, yang sar da nu̱ Magham nggarem gha ɓa. Wa ghwaterem nu̱ yaghai, yang nyem mu̱ɗ ɓa.

1 Timoti 2:2

Tun shi wanang tu̱k ye kujiku ndu̱ nu̱ kwaaɗarku kap, ma ku̱ gwa mi khar mu̱ndi ndu̱ qaandi memu̱nar mbu̱ sawar Magham maɗyikandi ndu̱ khar viti shakhshakhndi ve aa nyi njiva.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

1 Timoti 6:3

Aaki shogaki ɗyi nggur ɓar zum nu̱ke nu̱ kha torop ndu̱ ɓalar ɓu̱ Zhinerem gwaanji Yesu Masiya ɓa, yang ɗya shogar ɓu̱ Magham ɓa,

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

Titus 2:12

Mu̱nkir nang a shogaran yerem za, ku̱ zhang mi ɗye shir ku nu̱ke ɗya ɓu̱ Magham ɓa, ndu̱ shimndi ɗyiku nu̱ larji gha, chem ku̱s ɗyinerem, chem kha ma nu̱ dambi, ndu̱ pooni ɗye shir ɓu̱ Magham mbu̱ larji nang.

1 Biturus 3:14

Mbu̱ yang tun ka za bonye ku̱me shir ɗyi nu̱ke torop, barkya ve nu. Ku̱me nang “Tu̱k nu sawar ɓu̱ ɗyiku nu̱ke a sawaran ku ɓa, yang ku̱ damta nu ndu̱ wor zum ɓa.”

2 Bitu̱rus 3:11

Yang nu̱ke ka ɓa su̱ya ɗyiku nang nu̱gha kap wanang, shipa ku̱ khar ɓaanu kha kikimndana? Shi ma khar viti shakhshakhndi, tun vu̱r vaanu ye sawar Magham mbe aa nu̱m.

Ɗyin mbu̱ tukari 12:4

Tu̱ yang koo da mbe kunung ɓu̱ anjinjeku nu̱ke a mbu̱ viɗi ndu̱ gaandan ta wos wor yaghai. Kom tu̱ Su̱tang ching nu̱ gume nokhzang, a ku̱r ku̱ nji nji woyang ɓara mbu̱ nokhzang wa khan dam.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.