2 Timoti 2:8 - Mewar Alqawarang

⁸ Kor nu̱ ɗyine Yesu Masiya nu̱ jiiki ndu̱ chin ɓar mbe mu̱ti, a viki me sham ɓu̱ Dauda. Nang ke Labar mbarkandi nu̱ke nga woparanang.

2 Timoti 2:8 ပူးပေါင်းရင်းမြစ်များ

Matta 1:1

Nang ke lagarkati dlu̱dlarsi zhikankirku ɓu̱ Yesu Masiya zhikan Dauda zhikan Yibram.

Luka 24:46

Tu̱ ze wor tu̱k za, “Bu̱laran wanang mbu̱ Lagarkatikwang za wa ku̱s ku̱ Masiya za bonye, tu̱ yang ji mbe mu̱ti ye fu̱ɗar nu̱ kunung.

Tlu̱nar ɓu̱ Pudeku 13:23

“Magham a ɓa ndu̱ nu̱ ɗanari ye Israila ve me sham ɓu̱ khuskinang, chin ke Yesu, ba wa nu̱ daki alqawaran.

Tlu̱nar ɓu̱ Pudeku 2:24

Yang tu̱ Magham ji ndu̱ chin ɓar mbe mu̱ti, tu̱ lawa nda ɓar mbe zalale ni. Ku̱me ɓu̱ shi ku̱ mu̱ti khubti nda ɓa.

Tlu̱nar ɓu̱ Pudeku 2:30

Yang ɗya annabi nu̱ zu̱nki za Magham wa shi alqawar yenda ndu̱ ku̱mndar nu̱ ɗyine chin ka vu̱r kujiri ye da mbu̱ pooni ɓaran, ba wa nyin vu̱rki kujiri yenda.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

Romeku 2:16

Ku̱me nang, ba wa nu̱ Labar mbarkandi nu̱ke nga waazu ɓaran nang zu̱ki, ka ɓa kha wanang Fu̱ɗar nu̱ke Magham, nu̱ ku̱nshe Yesu Masiya ka ɓa kumaki ɗyiku nu̱ke a nje tukaran mbu̱ kwaari ɓu̱ nduki.

1 Korintiyeku 15:1

Yang leendang, nyeezaku, nga shim ku̱ kor nga Labar mbarkandi nang zu̱ki ye nwang ye nu, chin labar nun dlu̱ki, tun ching nu̱ ɗyinanang.

1 Korintiyeku 15:4

Wa pa nda gha, wa ji ndu̱ chin ye fu̱ɗar nu̱ kunung, ba wa nu̱ke a nje bu̱laran,

2 Tasalonikeku 2:14

Qa nu nu̱ ku̱nshe Labar mbarkandi nyem vu̱rki yenwang, ma ku̱ gwa nu me ɓaanu mbu̱ zhaaji ɓu̱ Zhinerem gwaanji Yesu Masiya.

1 Timoti 1:11

Nang ke shogar nu̱ khaki torop ndu̱ Labar mbarkandi nu̱ zhaaji nu̱ke Magham nu̱ barka vu̱rki ya ma ku̱ wopa nga.

1 Timoti 2:7

Nang ke ɗyi nu̱ saki tu̱ daati nga tang kha ma pude ndu̱ nu̱ wopar ɓalarang. Nga ke maalu̱m nu̱ shogar ye kap nduki nu̱ke ɗya Yakhudeku ɓa mbu̱ maito zhirekandi. Ɗyi nu̱ke nga zu̱ran nang ke zhire ni, kotama nje mban ɓa.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

2 Timoti 2:7

To shi kwaari ɗyine ɗyi nang zu̱ki yor nang, ku̱me Zhinkir gwaanji ka sa to da mbu̱ aa nu̱m kap.

Ɗyin mbu̱ tukari 5:5

Tu̱ yang da chele ɓu̱ ndukkudaandiku nang shi ɓalar ya za, “Shi na gho ɓa! Nggu̱ɗu! Mu̱zamndi nang, nu̱ ɗa viki me sham ɓu̱ Yakhuda, pooni ɓu̱ Dauda wa ra wutyang. Zalale a nje kha nda ma ku̱ kwatl yitu̱m mutndi nang ndu̱ ku̱ qu̱n lagarkati ɗyikhlakandang nu̱gha.”